Redacción A Nosa Terra. En resposta a unha pregunta da deputada do BNG, Ana Luísa Bouza, o conselleiro de Presidencia, Alfonso Rueda, confirmou o desmantelamento por parte do Goberno do Partido Popular de Mancomún e das demais iniciativas de apoio ao software libre que puxo en marcha o Goberno bipartito.
---------------------------------------------------------------------- O conselleiro de Presidencia, Alfonso Rueda, laiouse no Pleno de que os 500.000 euros destinados a Mancomún ?organismo que aglutinaba as iniciativas de apoio da Xunta de Galiza ao software libre? ?supuñan un custo excesivo?, segundo o Partido Popular, para as arcas da administración galega. O responsábel de Presidencia non asumiu ningún compromiso concreto co sector e cos traballadores e traballadoras despedidos. Ana Luísa Bouza salientou que o Goberno bipartito, fundamentalmente a través da Consellaría de Innovación e Industria, ?fixo unha aposta estratéxica polo desenvolvemento da sociedade da información e do software libre en Galiza?. Neste sentido, salientou que ?o éxito é incontestábel: en apenas dous anos conseguiuse alfabetizar dixitalmente máis de 26.000 persoas, atraéronse novos talentos científicos evitando a fuxida de cerebros; conseguimos que o 10 por cento das empresas galegas utilicen software libre e que o seu uso se multiplicara por tres nas escolas e que Galiza sexa líder no Estado nalgunhas áreas tecnolóxicas?. ?Todo isto foi recoñecido pola propia ONU?, engadiu. Fin das iniciativas Con todo, a deputada do BNG denunciou que o pasado 14 de setembro o Goberno do PP despediu sete persoas relacionadas con Mancomún. Ademais, alertou de que ?recentemente fixeron un aviso de despedimento a máis de 100 traballadores e traballadoras da Fundación para o Fomento da Calidade Industrial e do Desenvolvemento Tecnolóxico de Galiza? que viñan traballando en iniciativas de extensión da sociedade da información. Ana Luisa Bouza subliñou que ?estes traballadores e traballadoras, aos que o Goberno do PP lles avisou do remate do seu contrato por obra e servizo o vindeiro 31 de decembro, son persoal técnico, non de carácter politíco, co que estamos ante despedimentos improcedentes?. Neste sentido, a parlamentaria do BNG preguntouse ?como se van manter as políticas de apoio ao software libre con estes despedimentos? e advertiu se ?isto non constitúe unha escusa para realizar os contratos con Microsoft?. Fonte: http://www.anosaterra.org/nova/35810/rueda-confirma-o-desmantelamento-de-mancomun-.html Unha aperta. -- +---------------------------------------+ | José Antonio Cidre Bardelás | Vigo | CiberIrmandade da Fala | http://www.ciberirmandade.org +---------------------------------------+ ........................................................................ : Fai tamén unha visita a: : http://www.arquitecturagalega.net : http://www.cidrebardelas.com (Sitio web profesional arquitecto) : http://www.jrsoftware.org/files/istrans/ (O inno-setup en galego) : http://www.poptray.org (O PopTray en galego) :.......................................................................