Assalamualaikum,wr,wb. Ayah Rumzy dan Bundo Nismah nan ambo hormati. Sangaik terharu dan ambo pujikan uraian Bundo nan dibawah bahaso Bundo mempunyai ingatan nan sangaik tajam. Dari sekian namo nan Bundo sabuik, namo ambo masih tasalek sangenek di uraian Bundo. Sebab memang ambo alah duo kali datang ka rumah Bundo. Singkek sajo ambo sampaikan, ambo berdoa agar Bundo dan Ayah tetap dalam lindungan Tuhan dan sihaik2 selalu, menjalani maso2 tuonyo dengan selalu berkomunikasi dengan kami2 nan di RN ko. Jan lo Bundo tinggakan kami. Kito harokkan RN ko salagi bumi masih takambang tetap solid dan diakui keberadaannyo handaknyo baiak bagi nan tuo maupun nan mudo. Pertemuan2 copy darek memang sangaik paralu kito jadwalkan, salah satunyo adolah Lapangan Tenis RSPAU. Minggu bisuak ko tanggal 3 Februari, kalau indak ado aral malintang, bakumpualah baliak kito kasinan, bagi nan main tenis yo main tenis, bagi nan ka maota yo maota lah disinan. Selagi ambo masih dinas di Jakarta ko kok dapek acoklah kito bakumpua di Lapten tu. Jasa baiak dari dunsanak Dedi Nofersi nan alah acok manjapuik dan maantakan ambo dari kosan ambo ka Lapten RSPAU, ambo ucapkan tarimo kasih.
Best Regards, Mulyadi Tenaga bantuan Engineer dari PT.Pusri pada : Mechanical Dept. PT. REKAYASA INDUSTRI - Jakarta Jl.Kalibata Timur I No.36, Jakarta - 12740 Phone : +62-21-7988700 ext. 2215 Fax : +62-21-7988701 mobile : 08127834825 atau nomor baru 081932450588 email : <mailto:[EMAIL PROTECTED]> [EMAIL PROTECTED] atau : <mailto:[EMAIL PROTECTED]> [EMAIL PROTECTED] _____ From: RantauNet@googlegroups.com [mailto:[EMAIL PROTECTED] On Behalf Of Hayatun Nismah Rumzy Sent: Saturday, January 26, 2008 11:56 PM To: RantauNet@googlegroups.com Subject: [EMAIL PROTECTED] Re: Ber-RantauNet Ber-akhlakulkarimah Assalamu Alaikum W. W. Partamo sakali izinkanlah ambo mangucapkan tarimo kasih bakek nanda Miko dan Ronal nan lah mambao dan maimbau ambo baliak ka RN satalah sakian lamo absen dari RN. Nampaknyo saragak ambo jo nanda Elthaf, ambo mulai manulih alun sudah lai inyo lah salasai. Itulah rang tuo manulih basambiakan sambia mancuci baju sambia mangasuah cucu. Carito panjang Elthaf yang mengharukan ambo kami (ambo jo ayah) baco bakali2. Ambo sungguah taharu batua nan dikecekkan dek Elthaf sadonyo. Badan nan lincah saisuak lah lambek gariknyo dan sumbayang lah duduak. Kok bapikia lah agak manurun. Lah palupo bagai. Kok kepeng lah kurang. Basyukur awak lai masih ado, sabab etek nan dikecekkan Elthaf sakantua jo ambo, kakak dek Taufik Rasyid kawan ambo lah lamo mandahului kito. Jadi kami masih diagiah juo kesempatan manambah amalan bekal diakhirat nanti dek Allah SWT. Itulah raso jo pareso rang Minang nan bijak nan kanai nan tuo2 tapi taraso juo dek Elthaf. Ciek lai kami diaja dulu kok mangecek dibawah2 kok mandi diilia2 indak sombong indak bakaok2 mangecekkan awak santiang, sabatuanyo indak sarupo nan dikecekkan Sati tu bana nasib rang pensiunan doh. Beda jo rang kini kok otanyo gadang isinyo kurang suko mancaritokan kahebatan inyo (narsis kecek rang kini). 