Assalamualaikum w.w. Kemanakanda Feri basarato dunsanak sapalanta nan hambo hormati Sekalipun pertanyaan kmd indak di tujukan kepada ambo, namun ambo akan mancubo manjawabnyo samampu ambo dan sesuai dengan nan ambo ketahui. Dan kepado angku2 niniak mamak, angku2 cadiak pandai, sarato dunsanak kasadonyo, ambo bermohon kironyo jawaban ambo ko kok kurang tolong di tukuak, kok lamah tolong di bilai, kok panjang tolong di karek, kok singkek tolong di uleh, ambo akan cubo manjawab sasuai dengan pertanyaan. Ambo simpulkan pertanyaanyo dan ambo jawab sebagai berikut. Apo pungsi dan peran datuak atau panghulu kini ? Jawab : Dari dulu sampai kini pungsi dan peran datuak atau panghulu itu tetap samo, yaitu, sebagai Pimpinan dalam kaum atau suku, dalam istilah adat dikatokan, beliau nan mamacik bungka nan piawai naraco nan indak pa alingan, nan didahulukan salangkah nan ditinggikan saranting kapa-I katampek batanyo kok kapulang katampek babarito. Kok tibo kusuik nan kamanyalasaikan kok karuah nan kamanjaniahkan, terutama didalam kaum atau pasukuannyo manuruik sapanjang adat nan balaku di Minangkabau. Hak dan kewajiban datuak atau panghulu itu apo sajo ? Jawab : Bicaro tentang hak dan kewajiban inilah nan agak sulit di kemukakan. -. Kewajiban : Panghulu mempunyai kewajiban, sebagi pemimpin yang bijaksana dan adil, seperti disebutkan diateh, nan mamacik bungka nan piawai naraco nan indak pa alingan, nan didahulukan salangkah nan ditinggikan saranting kapa-I katampek batanyo kok kapulang katampek babarito. Kok tibo kusuik nan kamanyalasaikan kok karuah nan kamanjaniahkan, terutama didalam kaum atau pasukuannyo manuruik sapanjang adat nan balaku di Minangkabau. Dan beliau juga sebagai teladan dalam kaum, "hulu budi talago undang pincuran tajunan aka", kato sapatah bamaana, langka salangka batujuan. Kok satitiak di lawikkan, kok sakapa di gunungkan. -. Hak Panghulu : Ado di sebagian kecil daerah di Minangkabau, yang memberikan sawah kagadangan atau sarupo jo tanah bengkok di Jawa, dan sawah itu buliah diambil mamnfaatnyo selama jabatan panghulu di pacik. Namun, hal iko indak pulo marato di seluruh Minangkabau karano indak pulo ado sawah nan ka di berikan. Secara umum hak nan diberikan adolah penghormatan sebagai ningrat jabatan bukan ningrat turunan, beliau ningrat selama jabatan itu di pacik. Selain itu tidaklah ado hak yang diberikan apa lagi dalam hal materi, malah sering kali seorang panghulu dalam malaksakan tugas terhadap anak kemanakan, yang biaya di keluarkan dari kantong sendiri. 3. Apo bisa pemilihan panghulu itu dilakukan sarupo pemilihan pimpinan nan lain? Jawab : Seharusnya biasa, terutama pada sistem kelarasan Budi Caniago. Namun, terlebih dahulu hal tersebut harus di musawarahkan dan kemudian ada kesepakatan oleh seluruh anggota kaum dalam suku nan bersangkutan (demokrasi), untuk mancari nan mungkin sarato patuik, mungkin lai patuik tabao talatak suatu pado tampeknyo, dan dalam aturan adat disebutkan Berdiri panghulu sepakat kaum, berdiri adat sepakat nagari. Sebaiknya memang seorang datuak atau panghulu yang akan diangka mempunya Visi dan Misi dan menguasai akan seluk beluk adat istiadat Minangkabau, dan paham tentang Agama Islam, mengerti tentang Undang Undang Negara. Apo bisa panghuluko di parantikan ? Jawab : Bisa, jika penghulu tersebut telah melakukan kesalahan besar, seperti ; Tapanjek di anau basigai, tamandi dipincuran gading, takurung di biliak lamang. Jika itu nanlah tajadi atau dilakukkan, mako jabatan panghulu itu di runtuah dari tandan atau dirangguikkan, yang melakukan itu adolah anggota kaum dalam pasukuannyo dan mangganti dengan yang lain, namun hal itu tantu ado pulo aturanyo. Siapa nan mengawasi pekerjaan panghulu? Jawab : Secara intern ke dalam diawasi oleh anak kamanakan dalam kaum atau suku nan basangkutan yang dikepalai oleh mamak nan tatuo atau mamak