Ajo Suryadi rang nagari Sunua ranah Nan Sabarih di nagari Bulando nan ambo hormati,
Paratamo sakali, ambo mohon maaf baru mambaleh thread nan ko malam kini, sahinggo ajo jadi manunggu dibueknyo. Sacaro administratif, nagari Garabak Data ko adolah salah satu dari 5 nagari nan ado di Kec. Tigo Lurah Kab. Solok. Garabak Data adolah nagari nan paling terisolir di kabupaten nan ko dari 16 nagari sangat tertinggal nan ado di Kab. Solok. Sadangkan jumlah nagari keseluruhan adolah 74 nagari nan tersebar di 14 kecamatan. Ado 3 jorong di nagari nan ko, yaitu Garabak, Lubuak Tareh jo Data, dengan babarapo kampuang, yaitu : Buah Tarok, Buah Dama, Lubuak Pinang, Garabak, Sawah Liek, Data,dll. Kalau ambo indak salah, jumlah panduduaknyo sekitar 2000-an jiwa, nan bamato pancaharian sebagai petani sawah ladang jo mancari hasil rimbo saroman rotan, madu, gaharu, dll. Keunikan nagari-nagari di ranah Tigo Lurah ko adolah spesies Ayam Kukuak Balenggek nan marupokan spesies spesifik ranah minang. Sampai kini, hampia keseluruhan kawasan rimbo nagari ko masih hutan perawan nan pado malam hari masih tadanga suaro inyiak balang basiua nan dapek kito danga dari rumah penduduk. Terakhir kali ambo kasinan adolah bulan Oktober 2012 nan lalu, kutiko mak Dutamardin mamintak ambo mancarikan nagari nan patuik dibarikan bantuan seragam sikolah dari organisasi perantau Minang USA. Akses jalan masuak ka Garabak Data ado 2 alternatif, nan paratamo melalui Sirukam, nan mano nagari Sirukam ko bisa kito jalan dari kota Solok manuju Alahan Panjang. Jarak antaro Sirukam dengan pusat Kecamatan Tigo Lurah di Nagari Batu Bajanjang sekitar 50 km labiah saketek. Bisa ditampuah jo minibus biaso walau jalan agak buruak dan nan pasti iyo cukuik langang. Panorama nan bisa kito caliak sapanjang perjalanan memang hanyo rimbo sajo, iyo sabana rimbo gadang. Untuak di Batu Bajanjang kini listrik dari PLMTH alah ado (hanyo malam hari sajo), baitu pulo jo sinyal GSM dari Indosat. Perjalanan dari Batu Bajanjang manuju Garabak Data sekitar 14 km melalui jalan satapak, bagi nan mambao barang bisa manggunokan jasa kudo baban nan kapasitas daya angkuiknyo 100kg/kudo baban. Pabilo ingin labiah capek, bisa manggunokan jasa ojek nan biayanyo Rp. 150.000. Mahanyo biaya nan ko dek ojek nan ado adolah ojek nan spesialis jalan rimbo, dengan manggunokan rantai pado sakuliliang ban motor. Pastinyo, kito akan labiah banyak bajalan daripado duduak dek ateh jok dek terjalnyo rute antaro Batu Bajanjang - Garabak Data. Alternatif nan kaduo bisa malalui nagari Talang Babungo di Kec. Hiliran Gumanti Kab. Solok nan jaraknyo 12 km dari Alahan Panjang. Perjalanan dari Talang Babungo ka Garabak Data melalui rute nan ko labiah barek, sabab jaraknyo sekitar 28 km & medannyo jauah labiah barek pulo dek karano kito malinteh di rimbo gadang. Pabilo bajalan kaki bisa dicapai sekitar 7-8 jam, pabilo manggunokan ojek sekitar 3-4 jam dengan ongkos Rp. 300.000. Pemandu jalan di Talang Babungo hanyo manyanggupi perjalanan ka Garabak Data pabilo cuaca sadang rancak. Sabab pabilo sadang musim pahujan medannyo sabana barek & inyiak balang acok malinteh disapanjang rute nan dilalui. Dari peta nan ambo pelajari, nagari ko adolah nagari terluas di Kab. Solok nan lansuang berbatasan jo wilayah Silago di Kab. Dharmasraya, Lubuak Tarok di Kab. Sijunjuang & Pakan Rabaa di Kab. Solok Selatan. Mungkin juo adolah nagari terluas di Sumbar (alun bisa ambo pastikan) & nagari paling terisolir di propinsi nan kito cintoi nan ko. Kampuang nan tajuah dari pusat kecamatan bisa ditampuah salamo 2 hari bajalan kaki. Umumnyo, pado nagari-nagari nan terisolir nan ko akan kito jumpai sistim batanam padi nan serentak di sapanjang wilayah nagari & masih manggunokan papakeh lamo minang saroman maso saisuak, bantuak kincia aia, kalentong kabau, pusako pangulu masih tasimpan dengan baiak, dlsb. Walaupun Garabak Data ko masuk dalam administratif Kab. Solok, namun manuruik ambo pribadi, ragam budaya & penyebaran panduduaknyo adolah masuk dalam kelompok masyarakat Sijunjuang. Dari tambo-tambo setempat, masyarakat di ranah Tigo Lurah ko barasa dari wilayah Batu Manjulua, Buluah Kasok & Silago. Umumnyo, jajaran Pemkab, MUI & LKAAM Kab. Solok alah tabiaso manarimo utusan dari ranah Tigo Lurah pado malam hari dek jauahnyo perjalanan nan ditampuah dari nagari ke pusat kabupaten. Mungkin itu sajo nan bisa ambo sampaikan, labiah jo kurang mohon rila jo maaf. wasalam AZ/lk/35th/caniago Sawah Tongah, Kubang sadang di dangau ________________________________ Dari: Lies Suryadi <niadil...@yahoo.co.id> Kepada: "rantaunet@googlegroups.com" <rantaunet@googlegroups.com> Dikirim: Sabtu, 6 April 2013 22:02 Judul: [R@ntau-Net] Mohon info tantang NAGARI GARABAK (DATA), khususnyo dari Dinda Armen Z. Salam Dunsanak di palanta, khususnyo Sanak Armen Zulkarnain, Tadi ambo mambaliak2 buku Centraal Sumatra Expeditie (1877-1879). Di situ ado babarapo info jo kodak mengenai Nagari Garabak di 'Padangsche Bovenlanden'. Di situ disabuik namo nagari ko Grabak Datar. Ado catatan2 demografis saketek tentang nagari ko. Juo tumbuah2an, khususnyo jenis2 padi, nan iduik di nagari ko pado maso tu (akhir abaik ka-19). Ambo mohon info, khususnyo dari Sanak Armen, apo bamo nagari ko kini nan sabananyo? GARABAK sajo atau GARABAK DATA? Atau Garabak Data tu mungkin salah satu dusun dalam nagari ko? Apo ado warga lapau kito ko nan barasa dari nagari Garabak ko? Kalau Ambo ndak salah, Sanak Armen alah acok baulang ka nagari ko. Mohon info sanak di lapau: kini masuak kecamatan dan kabupaten apo Nagari Garabak (Data) ko? Apo ado catatan2 demografis terkini mengenai Nagari Garabak ko? Mudah2an ado Dunsanak di Lapau nan dapek mambari penjelasan ka ambo. Wassalam, Suryadi -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
