---------------------------------------------------------------------------
Sign the Petition requesting The Honble Minister of State for Environment
and Forests (I/C) to maintain the moratorium on issuing further
environmental clearances for mining activities in Goa
http://goanvoice.org.uk/miningpetition.php
---------------------------------------------------------------------------
Give Us This Day Our Daily Bread
Aitar soddun her disamni hanv igorjent Misak hajir zalo zalear, hachea fattlean
kitem tori kharan asum yeta. Nhoinch hanv, punn dusre-i asat kosle tori nimitan
kenn-kennay igorjent pavttat. Zaite zonn Devachem dorxonn ghevnk ani mozot
magunk dor-ek disa thoddea vellachi bhett igorjek ditat zalear, thodde zonn
asat, kamank vechea adim neamit (daily) Misant vantto ghetat. Ani hatuntlo
mhozo ek khas ixtt, sodanch sokalchea 7 voranchea Misak hajir asta. Mhojea
ixttacho rabito (residence) igorjiche vaddeantuch mhonllear zata, tori astona
sokalchea Misak yetana, donparchea jevnna khatir tannem dispottim bread
sandwich borexea plastik pisvik ghutlaun haddchi asta.
Fattlea Budhvarak sokalchea 7 voranchea Misak hanv pavun sorlom. Misak
vochpachem kharann mhonlear, mhoje eka lagxilea soireak tea disachea Budhvarak,
Mumbaichea eka hospitolant kallzachem operesanv aslem. Tachem operesanv suvoll
zanvchem ho mhozo hetu (intention) aslolean, hanvem Misant vantto ghevn tache
bholayke khatir kholayen Devachi mozot magumchem aslem.
Hanv choddso igorjintlea bankar bosona. Ubem ravun Misant vantto ghevnchi, hi
mhoji lhanponnichi chal vo sonvoim. Thoddo vell ubem ani goroz thoim dimber
poddun magnnem korunk mhaka tor bilkul tras zainant. Igorjichea mukhi
darvotteachea dhave bazun hanv sodanch ubo ravun Misant vantto ghetam; jea
zagear neamit igorjek yetolo mhozo ixtt ubo ravta.
Ani tea Budhvarak ekdom oxiren (late) pavlolo anik ek mhojea ollkicho monis, zo
Aitar soddun heram disamni choddso igorjent disona, tea disa mhoje lagsoruch
ubo ravlo. Misachi bhett Svami Jezu Kristan xikovlolea Amchea Bapa magnneacher
pavloli. Mhojea sorbhonvtim lokan ap-aple hat ubarun magnneank survat dili,
punn ektteach; neamit Misak yetolea mhojea khas ixttan aple hat uklunk nant.
“Koslo re tuzo ixtt? Sogott lok hat ubarunOur father mhonttat ani daily Misak
yetolo tuzo mogacho gott ixtt hat pangrun aslo.”, Igorjichea kompoundan doddlo
tednam Misak late pavlolea mon’xan, mhaka vicharlem..
“Ek vicharum?” hanvem mhonnlem
“Vichar, zaitem vichar”, tannem sodam porim gorvidayen mhonnlem
“Atam tum kamank vetolo vo ghora?” mhozo proxn taka
“Kamank”
“Zalear, don’parchem jevonn tum khoim ghetolo?”
“Amchea komponink laggim aslolea hotelant”
“Tuka bail asa, toxich takay asa”
“ So what!”
“Tuji bail nokri korta toxich tachi-i bail nokri korta”
“So what!”
“Our father mhonntana tunvem tuje hat ubarleat te toren daily Misak yetolea
mhojea ixttak hat ubarchi goroz nasli”
“Oxem koxem tor?”
“Tachea hatant already daily bread aslo”
Lino B. Dourado
http://aitaracheokaskuleo.blogspot.com/