atau mamak nan dituokan dalam kaum, karano panghulu atau datuak adalah nan mamacik amanah dari anak kemanakan dalam kaumnya, jadi harus bersama-sama menjaga amanah serta nama baik kaum atau panghulu tersebut. Sacaro banagari atau dalam adat nan salingka nagari, panghulu atau datuak di awasi oleh Kerapatan Adat Nagari, panghulu sa adat surang di cacak sadonyo padiah. Bagaimana Pungsi LKAAM ? Jawab : LKAAM, tidaklah terlalu banyak pengaruhnyo terhadap seorang datuak atau panghulu di tengah2 masyarakat Nagari di Minangkabau, karena LKAAM adolah satu organisasi yang titiak dari ateh. Apokoh caro bergiliran akan mendapek calon datuak atau panghulu nan di arokkan bagi kaum? Jawab : Indah ado jaminan, karano mungkin sajo nan mandapek giliran,indak berkemampuan untuak mamikua jabatan tersebut. Demikianlah nan dapek ambo sampaikan kilaf sesat ambo mohon maaf. Wasalam, Azmi Dt.Bagindo
Feri <[EMAIL PROTECTED]> wrote: Assalamu'alikum wr.wb, yth Uda2, Uni2, Angku-2, Niniak Mamak, Cadiak pandai nan tagabuang di milis ko, 2 hari nan lalu Panghulu dikampuang ambo Suku Koto Pahambatan Balingka Kab. Agam bagala "Datuak Panghulu Kayo" berpulang kerahmatullah di Jakarta dalam usia 82 th. Inna lillahi wa innailahi Rojiun....,dalam acara malapeh Jenazah kapatang diadokanlah acara "Panyangkuik-an Gala" yang dimakasuikkan sebagai pamangku samantaro (PJS) sabalun ditantukan atau dipiliah Datuak nan baru. ambo dapek informasi kapatang bahaso ado 4 Paruik dalam suku koto ko dan biasonyo Datuak ko bagiliran baganti-ganti diantaro ka 4 Paruik ko, dan Jabatan Datuak ko adolah sampai ybs. maninggal dunia. Kapatang itu sempat pulo ado salisiah paham.....diantaro keturunan 2 Paruik yang hadir.....yang maraso berhak gilirannyo kini....... Ambo taruih tarang sajak dulu indak baitu mendalami Peran Datuak ko, nan ambo tahu wakatu ambo ka-manikah....ambo disuruak dek urang tuo untuak datang minta ijin ka manikah pai ka Datuak ambo ko.....itu sajo nyo....,salabiah itu jarang atau indak pernah ambo bahubungan jo Datuak ambo ko doh..., kapatang timbua di-pamikiran ambo.....apokolah fungsi dan peran Datuak/Panghulu kini....,Hak dan Kewajiban Panghulu/Datuak itu apo sajo yo.....? apo ko bisa dilakukan Pemilihan Panghulu/Datuak sarupo jo Pamilihan nan lain (penyampaian Visi, Misi, Fit dan Proper Test) lalu dipiliah sacaro Demokratis oleh kaum suku tersebut, nama ko lah nan ka bisa mambao perubahan bagi kaum-nyo, bisa mamparatikan kampuang...., dsb. apo ko bisa Panghulu/Datuak ko diparantikan....??? sia nan mangawasi karajo Panghulu.....???....fungsi LKAAM (Lembaga Karapatan Adat......)..?? dsb. Banyak pertanyaan-2 sekaligus harapan dari ambo....akan peran Panghulu/Datuak dalam zaman modern kini ko...,nan paling tampak masalah di kampuang awak kiniko adolah....sangaik banyak urang kampuang awak nan indak mampu untuak mambiayai sakola anaknyo.....,mudah2an dengan dimulai dari raso sa-kampuang, sa-panghulu, sa-suku ko .....InsyaAllah akan ado perubahan dan untuak itu tantunyo sangaik mamaralukan Peran aktif Panghulu/Datuak suku tsb....., apo ko jo caro-2 nan masih balaku kini....bagiliran....akan mandapekkan calon pangganti Panghulu/Datuak yang sangaik diharokkan perannyo bagi kaum suku yang dipimpinnyo.....Wallahu'alam...... Ambo mohon pencerahan dari uda2, uni2, niniak mamak, cadiak pandai dan rekan-2 nan tagabuang di-milis ko...mohon maaf untuak katarbatasan ilimu ambo ko....... Tarimo kasih, Wassalam, Feri (42+) --------------------------------- Bergabunglah dengan orang-orang yang berwawasan, di bidang Anda di Yahoo! Answers --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Selalu mematuhi Peraturan Palanta RantauNet lihat di http://groups.google.com/group/RantauNet/web/peraturan-palanta-rantaunet - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount -~----------~----~----~----~------~----~------~--~---