1. Lah lamo ambo nio barangkek dari RN ditampek nan mungkin awak indak paguno dek urang lai tapi ado sajo nan nio manghalangi. Raso kekeluargaan nan tinggi ado di RN ko. Baru sajo ambo sampai ditampek anak lah manalipon RN Amerika ko. Kok Ben ka manjapuik ka Texas dan mambaonyo karumahnyo. Parjalanan tu jauah mungkin dari Padang ka Jakarta agaknyo, Mak Ngah manalipon lai kamampir ka Santa Cruz, add, Dutamardin dan Lies mangajak mampir ka Washington. Nanda Ad nan di Houston sadang ka barangkek ka Aljazair untuak 2 minggu, nanti nyo pulang ka dating ka Grapevine Texas. Kekeluargaan sekali sasamo Minang. bagai sakali. 2. Kopi Darek nan partamo nan tajadi di SBQ (Hotel) di Rumbai pado bulan Desember 1993 - Gindo Arisman dan nanda Yenny (Kaduonyo yolah tenaga pengajar di UNRI nan waktu tu sedang mangambiak Phd nyo) manggendong anaknyo Jeka nan mungkin kiniko lah kelas III SMP agaknyo, katampek tingga ambo. Pertemuan silaturrahmi yang hangat yang dilanjutkan dengan kerja sosial yaitu mengirimkan buku2 (textbooks) ke UIR Pekanbaru. Ambo waktu itu sudah dioperasi dan sebelum operasi banyak saran nan ambo dapek dari dunsanak di RN yaitu kaki nan samulo akan dilakukan Total Knee Replacement tidak jadi dilakukan atas saran seorang sahabat dialam maya yang mengatakan kalau seandainya dilakukan operasi TKR tsb kita tidak bisa membengkokkan lutut < 90 degree jadi tidak bisa sujud. Alangkah malangnya kita kalau tidak bisa sujud jadi akhirnya biar pincang dan tengkak asal bisa sujud. 3. Bundo pensiun dari CPI 1994 dan wakatu bundo berminantu anak bungsu kami bundo dapek Kartu Selamat dari Seluruh rang RN di Jagad Raya. Terima kasih Ben untuk ucapan selamat tsb menyenangkan sekali menerima kartu ucapan itu. Lama ambo simpan kartu ucapan dari anggota RN seluruh dunia nan diantarkan oleh nanda Nurul Qamar Maas kerumah. Lama absen kesibukan sehari2 dan akhirnya mulailah ditahun 2002 mulai berinternet. Sajalan dengan Internet ambo dapek camera digital yang mula2 keluar. 4. 10 April 2002, Miko dan Ronal datang katampek kami. Lamo kami badiskusi baliau mangajak basuo jo Abrar Yusuf (Canberra) yang sedang pulang bakumpua di Priok dirumah M. Bari Jambek basamo2 jo Yayasan Imam Bonjol. 13 April 2002 di Jalan Walang Baru Priok berkumpul Minang2 nan ingin maju tu. Banyak diskusi mamajukan ranah tapi sadonyo tu yo tinggal wacana. 10 May 2002 Yessy Elsandra basuo (moderator Surau) dan 18 May 2002 Bakumpua dirumah kami urang2 RN dan Yayasan Imam Bonjol. Disiko hadir Prof Zuraini nan akhirnyo mambawo ambo aktif di Forum Cendekia Muslimah Peduli (FCMP/ICMI) dan aktivitas perempuan. 5. 18 Juni 2002 ayah operasi bypass dan kami dikunjungi oleh urang RN (Miko dan Ronal) dan banyak emaik maagiah sumangaik. 2 August 2002 Ajo Buyuang (Drs. Zubir Amin nan waktu tu konjen RI di Marseille - ayah Nirina) datang karumah. Wakatu add. Zubir Amin dan Martini baminantu kami diundangnyo pulo. 8 Sept 2002 Amzar Bandaro baminantu. Wakatu Bandaro jo Tati kahilangan putri mereka kami juo ka Bogor manjanguak. 