www.goa-world. com GULF-GOANS e-NEWSLETTER (since 1994) >>http://www.yahoogroups.com/group/gulf-goans/ http://www.colaco.net/ >>http://www.live365.com/index.live >>Tumcam Maie-mogacho ieukar. Stay tuned to Gulf Goans e-Newsletter - everyday >>someone, somewhere learns a >>little.....________________________________________________________________________________SON’VARACHIM >> SUNGTTAM: >> >>Desa Khatir Sopnantle Fuddari >> - Jose Salvador Fernandes >> >> >> >>Kendrant novo sorkar ghoddounk nov bhagamni vanttloli Lok Sobhechi 2014 Vinchnnuk az meren desachea 349 vattaramni zalia. Vinchnnukecho xevottacho bhag Mayachie 12ver somptolo. Lok Sobhechi hi 2014 Vinchnnuk khubxea konnantlean adlea vinchnnukam poros vichitr, veglli ani ‘suspense’ tharlia. Lok Sobhechea adlea Vinchnnukamni khoincho pokx sot’ter yeum yeta vo khoinchea pokxanchi aghaddi asum yeta tacho vhoy-nhoy-so sumar marum yetalo. Punn hie khepek khoinchea pokxak kitle zage melltole, sokar ghoddounk unnem poddpi zageam khatir khoinche pokx khoinchea pokxank pãy poddtole, khoinche pokx mukhel pokxak sorkar ghoddounk hat ditolo….. hea sogllea gozalimni hi Vinchnnuk mhotvachi titlich umollxikechi kelia. Eke mhotvachie gozalichi mon’xak umollxik lagtoch, mon’xachem mon sabar konnantlean aple porim tie gozalichem gonnit korunk lagta. 2014 Lok Sobhechio poilea so bhagamni zalolea, ani xevottachea urlolea tin bhagamni azun-ui zaunchio asat tea vinchnnukancher nodor marun, Bharatachea novea sorkarachem, sod’deachie tori poristhitint oddchonnichem, ani ghoddie chukichem-i zait, gonnit korunk lagla. >> >> >> >> >> >>Lok Sobhechi Vinchnnuk mhonninam fuddem, raxttrik panvddeavele pokx osovost zaunk lagtat. Kiteak tea pokxanchea mukheliank ani herank sonvsarant ravpachi jitli axea asta, tache poros kitlexech pottin Kendrant sorkar ghoddounchi itsa asta. Hi apli itsa follak haddunk, magir to-to pokx vinchnnukechie toyariek lagta, ani xevttim te prochara khatir tankam lagu zavpi zageancher desant zomati ghoddoun haddtat. Vinchnnuke nimitan procharchio zomati ghoddoun haddop hem toxem polleunk gelear novem nhoy, punn raxttrik pokxanchie nodrentlean tea zomatink ‘mol’ asa. ‘Mol’ itlech khatir, aplea virud bostolea pokxanchi ttik’ka korche khatir! Punn aichea vinchnnukamni ti ttik’ka virodi pokxam purti urunk nam, punn vinchnnuk loddoytolea umedvaranchea khasgi jivitacher akromonn korunk hea prochar zomatincho vapor zala. >> >>Toxem polleunk gelear, vinchnnukechea hea prochar zomatink yevpi motdarank tea-tea vattarant vinchnnuk loddovpi umedvar asat tanche koddchean ‘sensible’ vicharanchi opekxa asta. Punn tea umedvarak desacho rajki fuddari zaunk poilim khorem rajki ‘sense’-uch nam mhonntoch, to magir apnnak dhokeache tharpi virodi umedvarank khala uddounk ani unno korunk aplea panvddea sokoil denvta. Bhid-loz, dorzo soddun ani apunn konna mukhar uloyta tachem bhann soddun to monisponnachie nodrentlean khala denvta. Sod’deak 2014 Lok Sobheche vinchnnukechea procharant ghoddta toxem! >> >>Desa khatir udorgotichem sopon aslole umedvar rajki mollar dusreachem nanv ibadd korinant. Sobhemazar tache ogunn dhunant. Tachea khasgi unneponnachi ani patkanchi nisonn loka mukhar ubi korun tache poros apunn voir ravonant. Tea bodlek, desa khatir aplea monamni kosle boreponnache vichar choltat ani xiztat, her pokxam poros aplo pokx rajki mollar porje khatir koslem ani kitlem boreponn haddunk sokta, adi. oxie vrut’tien desa khatir aslolem aplem sopon manddchem asta. Punn toxem zalolem disonam. Voilean, atam deaschea rajki mollak itlem mol ailam, az vinchnnuke khatir orz korunk vochpi umedvar apnna vangdda hozaramni lok haddun, vazoun-gazoun formam bhortat. Ani tachea vangdda oxim horanchim horam ogddavpi lok khoinchea panvddeacho asta tacho amchean sumar kaddum yeta, ani vangddach tea umedvaranchea-i monanchea panvddeancho-i sumar kaddum yeta. Vinchnnuke khatir oxie ritin formam bhorunk vochpi umedvar nivddun ailear fuddarak desa khustar oslech dekave dakounk bad zatolo kay kitem oxe monant prosn udetat! >> >>Atam, hem borovp vachpi konnui mhonnunk sokta – ho azunui sopnanchea sonvsarant jiyeta! Vhoy! Mon’xak aplea jivita khatir ek sopon asta toxem aplea desa khatirui ek sopon aschem poddta. Borea fuddarianchem sopon. Des fuddem vhorpi khorea fuddarianchem sopon! Desa khatir oslim sopnam sogllech nagrik sopnelolea zalear, az amchea desachi poristhi oxi zaunchi nasli… amkam nagrikank naka aslole ani desachea khorea rajkaronnant bosonaslole monis-ui fuddari mhonn mukhar yeunche nasle! >> ____________________________________ THOUGHT FOR >>THE DAY: Every individual has a place to fill in the world, and is important >>in some respect, whether he chooses to be so or not.