Alaikum salam warahamatullahi wabarakatuhu, Bana, sabana pueh, dapek dirasokan. Istilah BANGGA jo Huruf Gadang nan manjadi Subject dalam untaian (thread) ko mulono barasa dari email pribadi Ankgu MM* Mawardi Muchtar. Email tu indak dikirim ka Lapau ko doh, tapi ka jalua paribadi nan panjang daftarno, hampia sadono anggota Lapau ko. Pamilihan kato-kato dan gaya angku MM* lah samo dimaklumi Rang Lapau nan Basamo, bahkan lah manyababkan baliau Takuruang di Lua Lapau.
Pasan angku MM* ka jalua paribadi tu, intino cuma batanyo baa mangko Awak Urang Minang sato-satolo manulih namo "Allah" manjadi Alloh", baitu juo rodhiallohu dsb. Tanyo tu diarahkan malah ka Buya H. Mas'oed Abidin) nan manggunokan "Alloh" tu dalam salah satu teks nan dikutip angku MM* Postiang angku MM* -- nan diporowaikkan Angku Zul Tan -- tu takalimbun, karano tasalek diikua postiang Lapau mulo-mulo tantang subject ko, caliak lah bagian bawahno bana: http://groups.yahoo.com/group/RantauNet/message/159943 Dalam jalua paribadi nan panjang tu MakNgah cuma takajuik, dan lai mambaleh, ka jalu paribadi nan badaftar panjang tu, batanyo saketek ka Buya: "Baa tu Buya?". Manuiruik datak ati MakNgah, indak ka mungkin Buya HMA ka manyabuik "Alloh" tu doh, karano MakNgah alah basuo mangecek Caro Awak dan sato sumbayang luhua nan baliau imami, katu basuo di Reuni SMP Tanjuang Alam, 19 Desember 2011 patang ko. Manuruik pakiroan MakNgah, mungkin Buya HMA cuma mancopas (copy paste) tulisan urang lain dalam poasstiang nan dikutip angku MM* tu. Tapi itu anggapan MakNgah, nan jaleh nan paralu mambaleh dan manarangkanno alun dapek kita danga lai dari Buya H. Mas'oed Abidin. Nah angku MM* indak di Lapau, dan Buya HMA pun tampakno jarang ka Lapau mangko untaian postiang ko lah taherak-herak, sadangkan tanyo jaleh angku MM alun tampak tajawab lai. Saakitu sakadar untak dimaklumi talusua jalua paribadi dan untaian subject di Lapau ko. Salam, --MakNgah --- In rantau...@yahoogroups.com, "Muljadi Ali Basjah" <muljadi@...> wrote: > > Assalamualaikum Wr.Wb. yth. Mak Angah, bapak Tan Ameh. > > Ambo bukanlah BANGGA bisa babahaso Minangkabau saketek, walaupun ambo lahia > dan gadang dirantau, tapi maraso agak PUEH. Makna BANGGA manuruik pandapek > ambo bisa2 sajo manyababkan awal dari unsuar effekt negatip, takapoak... > jadinyo... bisa urang manjadi bingik. > Kalu PUEH manuruik pandapek ambo, adolah karano bisa manguasoi suatu ilimu, > yakni Bahaso Kultur Tinggi dari asa muasa kaduo ranggaek ambo. Izinkanlah > ambo nan bukan ahli bahaso bapandapek, bahaso Minangkabau itu labiah sulik > dari bahaso Indonesia nan pangkanyo dari Bahaso Melayu. > Dilain itu Bahaso Minangkabau banyak mambantu ambo disikola saisuak, wakatu > mangubak mampalajari bahaso Indonesia. > Manuruik analisa ambo itulah panyabab baa mangko banyak cadiak pandai bangso > Indonesia barasa dari Minangkabau,... dek karano BASISnyo "mother tongue, > Muttersprache" adolah bahaso Minangkabau nan parbandaharoan kato2nyo rasonyo > agak banyak dibandiang jo Bahaso Indonesia. > Jadi misalnyo, njek nyak kamangarati bahaso asiang nan agak labiah samparono, > tantu sajo