Tarimo kasih banyak Angku Lembang. Tabayang di awak Kampuang Halaman. Kalau dicaliak gambar 360 di bawah ko jaleh Kotogadang talatak diateh ignimbrit tu (istilah baru untuak kito di Lapau). Kalau Kotogadang dindiang barat Ngarai Sianok memang talatak di ateh ignimbrit tu, apokoh Bukittinggi dindiang timurnyo saroman tu pulo?
Kok tajadi gampo gadang pulo nanti mungkin koh Kotogadang jo Bukitinggi sqmosamo basanda cando aua jo tabiang? Sasudah kajadian gampo tu, tantu jambatan Bukittinggi - Kotogadang nan kadang-kadang diidamkan urang indak paralu dibangun lai. Dahulu kabano, masih dalam generasi nan dapek diingek Rang Gaek-gaek di Tabeksarojo, inyiak-inyiak urang Tabeksarojo (Guguaktinggi) masih dapek bajalan kaki pai manjapuik api ka Kotogadang. Aratino Ngarai Sianok alun sadalam nan kini ko lai. Iko Gambar 360 Kotogadang nan baru diemailkan Buya Masoed Abidin ka ambo pagi cako. Samo kito bagi-bagi manikmati. http://ekspedisi.kompas.com/cincinapi/index.php/photo360/248 Salam, -- Nyiak Sunguik --- In rantau...@yahoogroups.com, Muhammad Dafiq Saib <stlembang_alam@...> wrote: > > Wa'alikumussalaam wa rahmatullaahi wa barakatuhu > > Manjawab tanyo nyiak Sunguik nan partamu, tantang hubungan antaro bukik kapua > di Kamang jo nan di Sungai Janiah apokoh saroman, batua nyiak. Bahkan saumua. > Umua Miocenen kecek urang geologi. Bahkan sampai ka bukik di Indaruang tu > bagai samo umuano. sabab kondisi ayia lauik sakian juta tahun nan lapeh tu, > jo kakuasoan Tuhan Allah banyak manganduang unsur calcium carbonate alias > kapua cako tu. > > Nan dilereng ngarai Sianok tu kecek urang geologi ignimbrit namono, nan kalua > basamo-samo jo latusan gunuang barapi. Kamungkinan akibaik latusan gunuang > Maninjau purba. Jadi nan iko langsuang barasa dari gunuang barapi. Nan > runtuah dari gunuang Tandikek katiko gampo tahun September 2009 adolah batuan > ignimbrit ko pulo. Awakno indak tarakek kuaik bana sarato bapori-pori, > sainggo dihoyak gampo amuah taban sarupo kajadian taun 2009 tu. > > Nan di harau tu balain pulo saketek lai sabab itu disabuik urang geologi > konglomerat, campuran batu gadang ketek, tamasuak pasia bagai, dihanyuikanno > dek galodo, sudah itu dirakekno dek tanah liek. > > Wassalamu'alaikum, > > > Muhammad Dafiq Saib Sutan Lembang Alam > Suku : Koto, Nagari asal : Koto Tuo - Balai Gurah, Bukit Tinggi > Lahir : Zulqaidah 1370H, > Jatibening - Bekasi > > > ----- Original Message ----- > From: sjamsir_sjarif <hambociek@...> > To: rantaunet@googlegroups.com > Cc: > Sent: Monday, April 23, 2012 2:45 AM > Subject: [R@ntau-Net] Re: Fw: Asa Kareke di Taplau > > Assalamualaikum wrahmatullahi wabaraktuhu, > > Sanang pulo ati awak mangikuti sabagian ketek kuliah Kareke Geologi 101 ko. > > Angku Lembang, Dek tasabuik kaadaan geologi di Kamang, takana daerah-daerah > nan lah ambo rancah, apokoh bukik-bukik kapua ko nan saroman di Kaluang atau > Ngalau Kamang? Apokoh lingkaran buki-bukik ko sampai malinteh a Bukik Tanjua > di Sungai Janiah dan babega ka Simarasok? > > Apo bedano antaro kaadaan kapua di Kamang tu jo lereng Ngarai Sianok? Apokoh > samo prosesno? > > Takana pulo dindiang-dindiang bukik di Harau, tampakno indak saroman dindiang > Ngarai Sianok doh, agak kareh dan terjal dari itu, mungkin saparasaian jo > Bukik-bukik di Kamang? > > Agak ka Selatan saketek di daerah aliran Batang Sinama di Selatan Halaban, > Batu Bulek jo Lintau tampak lo di ambo Bukik-bukik kapua ko. Salah satu nan > takana ado nan disabuik lokal Bukik Mansiu karano dalam parang urang mancari > bahan mansiu ka sinan. > > Sudah tu kok diparatikan Bukik-bukik Aliran Batang Sinama di sebelah timur > Lintau Buo nan disabuik juo Bukik Saribu kamungkinan bakataruihan dari porses > kapua ko? Rasonono sampai-sampai ka Selatan Kumani, Sisawah banyak > lereng-lereng bukik kapua bangalau ko. > > Kok ka mancaliak Bukik Saribu baarak-arak Utara Selatan di Lintau Buo tu, > rancak dinikmati pamandangan dari Puncak Pato dakek tugu nan dinamokan urang > kini tugu Marapalam nan baru dibuek kini tu. (Waqkatu ambolalu-lalu sinan > sisuak satangah abad nan lalu, alun ado tugu tu lai). Jauah di Timur, > dibaliak Bukik-bukik Saribu ko dapek pulo dibayangkahn Lambah Aliran Batang > Sumpu dari Unggan - Silantai - Sumpu Kudus -Siwawah taruih mamuaro ka Batang > Sinama-Kuantan. Tapi di lereng Aliran Lambah Sumpu ko rasono indak ado tampak > di ambo bukik-bukik kapua doh. > > Salam, > --Nyiak Sunguik -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
