Dicaliak di file RN lai kalua, baa kolah. Bagi nan alun dapek, ko nan ka ampek. Assalamu'alaikum w.w. Dunsanak kasadonyo, mari kito taruihkan kaji nan tabangkalai kapatang. Kok dianalisa "ghairil maghdu bi'alaihim" ko iyo panjang. ... taruihkan lah Sutan buliah nak jaleh pulo dek kami ... Tunggu dulu, kito batasi bahaso awak kiniko indak membicarakan agenda Yahudi untuak menguasai dunia do, dek karano panjang bana dan alah pernah dilayangkan ka RN ko sataun atau duo tahun yang lalu. Sia nio mancaliak, bukak di file RN. ... jadih Sutan ... Baiak, kito baliak ka sejarah nan ado dalam Qur-an dulu nan takaik jo itu.
Abdurraheem Green urang Kristen nan masuak Islam nan kito sabuik kapatang pernah mengecek, "Allah sent prophet Musa to the Jews, and they didn't folow him, Will they folow other prophet sent after him and also not from their tribes ?". (Allah swt. telah mengirim nabi Musa as. kepada kaum Yahudi, dan mereka tidak mengikutinya, apakah kemudian mereka akan mengikuti Nabi yang lain yang dikirim kemudian dan juga bukan dari golongan mereka ?). Batua kecek Abdurraheem Grren ko, dalam Qur-an dicaritokan, soal kareh kapalo urang Yahudi ko. Sabalun carito patuang anak jawi kapatang, sasudah lapeh dari Fir'aun di tapi lauik Merah tu, Nabi Musa mambok mereka ka gurun Sinai manuju bukik Thursina sasuai jo perintah Allah swt. Dalam perjalanan malakik bukik Thursina tu mereka maliek sakalompok urang-urang nan sadang manyambah patuang. Aaa kecek mereka pulo: "Wahai Musa, buekkan pulo kami patuang takah urang-urang tu untuak disambah sebagai tuhan." ... ha ha ... iyo tea mereka Sutan ... Antahlah, dikecekkan tea mereka cadiak takah carito kito kapatang, kan mabuek berang Nabi Musa as. Aa kecek Nabi Musa pulo sudah tu "Kalian ko kok bi bodoh-bodoh bana bantuak urang tea. Manyambah patuang tu sasek tu, nan sasek tu beko dihancurkan dek Allah swt. Lai patuik pulo kalian suruah den mambuek tuhan salain Allah, padahal Allah alah maagiah karunia ka kalian ?, manyalamaikkan kalian dari Fir'aun, malapehkan kalian dari penjajahan dan penindasan Fir'aun, sudah tu maagiah kalian kelebihan di ateh umat-umat nan lain. Iyo aneh permintaan kalian, mancari tuhan selain Allah nan maagiah nikmat ka kalian, Allah nan mambuek langik jo bumi jo kasado alam semesta ko. Allah nan baru sajo kalian liek kekuasaan-Nyo mambanamkan Fir'aun jo tenteranyo untuak keselamatan dan kelangsungan hiduik kalian." ... kan iyo tea tu Sutan, kecek nabi Musa se tea... Iyo baitulah caritonyo, dan akhirnyo mereka taruih bajalan ka gurun Sinai dibawah paneh matoari nan indak ado tampek bataduah di bawahnya. Aaa lai sudah tu, tibo kaluah kasah. Mamintak ka nabi Musa supayo diturunkan awan yang taba untuak panaduahan mereka. Dimintak dek nabi Musa, eh tibo awan tu. Lah sanang ati. Sudah tu, taraso lapa paruik jo auih. Mintak pulo ka Nabi Musa, Nabi Musa bado'a pulo, eh turun makanan jo minuman dari langik nan banamo "manna" (sejenis minuman nan manih sarupo madu) jo "salwa" (buruang sabanso puyuah) diiriangi jo firman-Allah swt.: "Makanlah kamu dari makanan-makanan yang baik yang Kami telah turunkan bagimu." Tapi kudian sudah tu katiko Nabi Musa pai ka bukik Thursina, nyo sambah patuang anak jawi. Baitu carito sabalunnyo. .... iyo kareh kapalo yo Sutan.... Kito liek pulo carito katiko Nabi Musa as. mambaok mereka pai ka Palestin, tampek suci nan dijanjikan dek Allah ka Nabi Ibrahim as. untuak tampek tingga anak cucunyo. Katiko lah dakek, ado suatu kota namonyo Ariha, mereka ko ndak namuah masuak, mambangkang dan indak namuah malaksanakan perintah tu. Alasan mereka dek karano mereka harus berhadapan jo suku "Kana'aan" nan manuruik anggapan mereka adolah orang-orang yang kuek dan indak dapek dikalahkan dengan aduan kekuatan. Mereka ndak picayo jo janji Allah melalui nabi Musa as, bahaso jo pertolongan Allah swt. mereka bisa mausia suku Kan'aan tu dari kota Ariha untuak dijadikan tampek tingga mereka salamo-lamonyo. Aa kecek mereka pulo ka nabi Musa: "......." ooops lah panjang pulo ... carito tagantuang... tapi ari lah laruik kito taruihkan bisuak. kito tulih baliak (Bersambung) Billahil hidayah wat taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/