musti ado Bahaso Basis nan agak banyak perbendaharaan kato2nyo. > Kudiannyo, bisa2 sajo bahaso basis saurang2 bakisa dari usalinyo, mungkin dek > akibaik frekwensinyo labiah lamo, labiah acok mamakai bahaso lainnyo sacaro > aktiv dan passiv. Tantu sajo ba(ta)pindah dibanak individu tasabuik basis > bahasonyo. Jadi kamusnyo mungkin lah batuka dibanak bagian bahasonyo. > > Sakitu sajolah ota dari ambo, > Wassalam, > Muljadi Ali Basjah. > > > -------- Original-Nachricht -------- > > Datum: Thu, 19 Jul 2012 15:35:49 -0000 > > Von: "sjamsir_sjarif" <hambociek@...> > > An: rantaunet@googlegroups.com > > Betreff: [R@ntau-Net] Re: BANGGALAH DENGAN LAFAS MINANG KITA...!!!!===>Re: > > [Buya H. Masoed Abidin] Dari Abu Hurairah rodhiallohu `anhu berkata, > > > Ooh iyo, baru takana, tarimo kasih. Ambo tahu baliau lah maningga > > diJakarta, tapi indaktadanga Uda Watimena dimaalah kini,lah agak lamo ilang > > dari > > peredaran pertemuan-pertemuan di SanFrancisco Bay Area. Kok lai Angku Tan > > Ameh basuo iyo tolong sampaikan pulo salam ambo ka baliau. > > > > Salam, > > --MakNgah > > --- In rantau...@yahoogroups.com, tasril_moeis@ wrote: > > > > > > Mak Ngah, > > > Etek Nurjanah tu urang Banuhampu ndak Balingka do. Tipak di awak bana > > > > > > Wassalam > > > Tan Ameh > > > ------Original Message------ > > > From: sjamsir_sjarif > > > Sender: RantauNet > > > To: RantauNet > > > ReplyTo: RantauNet > > > Subject: [R@ntau-Net] Re: BANGGALAH DENGAN LAFAS MINANG > > KITA...!!!!===>Re: [Buya H. Masoed Abidin] Dari Abu Hurairah rodhiallohu > > `anhu berkata, > > > Sent: Jul 18, 2012 20:45 > > > > > > Alaikum salam waraahmatullahi wabarakatuhu, > > > > > > Mungkin urang nan malu-malu kuciang Caro Minang tu, takuik jo sterotip > > negatif nan acok ditujukan ka Urang Awak. > > > > > > Takana di ambo dulu, rasonyo lah ambo caritokan di Lapau ko katu baliak > > ka San Francisco dari tingga di Chicago (Midwest) 9 tahun. Wakatu tu ado > > partamuan di Konsulat Indonesia SanFrancisco, urang-urang awak nan hadir > > sadonyo pakai Caro Awak dengan bangga agak kareh tagalak-galak. Sudah tu Kak > > Djanah (Nurdjannah Watimena kini Almh) Urang Balingka mamperkenalkan ambo ka > > Pak Senduk (Konsol) wakatu itu, kini alm. > > > > > > Kak Djanah: "Pak! Ini satu lagi, Orang Padang juga." [dengan gembira > > memperkenalkan ambo.] > > > Pak Senduk: "Oh, tambah lagi Padang Bengkok ya?" > > > Kak Djanah: "Oh, bukan Pak! Ini yang Lurusnya!" > > > Sjamsir; "Iyo! Saluruih Sabik!" [sambia galakj tasambua kareh mancaliak > > ka Kak Djanah jo Pak Senduk.] > > > Pak Senduk: "Apa pula itu Saluruih Sabik"? > > > Kak Djanah: "Oh, Sungguh-sungguh Lurus Pak! Selurus Arit...!" > > > [Katigonyo kami galak-galak terbahak-bahak...] > > > > > > Jadi, kok awak distereotipkan urang, indak usahlah awak malu-malu bana > > mangecek Caro Awak. Paluruih se lah elok-elok panyanangkan hati urang. > > Karano banyak juo urang nan indak picayo jo macam-macam sterotip tu. Cuma > > stereotip itu untuak kelakar jo galak-galak untuak persahabatan panambah > > kawan > > ... > > > > > > Itulah dahulu di Lapau ko, MakNgah panah