Dalam forum batagak pangulu sarumah urang alah mahangguak tapi ado anggota kaum nan manggeleang mako itu namonyo rantiang badantiang murai bakicau.Alun ka tasisiak kariah di pinggang alun balewakan ka nagari panobatan tu di tangguhkan, musti di giliang dulu sampai bulek. Nan bulek inyo indak basagi sinan nyo buliah di golongkan, kok picak indak basuduik baru lah dapek dilayangkan baitu lah adat nan balaku. Tibo caro ba lapau nasi, sajak nan dari induk samang, tukang hidang, tukang balanjo sampai tukang cebok sadonyo dapek bagian dek inyo samo bajariah tantu sajo tibo di jatah balain-lain gadang kayu gadang dahan ketek sanduak ketek pangadang itu manajemen ala Minangkabau. Samo hak samo kawajban, baitulah susunan aturan Minangkabau sajak dari datuak nan baduo hinggo maso bundo kanduang sampai kini baitu juo. Barang kali iko lah biang demokrasi nan di pakai negara-negara modern maso kini mako islam pun datang mambao azas persamaan. Rasulullah mangatokan La fatla ala bi rabbiyin ala ajjamiin illa bittaqwa Tidak ada kelebihan bangsa arab dari bangsa lain kecuali taqwanya. Indak ado penganut kelas duo, ndak ado golongan elit dan istimewa dalam Islam sadonyo samo. Bia nan datang dahulu inyo ka musajik tatap duduak dimuko walaupun tukang rumpuik. Dalam manunaikan ibadah haji sadonyo diperlakukan samo, kok saI samo balari tawaf samo bakuliliang pakaiana samo tak bajaiak. Baitu Si itam kalek dari Afrika, baitu si mato pitok dari tiongkok baitu juo bangso Arab dari kampuang Nabi, sadonyo samo. Jo masalah hukum pun saroman sajo nan salah tatap di timbang nan barutang tatapdi baia nan kisas indak pandang bulu sahinggo Rasulullah sampai mangatokan walaupun nan mancuri itu Si Fatimah anak kandung Ku pasti akan ku potong juga tangannya. Baitu tegasnyo persamaan hak dan kewajiban dalam Islam, tantang parsamaan hal ko Nabi pernah di tegur oleh Allah sahinggo kalua surek ABassa pasalnyo dek Nabi indak malayani saorang buto dari gurun banamo ummu Matum wakatu itu baluai sadang manarimo tamu penting tokoh-tokoh masyaraakt Quraisy sahinggo kadatangan urang buto tadi kurang di tanggapi dalam Surek ABasa ayat 1-3 babunyi :
--------------------------------- TV dinner still cooling? Check out "Tonight's Picks" on Yahoo! TV. --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Tapi harus mendaftar dulu di: https://www.google.com/accounts/NewAccount dengan email yang terdaftar di mailing list ini. -~----------~----~----~----~------~----~------~--~---
