Waalaikumsalam,wr,wb.

Adinda Malin Basa sarato rang rumah dan anak2 di Kandang Singo,
Kami sangaik bagumbira mandanga barito bahaso adinda jo rang rumah akan
barangkek ka tanah suci manunaikan ibadah haji rukun Islam kalimo pado
maso haji tahun ko.

Kami sakaluarga di Palembang dan talabiah khusus ambo sandiri nan alah
mangicok dan bagau basamo adinda di Kandang Singo 3 tahun nan lalu samaso
kami SAS maadokan Rapim dan Tour ka Malaysia - Singapur, maucapkan
salamaik manunaikan ibadah haji kapado adinda baduo semoga dibari
kalapangan, kamudahan dan kasihatan salamo manjalankan ibadah haji
basarato rukun dan syaratnyo di Tanah Suci tersebut. Dan sakumbalinyo dari
sinan manjadi haji mabrur handaknyo.

Kami indak jadi pai balibur ka Kandang Singo akhir tahun ko seperti nan
pernah ambo lontarkan dulu dek karano ado tugeh kantua di PT.Rekayasa
Industri Jakarta salamo 2 minggu kamuko.

Jo sia anak2 tingga di kandang singo tu ??? Apo lai segeh2 sajo ???

Semoga postingan ko dibaco pulo dek dunsanak kito Ridwan M Sirin di
Jeddah, bisa pulo beliau mananti adinda duo suami istri di Jeddah
nantiknyo.

Labbaik allahuma labbaik, labbaika laa sarikalaka labbaik,
Innal hamda wani'mataa laka wal mulk, laa sarikalak.

Wassalam,
HM Dt.MB (50+)


> Assalamu'alaikum wr. wb.
>
> Ka bakeh niniak mamak nan gadang basa batuah, alim ulama suluah bendang
> dalam nagari, cadiak pandai, bundo kanduang limpapeh rumah nan gadang,
> urang mudo nan capek kaki ringan tangan, kok ketek indak diimbau namo kok
> gadang indak dipanggia gala.
>
> Naiak gunuang rimbo kalibuik
> ka rimbo bakayu jati
> kayu gadang banyak babuah
> bacampua dengan kayu kamaik
> gagok ganta ambo manyabuik
> pangulu banyak nan sati
> tuangku banyak nan batuah
> alim ulama banyak nan kiramaik.
>
> Insya Allah ambo jo urang rumah ka mamanuhi panggilan Allah melaksanakan
> ibadah haji, kami barangkek dari kandang singo pado tanggal 9 Desember
> 2007 dan baliak 7 Januari 2008.
> Kami mohon ma'af nan sagadang gadangno ateh sagalo kesalahan kami baiak
> nan disingajo maupun tidak. Disampiang itu kalau utang piutang nan alun
> lunas tolong kami dibari tahu. Indak lupo pulo kami mohon do'a kapado
> dunsanak sadono semoga Allah mambari kasalamatan dan karedhaan dalam
> perjalanan pai dan pulang kami dan dianugrahkan baliau haji nan mabrur.
>
> wassalam
>
> Junaidi



--~--~---------~--~----~------------~-------~--~----~
=============================================================== 
Website: http://www.rantaunet.org 
=============================================================== 
UNTUK SELALU DIPERHATIKAN: 
- Hapus footer dan bagian yang tidak perlu, jika melakukan reply. 
- Posting email besar dari >200KB akan di banned, sampai yang bersangkutan 
menyampaikan komitmen akan mematuhi Tata Tertib yang berlaku. 
- Email attachment, DILARANG! Tawarkan kepada yang berminat dan kirim melalui 
jalur pribadi.
=============================================================== 
Berhenti, kirim email kosong ke: 
[EMAIL PROTECTED] 

Webmail Mailing List dan Konfigurasi teima email, lihat di: 
http://groups.google.com/group/RantauNet/subscribe 
Dengan terlebih dahulu mendaftarkan email anda pada Google Account di
https://www.google.com/accounts/NewAccount
===============================================================
-~----------~----~----~----~------~----~------~--~---

Kirim email ke