Pak Saf yang baik
Maaf paf Saf kalau ambo tambahkan Nyaman karano indak tau lai masalahnyo dan
seterusnya tantu apo nan akan dogarap atau indak peguli kai Terserah
Lilahita'ala
Kelompok ini makin gadang sajo dengan makin sedikitnyo nan tertarik baminang
minang ko Karano itulah harus kito jago nan sedang bergiat ini makin besar
sajo jumlahnyo
Chaidir N Latief
"Dr.Saafroedin BAHAR" <[EMAIL PROTECTED]> wrote:
Assalamualaikum w.w. Ananda Hanifah, Ananda Saribanilai, Sanak Z. Chaniago,
dan para sanak sa palanta,
Nampak dek ambo ado duo caro untuk manjawab masalah Ranah nan jadi kepadulian
kito basamo ko, tamasuak masalah peranan datuak, yaitu caro manyampaikan kasan
kito surang-surang dan caro mancari fakta sacaro langkok, menungkuik
manilantangkannyo habih-habih, maambiak kasimpulan, dan kalau ado nan salah,
mambuek rencana a nan paralu dikarajokan untuk mamelokinyo.
Caro paratamo kan alah banyak kita baco di milis ko. Tiok-tiok kito
manyampaikan kasan-kasan pribadi kito, indak jarang manuruik kaadaan di nagari
kito, atau di suku kito, atau di buah paruik kito surang-surang. Caro iko indak
salah, hanyo agak kurang tapek manyamokan kaadaan khusus tu jo kaadaan saluruah
Minangkabau. Susahnyo, karano adat salingka nagari, indak banyak para penghulu
kito nan baminat atau punyo wakatu mamparatikan baa bana kaadaan di
nagari-nagari lain. [Apolagi kalau baliau-baliau para penghulu ko bamukim di
Rantau].
Caro nan kaduo yo agak jarang bana dilakukan, jan-kan dek kito nan
bamukim di Rantau, bahkan di Ranah sandiri juo indak. Wakatu ambo jo staf ambo
mamparsiapkan semiloka masyarakat hukum adat Minangkabau bulan Juni 2007 nan
lalu, ambo tanyokan ka para dosen Fakultas Hukum Unand, lai banyak mahasiswa
nan baminat ka hukum adat -- nan manjadi bidang garapan ambo di Komnas HAM --
tanyato yo indak banyak doh. Kan iko nan manjadi kakhawatiran pak Chaidir Nien
Latief, yaitu baa caro maajak nan mudo-mudo untuak mamparatikan adat dan budaya
kito.
Sacaro pribadi, ambo condong ka caro nan kaduo .Ado duo buku nan sacaro
komprehensif mambahas apo nan salah, dan apo nan alah batua di Ranah. 1) Tahun
2004 basamo jo Ir Mohammad`Zulfan Tadjoeddin M.A. alah ambo tabikkan buku
"Masih Ada Harapan: Posisi Sebuah Etnik Minoritas dalam Kehidupan Berbangsa dan
Bernegara; 2) Tahun 2007 alah tabik pulo buku Mahkamah Konstitusi nan mamuek
22 makalah semiloka masyarakat hukum adat Minangkabau bulan Juni 2007 tu, jo
judul "Membangun Masa`Depan Minangkabau dari Perspektif Hak Asasi Manusia".
Saparati Nanda dan Sanak katahui saminggu lai akan ado pulo diskusi panel
Parang Paderi di Arsip Nasional, nan akan mambahas ABS SBK, 'jati diri
Minangkabau', dima kito bahas sacaro mandasar sistem nilai dan pokok pikiran
tatanan masyarakat Minangkabau kito tu, insya Allah akan disajikan dek Drs
Sjafnir Abu Nain nan akan mambahas Perang Paderi dan Sumpah Sati Bukik
Marapalam, dan Ilhamdi Taufik SH MH nan akan mambahas Kompilasi Hukum ABS
SBK.
Kalau ambo ringkas, caro nan kaduo ko intinyo adolah: kalau kito ingin
mambahas suatu masyarakat sacaro langkok, mako kito harus manalaah duo hal: apo
nan marupokan sistem nilainyo dan baa susunan masyarakat tu badasar sistem
nilai tu. Kaduo masalah ko alah lamo jadi paratian urang-urang tuo kito, sajak
dari Syech Achmad Chatib al Minangkabauwi sampai Buya Hamka. Kalau Nanda dan
Sanak baminat, rancak dibaco tulisan kaduo baliau tu.
Jadi kok baitu, sia nan salah ? Nampak dek ambo kini jawaban ko
tagantuang sia kito dan apo kepentingan kito. Kalau kito alah nyaman jo kaadaan
kini, tantu indak ado nan nampak salah doh.[Rasonyo sabagian gadang penghulu
tamasuak kalompok ko; sabagian ketek indak] Bagi kito-kito nan alah maraso
nyaman ko, tantu sadonyo elok-elok sajo, nan salah tu musti urang lain.
