Sanak Jepe, Iyo samo bana karajo awak. Ambo nananjua udang ko katiko klas 5 s/d klas 6 SR. Alatnyo samo bana. Lidi jo banang nan diambiak dari palapah pisang. Ambo tingga di Alang Laweh Padang kutiko tu, pai mananjua udang ka Gantiang dakek Rumah Sakik Tentara di Gantiang. Tapi ambo mananjua indak pakai umpan do, Udang nan di cari tu diaia nan tanang ,Di aia nan tanang tu , biasonyo dibawah kayu atau benda benda lain banyak udang bamukim disitu. Caronyo iyo pelan pelan lingkaran banang pisang diujuang lidi tu dilingkakan ka mato udang nan tagak tu , dan kalau la masuak langsung diangkek capek dan udang nan taangkek langsuang di tangkok jo tangan. Udangnyo indak gadang gadang bana do , hanyo sagadang talunjuak urang dewasa. Suatu kali , ambo pai mananjua udang tu baduo jo kawan. Sasudah bosan mananjua udang, taragak pulo mandi mandi di aia sungai nan janiah tu . Kami pun sepakat untuak mandi dan bajalanlah ka ilia ka tampek aia nan agak dangka. Kiro kiro sapingganglah. Kami lapehan baju jo sarawa, lalu kami branang ranaglah di aia nan sapinggang tingginyo tu. Sabananyo kami indak pandai baranang do . Arus wakatu itu iyo agak dareh. Tanpa sadar kami makin jauh dari tampek samulo. Kami hanyuik. Makin lamo makin dalam ,sampai kaki indak manapak ka dasar sungai lai doh. Kadang kapalo la kabawah , aia la banyak taminum , angok iyo lah sasak. Katiko aia masih satinggi kapalo ambo lambaian tangan ambo kateh. Untuang ado urang nan sadang mangarajokan proyek di tapi sungai tu. Ruponyo nampak dek inyo baso kami anyuik . Duo urang tajun manyalamatkan kami. Ambo satangah sadar wakatu dibopong dek urang nan manolong tu. Inyo tunggikan ambo dek urang tu sampai ambo muntah, baru sasudah itu agak jaleh pancaliak ambo. Kami jadi tontonan urang, Tuo mudo datang , heboh bakomentar , "Ado urang anyuik- ado urang anyuik' , makin lamo makin banyak nan bakumpua. Ado lo nan bakomentar, anak sia ko , darima nyo ko. Kalau indak pandai baranang jaan baranag di sungai ko. Bahayo. Kami diam sajo Indak manjawek do, kapalo se masih paniang. Sasudah kami alah labiah sadar , ado nan tuo di situ batanyo elok elok ka kami, Sia namo Dima tingga . Kami jawek sasuai. Sudah tu kami dinasihati lalu disuruh menyalami urang nan manolong kami tu. Ambopun manyalami urang nan manolong ambo tu sambia mangucapkan tarimo kasih. Urangnyo agak itam , rambuiknyo sabahu, bajunyo masih basah , aia masih manetes dari baju basahnyo itu. Urangtu tersenyum sajo katiko ambo salami. Nampak elok bana urang tu. Barutang nyao ambo kabekeh baliau tu. Sasudah itu , kami dalam keadaan masih batalanjang bulek bajalan ka tampek kami malatakkan pakaian kami samulo. Sasudah bapakaian , kamipun pulang ka rumah masing masiang. Ambo bapasan ka kawan ambo tu ' jaan ang agiah tau lo ka urang urang ndak. baso awak hanyuik di Gantiang. Beko heboh lo urang gaek awak.'. Kawan tu setujuloh, jadi carito hanyuik ko tatap jadi rahasio. Baru ambo ungkapkan katiko marayokan ulang tahun ambo nan ka 70 , dimuko anak , cucu dan dunsanak ambo nan manghadiri ualang tahun tu. Karano ambo dimintak bacarito tentang pengalaman nan indak talupokan.He he he ...
Sampai disitu dulu sanak Jepe. Wassalam Dunil , 70. 2013/7/4 <andi.j...@gmail.com> > Pak ZD bia nan langkok seri mamapeh ko ado ciek lai nan ambo lakukan yaitu > > "Mananjua Udang" > > Lai pernah Pak ZD dangan atau pernah lakukan, manangkok udang batang aia > manggrove (parak nipah jo jaruju) nan udangnyo sagadang-gadang ampu > jari..iko sabana asyik lo manggili-gilih mato Udang > > Baa caronyo > > Iko di dakek2 tapi sungai manggrove nan banyak sarok2 tu pas pasang > suruik, jadi alatnyo..lidi nan agak badagok dan lentur saketek, ujuangnyo > dibuek mato/lubang sakiro labiah saketek dari mato udang tu dari banang > palapah pisang nan kariang, caro mangikek di ujuang lidi ampia samo > mamasang mato kaia di Nilon..nan dibuhua lilit lalu disentak bia kuek. > > Lalu umpannyo bisa ikan2 busuak dalam arti lah bapaneh balangau :-) > cucuakan ka bilah bambu lalu tancapkan ka dasar sungai nan dangka tu tampek > udang main baputa-puta atau bisa juo karambia cukia (kopra) nan alah tengik. > > Nah beko datang udang tu ka umpan nan batancapkan tadi, perilakunyo biaso > nan gak ketek2 lu datang, beko kalua nan gadang tu..nan ketek pinggir2 > dulu, pas nan gadang ko asyik makan umpan tu, baru kito tanjua > > Digili-gili mato tanjua balubang tu pas masuak ka lubang matonyo, kalau > lah masuak padekan saketek ka dasar mato udang nan agak barongka, lalu puta > lidi tanjua ko sahinggo dipastikan kuek takabek mato tanjua tu > > Lah pasti padek kuek lakek mato tanjua di mato udang tu..tingga manjujuik > sajo lai lidi tanjua kaateh, yo lain lo geletang-galetangnyo pas > diangkek..nah disiko candunyo mananjua udang :-) > > Udang nan dapek ditanjuo ko biasonyo ka jadi umpan dek ambo, bisa umpan > kubak kok sadang elok bisa umpan iduak saikua-saikua, tapi kok rami bana > udang ko bisa lo asyik mananjua dapek sagoreng..lah lupo lo mamanciang dek > nyo :-) > > > Biasonyo dipasang suruik lo mananjua ko..lah kamulai pasang ka naik lah > abih tabang hambua lo udang ko. > > Itu episode Mananjua Udang > > Wass-Jepe > Powered by Telkomsel BlackBerry® > > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, yang melanggar akan dimoderasi: > * DILARANG: > 1. Email besar dari 200KB; > 2. Email attachment, tawarkan & kirim melalui jalur pribadi; > 3. Email One Liner. > * Anggota WAJIB mematuhi peraturan (lihat di http://goo.gl/MScz7) serta > mengirimkan biodata! > * Tulis Nama, Umur & Lokasi disetiap posting > * Hapus footer & seluruh bagian tdk perlu dlm melakukan reply > * Untuk topik/subjek baru buat email baru, tdk mereply email lama & > mengganti subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > --- > Anda menerima pesan ini karena Anda berlangganan grup "RantauNet" dari > Grup Google. > Untuk berhenti berlangganan dan berhenti menerima email dari grup ini, > kirim email ke rantaunet+berhenti berlangga...@googlegroups.com . > Untuk opsi lainnya, kunjungi https://groups.google.com/groups/opt_out. > > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