manyarankan ka adidunsanak nan > > baru masuak Lapau ko nan mangaku agak teloh-teloh Caro Awaknyo supayo > > "bagak-bagakan se lah mangecek Caro Awak"! Bahkan katangahkanlah Caro > > Kampuang > > Awak (dialek Kampuang Awak bana, nan "medhok" [istilah nan disalang Angku > > Suryadi tu]. Kini, caliaklah di Lapau ko, kito sanang mancaliak Caro Awak > > dikatangahkan dengan variasi dialek Kampuang Awak. Di siko awak baraja > > baliak, > > disiko Sikola [Universitas Terbuka] awak basamo. Caliaklah patang ko > > misanyo, lafaz "mantun" jo "nantun" dibahas oleh Angku Lembang jo Angku > > Armen. > > MakNgah pakaikan "mantun" jo "nantun" tu dengan variasi manuruik konteks, > > tanpa komentar, dalam postiang-postiang nan mangikutinyo. > > > > > > Salam, > > > --MakNgah > > > Sjamsir Sjarif > > > Di Tapi Riak nan Badabua > > > Santa Kuruih, Kalipornia > > > July 18, 2012 > > > > > > --- In rantau...@yahoogroups.com, Dedi Suryadi <dsuryadi.77@> wrote: > > > > > > > > Assalamu'alaikum... > > > > > > > > Iyo sadiah juo ambo mambaco kalo ado nan malu ketahuan sbg urang > > minang. > > > > Patangko ado di kantua ambo, pangkeknyo iyo lah lumayan tinggi pulo > > > > (Assiten Manager). > > > > Inyo ko awalnyo iyo malu juo mangaku sbg urang minang. Dek kuliahnyo > > di > > > > Aceh, inyo labiah sanang mangaku sbg urang Aceh. > > > > Sampai kami di kantua barancano mambuek IKM (Ikatan Keluarga Minang), > > inyo > > > > pun masih indak namuah mangaku. > > > > > > > > Terakhir, dek ado musibah gampo di Padang bbrp tahun lalu, barulah > > inyo > > > > namuah mangaku sbg urang Minang, dan kami dirikanlah IKM ko... > > > > Terakhir, inyo mangaku, bahaso Minangnyo "medhok" kecek rang Jawa, > > asli > > > > bahaso galomai Payokumbuahe....hehe.. > > > > > > > > Ambo sendiri, malah sabaliaknyo....malu babahaso Indonesia kalo > > basobok jo > > > > urang Minang. > > > > Siapopun, barapun tinggi pangkeknyo di tampek karajo ambo nan PMA ko, > > kalau > > > > ambo tau inyo urang Minang, ambo bawo babahaso minang taruih. > > > > > > > > Sampai bbrp hari nan lalu, ado peristiwa lucu mode ko , pas duduak di > > > > kantin kantua, ambo, Pak E (Planner), Pak Y (Senior Engineer), Pak H > > > > (Senior HR Officer). Mungkin dek pangkek urang2 ko agak tinggi, agak > > gengsi > > > > kalau babahaso Minang. Lain jo ambo, ambo ajak babahaso minang > > sadonyo. > > > > Jadi, > > > > > > > > Pak Y, urang minang, inyo mangecek pakai bahaso minang jo ambo, pakai > > B Ind > > > > jo Pak H sarato Pak E > > > > Pak H, inyo urang minang, mangecek pakai bahaso minang jo ambo, B Ind > > ka > > > > Pak Y sarato Pak E. > > > > Pak E, Inyo urang minang, mangecek pakai bahaso minang jo ambo, B Ind > > jo > > > > Pak Y sarato Pak H > > > > > > > > Tu ambo sabuik selai... > > > > > > > > "Iko iyo binguang ambo...ambo mangecek jo Pak Y, Pak E, Pak H, pakai > > Bahaso > > > > Minang, baitu juo Pak Y, Pak E, Pak H ka ambo. Tapi Pak Y ka Pak E jo > > Pak > > > > H, baitupun sabaliaknyo, pakai bahaso Indonesia sadonyo.....ba-a > > caronyo > > > > ambo ka mangecek ko....he -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