Tapi kalau kito indak maraso nyaman jo kaadaan, misalnyo kalau kito
bandiang kaadaan di Ranah jo kaadaan di tampek lain, yo agak banyak nan salah
di Ranah tu. Ambo tamasuak kalompok ko. Rasonyo indak paralu ambo ulang baliak
apo nan alah batubi-tubi di-postingkan di RantauNet ko. [Nampaknyo sabagian
gadang nan indak maraso nyaman ko adolah anak kamanakan, kaum padusi, urang
cadiak pandai, dan sebagian pengamat sosial. Tapi ado juo duo tigo panghulu nan
sabana risau jo keadaan, saroman pak Chaidir Nien Latif Dt Bandaro].
Akhirulkalam, sasudah diskusi panel Perang Paderi [+ABS SBK] tanggal 22
Januari minggu muko, rasonyo kajian langkok tantang masalah Ranah alah salasai
atau untuak samantaro bisa dianggap salasai dulu. Apo kasimpulan dan
saran-sarannyo akan ditindaklanjuti atau indak tasarah ka pihak-pihak nan kini
mamacik peranan sabagai pamimpin urang Minang, tantu tautamo nan di Ranah.
Sacaro baketek-ketek, bara takao dek ambo sabagai urang pansiunan, ambo akan
sato juo sakaki dalam bidang nan masih ambo karajokan kini, yaitu dalam bidang
pendidikan, misalnyo ikuik mamprakarsai samacam kursus penyegaran sejarah dan
kebudayaan Minangkabau bagi nan mudo-mudo, khususnyo bagi nan ado minat.
Sasudah ko, ambo sandiri akan labiah banyak bagarak di Sekretariat Nasional
Masyarakat Hukum Adat, malanjuikkan apo nan alah ambo rintis di Komnas HAM
sajak tahun 2004.
Wassalam,
Saafroedin Bahar
hanifah daman <[EMAIL PROTECTED]> wrote:
Maaf ikut nimbrung. Menurut saya kita perlu meninjau situasi dan kondisi
terlebih dahulu baru nyatakan pendapat. Krisis ekonomi dan otonomi daerah yang
ditanggapi daerah lain semua putra daerah telah menghancur leburkan nasib rang
minang dimamapun berada. Kecuali bagi yang tangguh dan tahan banting. Untuk
mampu bersaing paling tidak mestilah terpelajar. Jangankan u sekolah untuk
makan saja susah. Paling tanah ulayat mampu membantu sekedar u makan saja. Yg
tdk punya tanah sj jumlahnya tdk sedikit. Dimana pula letak salah datuk? Tentu
dalam hal ini kebijakkan pemerintah lebih berperan. Mau dibawa kemana
masyarakat mrklah yang lebih leluasa merencanakan. Untuk lebih jelas benar apa
tdk pendapat hanifah mohon bpk saaf membantu menjawab. Makasih bpk. Salam.
Hanifah
saribanilai wrote:
> waalaikumsalam Wr Wb
> trima kasih bapak, akhirnya terjawab juga.
> lalu apa yang mendasari kesimpulan itu bapak ? mengapa pemangku adat
> nomor 1, pemerintah nomor 2 dan ulama nomor 3 ? tentu ada tolok
> ukurnya bukan ?
> mohon maaf kalau salah,
> Sari/27
> --- In [EMAIL PROTECTED], "Z Chaniago"
> wrote:
>>
>> Assalamu'alaikum Ww
>>
>> Angku Dt Bandaro yml...
>>
>> Setuju 1000%... kok kato urang inggirih dari kelok 44 "baribu mil
> nan ka
>> ditampuah dimulai dari satu langkah....., kok indak malangkah
> tangkai sapu
>> se indak ka talangkahi doh..." :-)
>>
>> Berusaha itu pasti..........berhasil wallahu alam bissawab........
> tetapi
>> berharap ka urang lain... kurangi lah...
>>
>>
>> Babaliak ka topik tanyo dari Rky Sari .. siapakah nan paliang
> bertanggung
>> jawab ..... pemangku adat, pemerintah atau ulama ?
>> Kalau jawaban ambo urutannyo: pemangku adat, pemerintah, ulama
>>
>> Apo kiro-kiro jawaban dari Angku Dt Bandaro yml ?
>>
>> Wassalam
>>
>> Z Chaniago - Palai Rinuak
>> --- ambo kuduang disiko --
---------------------------------
Looking for last minute shopping deals? Find them fast with Yahoo! Search.
---------------------------------
Looking for last minute shopping deals? Find them fast with Yahoo! Search.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Selalu mematuhi Peraturan Palanta RantauNet lihat di
http://groups.google.com/group/RantauNet/web/peraturan-palanta-rantaunet
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
-~----------~----~----~----~------~----~------~--~---
