Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko,
Nan kaduo “wal munkar”, sagalo kemungkaran. Baa tadi ?, "InnalaaHa ya'murukum bil 'adli wal ihsaan, wa itaa idzil qurba" “wayanhaa ‘anil fahsyaa-i wal munkar”, Sesungguhnya Allah menyuruh kamu berbuat 'adil dan ihsan, menyantuni karib kerabat, mencegah perbuatan keji dan perbuatan munkar... Apo nan disabuik mungkar ?. Munkar mukasuiknyo, sado urang ndak suko. Urang Minang ndak suko,urang Jawa ndak suko, urang Cino ndak suko, urang India ndak suko, urang Arab ndak suko, bahkan urang bule pun ndak suko. ... aa contohnyo tu Sutan ...? Perkosaan, ado urang nan suko ?. awak ndak nio ado keluarga awak nan diperkosa. Urang Cinopun ndak nio. Awak punyo anak-anak padusi, khawatir awak dunsanak. Kejadian nan di muko mato di Solok beberapa tahun nan lalu jaan sampai tajadi pulo baliak dunsanak. Itu sababnyo harus dicegah, malawan, dan manutuik sagalo pintu kemungkaran. Penjagaan keluarga tolong diparatian bana dunsanak. .... baiak Sutan, sudah tu aa lai contohnyo ?... Sudah tu perampokan, awak suko ?. Ndak ado urang nan suko kanai rampok do dunsanak. Pitih nan alah duo puluah tahun dikumpua-kumpuakan untuak naiak aji, ka di setor, tibo-tibo di rampok urang, sia nan suko ?. Urang-urang takah iko kan iyo dikarek tangannyo andaknyo. Anehnyo urang ndak katuju jo caro itu, ibo awak cek nyo, beko jo aa pulo mancari iduik, inyo punyo anak bini bagai. Aneh, jo urang nan marampok pulo nyo ibo, jo urang nan kanai rampok nyo ndak ibo do, kan aneh, lah duo puluah tahun mangumpuan pitih, di rampok e dek urang bak kecek jo Sur, eh,... ibo pulo we-e ka perampok tun, ... jan dikarek tangannyo... aaa...kan ?. Iko nan sabananyo harus dibendung. Nan dapek membendung ko hanyo undang- undang Allah swt. dunsanak. "Nakaanu minallaah", urang takuik, urang ngeri jo hukum Allah, ndak bisa main-main. Tapi awak kok ndak nio ?. Undang-undang manusia nan dipakai akhirnyo jadi huru-hara. Caliak se lah maraknyo premanisme kini. Sia se jadi pemimpin indak ka bisa bagai doh, kalau indak hukum Allah nan dipakai. Cuma awak ndak picayo, disiko masalahnyo. Bahkan jo data statistik pun awak ndak picayo. Baa data statistik nyo ?. Data tahun 2000 hasil survey urang, kriminalitas nan tajadi di Arab Saudi salamo sapuluah tahun samo jo duo puluah ampek jam di New York, bukan Amerika, New York sajo. Caliak bandinganyo dunsanak, begitu hebatnyo hukum Islam sabananyo. Kok diderivasikan (diturunkan), hebatnyo ABS-SBK dunsanak. Tapi nan awak indak juo picayo jo hukum Allah swt. nan ka bisa manyalasaikan masalah. Ka dipangakan. Iko nan munkar, …. pakaro nan kasado manusia ndak suko. Perkosaan hari kini ko manjadi-jadi dunsanak, cuma ndak mengemuka, karano ndak sadonyo diberitakan. Dan lah manjadi mode pulo bagi anak -anak mudo kini, perkosaan tu sesuatu yang seronok dan menyenangkan dan jarang urang padusi nan manuntuik dek karano maraso seronok pulo kecek mereka. Ditambah pulo jo caro-caro kasa kristenisasi kini. Alaaa... antahlah. Tolonglah dijago anak-anak awak dunsanak. jaan awak sajo nan ka surau ka musajik, tapi awak ndak manjago anak-anak awak, bahkan bini awak nan manjadi incaran eksperimen pareman mudo-mudo. Nan katigo “wal bargh" Baa tadi ?. "InnalaaHa ya'murukum bil 'adli wal ihsaan, wa itaa idzil qurba" “wayanhaa ‘anil fahsyaa’ wal munkar, wal bargh". Jaan babuek aniayo. Iko nan katigo, aniayo, kezhaliman. Tuhan indak mambuliahkan awak menzhalimi atau berbuat zhalim, apakah urang lain atau diri sendiri. Dan dalam soal zhalim ko, manuruik surahnyo, indak ado nan labiah zhalim dari pakaro nan tadi,… syirik. Menzhalimi diri dan urang lain. Mempersekutukan Allah jo sesuatu, mambuek tandingan-tandingan taradok kekuasaan Allah swt., mencipta dan menjalankan undang-undang sendiri. Urang-urang takah iko tuan-tuan, sabananyo bana wajib ditentang habis-habisan, ndak ado kompromi kecuali mereka kembali kepada peraturan-peraturan Allah. Dalil suratul hujurat pada ayat ke 9 (49:09). Golongan nan melakukan kezhaliman wajib awak tentang habis-habisan. “Faqatilu”, maka perangilah, “al latii tabghi” orang-orang yang melakukan kezhaliman, “hatta” sehingga, “tafii-a ila amrillah”, sehingga mereka kembali kepada perintah Allah. Iko ayatnyo. Selagi judi berleluasa, minuman keras berleluasa, undang- undang taghuut diamalkan, selagi itulah mereka wajib diperangi dunsanak, kecuali mereka kembali kepada perintah Allah. Mereka mengamalkan isi atau kandungan Al-Qur-an, mereka menghapus judi, menghapus penjualan minuman keras, menghapuskan sistem riba, dilaksanakan hukum hudud, qisas, ta’zir, ringkasnyo hukum Islam, katiko itu indak buliah diperangi lai, sebaliknyo harus didukung. Ikolah tigo hal, jangan mempersekutukan Allah, melaksanakan semua suruhan Allah, dan meninggalkan semua larangan Allah. Insya Allah mati dalam Islam, mati dalam keadaan beriman. Sasuai jo kaji Prof. Dr. Hamka, mau mati dalam Islam, perbuatlah tiga perkara, buyapun mangecekkan tiga juo. Nan partamo, tempat perlindungan awak hanyalah Allah … aaa… batua lah dunsanak, tapi dek lah panjang pulo dunsanak, kito sambuang isuak... Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/