Assalammualaikum WW. Nan ambo tau Datuak/penghulu adolah pemimpin dalam ruang lingkup suku. Ampia samolah jo Pak RT namun bedanyo datuak/pengghulu mendapat kehormatan nan sangek tinggi baik dari kaumnyo dan harus pulo dihormati oleh kaum nan lain, tamasuak pengakuan dari pemerintah Bulando.
Gala datuak ko di register oleh pemerintah bulando sebagai orang pribumi terhormat. Manuruik adat gala tu diturunkan ke kemanakan. Kalau kamanakannyo banyak tantunyo diadokan partamuan keluarga untuak mamiliah ka sia di sangkuikkan. Jadi yo ndak bisa sembarangan jo datuak ko. Untuak kehidupan keluarganyo sendiri datuak mendapek sejumlah harato, katokanlah secaro material datuak harus mempunyai kecukupan, supayo terhindar dari perbuatan tercela. Tamasuak datuak indak buliah man jujuang baban di kapalo, itu adolah suatu bentuk kehormatan. Datuak juo manadapek pengawalan dari kaumnyo dari gangguan keamanan, miriplah jo paspanpres. Pendek carito datuak adolah pemimpin kaum nan bertanggungjawab menjalankan pemerintahan di lingkungan kaumnyo. Indak adolah kegiatan kaum nan indak sepengatahuan datuak. Raso persatuan dalam suku sangek kuek, tapi kini tingga carito. Datuak juo nan manjadi lambang kehormatan suatu kaum, jadi sagalo kegiatan dikaitkan Jo datuak Apolagi kalau urusan perkawinan nan paling daulu di tanyo sia datuaknyo. Jadi kalau ambo manyabuik kalau ado nan barabuik gala, itu indak beda jo barabuik kekuasaan. Kalau kini barabuik tuah. Kalau kini apo kekuasaan datuak tu masih ado.?... Ba'a pulo jo datuak nan indak bakatantuan di rantau?.. Jan kan kaumnyo, keponakanyo sajo inyo ndak tau, apolagi paduli. Ba'a pulo caronyo untuak menghormati datuak tu. Kini urang awak tu hanyo sekedar membanggakan kejayaan maso lalu. Fungsi datuak kiniko bisa dikatokan indak bajalan, kalau ado sangek saketek. paliang untuak maajan tuah. Wakden keturunan bangsawan darah biru Dulu tabu untuak bakato kasa ka datuak tapi kini datuak bisa juo bacakak di tangah jalan bahkan ado nan tabunuah. kaumnyo biaso-boaso sajo. Indak ado salahnyo awak mewarisi budaya tapi harus bertambah maju, berkembang, amanahnyo dijalankan Nan rancak di parancak, nan buruak di tinggakan Wassalam, --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Selalu mematuhi Peraturan Palanta RantauNet lihat di http://groups.google.com/group/RantauNet/web/peraturan-palanta-rantaunet - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount -~----------~----~----~----~------~----~------~--~---