Assallammualaikum wr wb
Angku, mamak, bundo sarato dunsanak sapalanta nan ambo hormati, Melalu milis nan ko ambo kabakan bahasonyo bisuak siang ba'da Zhuhur 12 Juli 2012 Limbago Adat Kanagarian Sumpur Kudus akan melakukan tradisi Bakaua. Insya Allah sesuai nan kito rencanakan, LPM Marapalam akan maliput acara nan ko nan akan dijadikan dokumentasi website nagari Sumpur Kudus. Lokasi tradisi Bakaua saroman nan sudah-sudah dilakukan di makam Syekh Ibrahim, Tanah Bato Kanagarian Sumpur Kudus. Nan baliau nan ko adolah sufi nan mensyiarkan agamo Islam di wilayah Sumpur Kudus, mulai dari Tanjuang Bonai Aua, Tamparungo, Sisawah, Unggan, Silantai, Manganti & Sumpur Kudus. Tantu ado dari angku, mamak, bundo sarato dunsanak sapalanta nan batanyo apo nan dimukasuik tradisi Bakaua nan ko. Bakaua adolah pertemuan niniak mamak nan 34 sarato niniak mamak nan 40 (jumlah niniak mamak Limbago Adat Nagari Sumpur Kudus seluruhnyo adolah 74 urang) untuk membicarakan waktu turun ka sawah untuak musim tanam salanjuiknyyo, dimano di Kanagarian Sumpur Kudus nan ko masa batanam padi dilakukan serentak diseluruh penjuru nagari & dilakukan basamo-samo pulo. Maso manyabik pun dimusyawarahkan pulo sacaro basamo, sahinggo bisa ambo sabuikan bahasonyo salah satu nagari di Sumatera Barat nan Limbago Adat Nagarinyo nan masih bafungsi dalam mengatur tatanan masyarakat nagari salah satunyo adolah Kanagarian Sumpur Kudus, Kab. Sijunjuang. Baa urutan acara Bakaua mantun? Bisa dicaliak beko kutiko dokumentasi foto jo videonyo alah kito lewakan di website nagari Sumpur Kudus. Nan kini kami masih maansua-ansua mmempersiapkan bahan-bahan tulisan di website mantun, nan insya Allah kito karajokan dalam 2 tahap, yaitu sampai manjalan hari paratamo puaso & tahap salanjuiknyo setelah Aidil Fitri mendatang. Akhia kato, itu sajo nan bisa ambo sampaikan, mudah-mudahan diringankan pulo langkah kami di nagari tangah rimbo nan ko untuak mancubo membantu pemerintahan nagari Sumpur Kudus agar bisa tahubuang lansuang jo organisasi perantaunyo. wasalam AZ/lk/34th/caniago Sumpur Kudus - Sijunjung link website nagari Sumpur Kudus dapat dilihat dibawah ini http://sumpurkudus.com/ untuak samantaro templatenyo alah salasai kito rangkai, tingga maisi tulisan-tulisan nan dilengkapi dokumentasi foto & video. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
