Assalamu'alaikum ww, Mak Ngah, diulang baliak nan dibawah malantunnyo. Wassalam
-----Original Message----- From: Madahar (madahar) Sent: Monday, January 21, 2008 11:40 AM To: '[EMAIL PROTECTED]' Cc: '[EMAIL PROTECTED]' Subject: RE: [EMAIL PROTECTED] 833 Re: 11+ syarat jadi pangulu; Anam larangan, 6) Pangulu Pisak Sarawa Assaalmu'alaikum ww, Mak Ngah, lah lamo ndak turun gunuang baa kabanyo mamak kini. Mudah-mudahan salalu barado dalam naungan jo linduanganNyo. Amiiiin. Mak Ngah, kok lai pakirin Pangulu nan sabana pangulu (uraiannyo saroman nan anam ko) rancak kami dibari pulo mak. Mungkin sajo suatu sa'at nanti salah surang diantaro kito di palanta iko ka diangkek pulo dek kaumnyo untuak manjadi Pangulu, jadi kan ado pulo tu bahan sarato pamahaman nan bisa di ukua diagak-agak i. Wassalam -----Original Message----- From: [EMAIL PROTECTED] [mailto:[EMAIL PROTECTED] On Behalf Of Sjamsir Sjarif Sent: Monday, August 28, 2006 12:25 PM To: lapau Cc: biaro; Slamet Rino; Dick Tito; Benny Briand; Fauzi Yati; Sjamsir Sjarif Subject: [EMAIL PROTECTED] 833 Re: 11+ syarat jadi pangulu; Anam larangan, 6) Pangulu Pisak Sarawa (6) Pangulu Pisak Sarawa. Oh Nak Kanduang cubo pahamkan, lorong Pangulu nan Anam nantun, sabab Den ambek Denai larang, ingek pahamnyo den tarangkan: Arati Pangulu Pisak Sarawa, itu pangulu nan jahannam, ino bangso, randah martabaik, ati mahieng, pahamnyo busuak, budi anyia, pikiaran ariang, panjang aka nak malilik, panjang bicaro nak mangabek, cadiak nak manganai sajo. Muluiknyo manih bak tangguli, lamak nan bak raso santan, bak mamakan pisang masak, elok tipu manih umbuahnyo. Tukang piuah, tukang pilin, pilin kacang nak mamanjek, pilin jariang nak baisi. Pangicuah urang di nagari, panipu korong jo kampuang, panjua anak kamanakan, bapitih di saku urang, indak mancari ameh alai. Itu pangulu busuak ariang, banamo Pangulu Pisak Sarawa. ............. Kalau Ang pakai nan bak kian, bumi caia, langik lah runtuah, tampek bagantuang nan lah sakah, bakeh bapijak nan lah taban, taluak ancua rantau lah kusuik, alamat susah badan diri, ati mabuak badan tak sanang. Kok paningga Denai mati, tiok bulu manangguang sakik, kutuak mamakan anyo lai, kanai si sumpah pabuatan, amanaik indak dipacikkan. Sabagai pulo Oh Nak Kanduang, pagang pitua Urang Tuo: Elok Nagari dek Pangulu, sakato lahia jo batin, elok Kampuang dek nan Tuo, mamagang Kato Pusako, Pangulu sa Undang-undang, Urang tuo sabuah Hukum. (Kutipan dari: Siti Jauhari ka Sutan Samparono dalam Kaba Rancak di Labuah). Sumber: Datoek Padoeko Alam dan Soetan Pamoentjak. Rancak di Labuah. Reprinted Firma Soelaiman, Bukittinggi, 1951. As a part of translation by Anthony H. Johns, Data Paper No. 32. Southeast Asia Program, Dept of Far Eastern Studies, Cornell University, Ithaca, New York. December, 1958. Teks aslinyo ejaan lamo barihnyo barangkai-rangkai sambuang basambuang. Kalompok-kalompok dan susunan barih dalam postiang ko dari MakNgah Salam, --MakNgah Di Tapi Riak nan Badabua, Di Subarang Lauik Basa X___________________________________________Sjamsir Sjarif, MA Indonesian Translator, Interpreter, and Cultural Consultant 335 Gault St. #1, Santa Cruz, CA 95062, USA Email: [EMAIL PROTECTED] Tel. (831)-426-1333 Fax (831)426-8907 http://www.usindo.net/hambo Member of: ATA, American Translators Association http://www.atanet.org/ NCTA, Northern California Translators Association http://www.ncta.org/ IPA, Indonesian Professional Association http://www.ipanet.org/ ======================================================= --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Selalu mematuhi Peraturan Palanta RantauNet lihat di http://groups.google.com/group/RantauNet/web/peraturan-palanta-rantaunet - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount -~----------~----~----~----~------~----~------~--~---
