Itulah hukum pangakuan mangatokan Syarak Mangato Adat Mamakai kemudian
dituangkan dalam deklarasi alim ulama, niniak mamak dan cadiak pandai di awal
abad ka 18 yang dikenal dengan Piagam Bukik Marapalam yaitu Adat Basandi
Syarak, Syarak Basandi Kitabullah.
Sajak itu praktislah kabaradaan adat dibawah naungan ajaran Islam, atau dapek
disimpulkan bahwa roh nafas islam mangauasai baraadat balimbago samina waa
tana . Kalaulah tantano Minangkabau sabuah negara, makanyo negaranyo negara
Islam. Itu pasti.
Dunsanak pandanga, adopun faktor partamo, iolah visi nan samo antaro agamo
dan adat dalam manilai hakkat azasi manusia di mano kaluhuran budi manjadi
takaran kahidupan.
Dalam pandangan urang Minang, martabat urang itu di nilai dari tinggi
randahnyo budi sasaorang, prestasi hanyolah manopang harkat bukanlah hakikat
manilai untuk sabuah pribadi, urang nan kayo panyantun, urang cadiak nan
bijaksano, urang bagak nan santun, urang rancak nan paramah, itu
sanjuang-sanjuang, di puji-puji dan di tinggikan, sabaliaknyo urang kayo nan
angkuh, urang cadiak pangicuah, urang bagak nan manggadang, urang rancak nan
ongeh dirandahkah, di sisiahan, dilecehkan di nan bayak dan dibanci karano
parangai mantiko, tadanga ucapan sinis di palanta nak nyo kayo sajo lah surang
kami indak ka mamintak, kok cadiak kami indak kabatanyo, kok bagak kami indak
mangaduah, kok rancak kami indak ka maniru baaa kok baitu rusak binasonyo adat
ulah dek kayo apo nan nampak diagonyo kaadilan diborongnyo malah kalau paralu
diupahkan untuk mambunuah urang, asal buliah pintak balaku apo pun sagalo caro
dilakukannyo indak piduli urang nan kasangsaro jadilahnyo koruptor/manipulator
asalkan pitih lai ka masuk indak diagak urang maarang jadilah inyo rentenir
lintah darat pendeknyo dunia handak nyo jinjiag jo tangan kida dek tagnan suok
manggamgam ameh itu urang dek urang nan indak babudi.
Baa pulo kalau urang cadiak indak babudi, cadiak itu paralu dalam hiduik,
tapi nan sangaik paralu adolah urang nan cadiak nan jo pandai, cadiak
manenggangkan dan pandai malakukan kabanaran, tapi cadiak sajo indak ka
manaruah ka pandai namonyo cadiak buruak atau cadiak nyo nak ka manjau kok
panjang nak ka maliliak, kok tinggi nak kamaimpok.
---------------------------------
Ahhh...imagining that irresistible "new car" smell?
Check outnew cars at Yahoo! Autos.
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Tapi harus mendaftar dulu di: https://www.google.com/accounts/NewAccount,
dengan email yang terdaftar di milis ini.
-~----------~----~----~----~------~----~------~--~---