6. Pulkam ka Bkt. Des 2003, ambo ka Hotel Pusako basuo Wies dan 18 Jan 2003 Wies ka Jakarta karumah basamo2 jo Yenny, Iraf, Dewis, dan Yoe, dan Yos. Jadi karano Wies lah di Bogor mungkin awak nanti ka banyak basuo di Bogor. 7. 10 May 2003 Kumpul2 dirumah kami dan sudah tu 22 May 2003 Rahima datang dari Mesir. Kami umrah Mesir dan mampir dirumah Rahima, kami diantar ke AlAzhar, Nile Cruise dan makan bersama dengan kel Rahim. 8. 4 April 2004 Ketemu dilapangan tennis merencanakan organisasi RN ketemu nanda Adrisman, St. Lembang ALam nan ambo kagumi, Ajo Buyuang, Bandaro,, Darul serta ananda2 Miko, Dr. Rahyussalim, Jendral Asmardi (mamak Miko) dllnya. 9. Silaturrahmi dengan Hendra Messa, Isna Huriati, Mulyadi, Aulia Postiera, Arfian (Jepang), Boes Rustam (Canada) dan beberapa pertemuan ado jo add. Dutamardin dan Lies, dirumah kami. Sudah tu ado bakumpua2 dirumah Darul St, Parapatiah ado Datuak Endang, Syahreza dllnya. . Pertemuan di Bogor dirumah Bandaro indak sempat kami hadir baitu juo beberapa kali undangan dari Bandaro Labiah untuak mandanga saluang. Terakhir kumpul2 lagi dirumah kami jo pak Saaf, Maifil, Benny, Ronald kedu2nya, Riri, add. Zubir Amin, Isna, Zahendry Rusli, Yenny dan Bandaro Labiah bulan Juni 2007. Spesial untuk pak Saaf ambo masih bautang juo jo baliau yaitu ingin mambuek buku pegangan calon bapak dan calon ibu Minang. 10. Silaturrahmi yang sempat renggang bertaut kembali dengan nanda2 dari Chevron, Elthaf, Taufik Rasyid, Madahar (Buyuang), Srie Rukmini, Kasman, dllnya 11. Berbagi duka kalau ditimpa kemalangan waktu mak dan buya kami meninggal dan berbagi suka kalau mendapat nikmat. 12. Ampia ambo lupo wakatu ado ananda Ismal St, Kayo dari Canada datang awak bakumpua babarapo hari ado Fitri dimano Fitri kini? Mohon maaf kalau ado nan lupo dalam manulih ko maklum lah palupo. Tantu ado nan ingin batanyo apo bana nan menarik di RN ko. Nan menarik yaitu silaturrahmi dan ingin berbuat sesuatu untuk Minang. Apo kendalanyo yo ado terjadi generation gap diantaro kito mudo dan tuo. Sabatuanyo bana untuak anak mudo nan kreatif tu batua kecek Elthaf bueklah mailing list sendiri kan lah ado aktivis minang atau minang net kalian mudo2 buliah disitu bakucintak jan disuruah juo kami minggir dari palanta kami ko. Ditambah lai ado kini blog carito sajolah lapehkan bakat awak tu masiang2. Mohon maaf dari kami untuak ananda2 dan sanak2 yang disebutkan dan tidak disebutkan karena lupa. Salam dan maaf kami dari belahan bumi bawah Rumzy B. Rasjad (71 ++) Hayatun Nismah Rumzy (69 +) --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK DIPERHATIKAN: - Mematuhi Peraturan Palanta RantauNet, lihat di http://groups.google.com/group/RantauNet/web/peraturan-rantaunet - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Peraturan yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount -~----------~----~----~----~------~----~------~--~---
