Maa Angku Abraham Ilyas, Waktunya pasti sesudah Lebaran, karano Hari Rayo 1958 ambo masih di Palembang, sadangkan Pak Natsir mambarikan Khutbah Hari Rayo di Batusangka. Lamo ambo simpan khutbah baliau, tapi hilang dalam pengembaraan. Mudah-mudahan panitia penerbit karya Pak Natsir dapek manamukannyo karano dalam kumpulan karangan baliau nan sampai ambo baco indak basuo khutbah 1958 tu.
Wakatu ambo basuo jo Ida Black di rumahnyo September 1958 tu suasana memang sudah dalam arah pengungsian, urang di jalan alah langang di rumahpun waktu itu barangkali ado duo tigo urang sajo. Dalam pajalanan lain dari Limopuluah ka Tanah Data ambo marancah Bukik Tambun Tulang antaro Tungka (dakek Situjuah) jo Situmbuak Sungai Patai. Ambo singgah ka rumah kawan di Sungayang, Sjamwil Munaf, mungkin Angku Abrahan kenal juo. Baliau terakhir barangkali pensiunan Kepala SMP di Sungayang. Wakatu kami sadang di rumah, tadanga pulo Tantara Sukarno masuak. Kami ijok baliak ka sawah-sawah antaro Sungayang jo Sungai Patai. Sasudah itu kami bapisah, ambo taruih ka Lintau and beyond... Penghujung 1965 ambo ka Batusangka untuak manangakan pertemuan Niniak Mamak disatu gedung, tapi indak dapek masuak lai karano acara tertutup, suasana genting waktu itu manjalang gestapu. Bambo bajalan- jalanka pasa rami dn basuolah pulo baliak Sjamwil manjua manimbang cangkeh di Pasa Batusangka. Kami bapisah baliak, salamo 35 tahun sampai pulo batamu di Makah basamo urang rumah baliau tahun 2000. Di Makah pulo ambo mancubo Randang Baluik partamu kali, dan memang baru sakali tu tahu baluik dibuek randang pulo. Pertemuan kami kembali sangat menakjubkan, panjang carito. Di Makah lah ambo tahu dan kagum, nan bahaso Jemaah Haji dari Nagari Sungayang adolah nan terbesar jumlahnyo untuak kanagarian, 83 urang dalam rombongan Sjamwil wakatu itu. Terakhir (2004) baliak dari Myanmar ambo basuo jo Sjamwil di Hotel Pangeran Pakanbaru basamo jo Angku Elthaf (suami adiak urang rumah baliau) jo Angku Gindo Arisman Adnan dan Rengkayo Yenni Rosa jo anak mereka Jeka. Sjamwil adolah kawan kami jo Bundo Nismah di Payokumbuah dahulu. Sabalun ambo basuo jo Sjamwil 1958 tu, ambo pun basuo jo Bundo Nismah dan Angku Rumzy di Kampuang baliau di Talang Maua Pek Ten. Sakitu lah dahulu, panjang amek puo carito ko. Salam, --MakNgah Sjamsi Sjarif --- In [EMAIL PROTECTED], Abraham Ilyas <[EMAIL PROTECTED]> wrote: > > Kanda Sjamsir Sjarif nan jauah di rantau Amrik > Cerita perjalanan Kanda dari Agam ke Lintau dan singgah ke tempat kawan, Ida Black, anak Angku Hitam, betul-betul mengingatkan ambo pada kejadian 50 tahun yang lalu di rumah ambo. Ketika itu mungkin pertengahan atau akhir tahun, saat lebaran tahun 1958, keluarga angku Hitam serta satu keluarga adik istri beliau mengungsi ke rumah gadang ambo. Mereka 2 keluarga besar dan kami senang sekali karena rumah gadang ditempati oleh banyak orang. Ambo kenal seluruh saudara Ida Black tersebut, terakhir satu tahun yl. ambo bertemu dengan Uni Zur di Bogor. Tak lama keluarga ini menempati rumah gadang ambo, sesudah itu mereka pindah, mungkin karena nagari Tanjuang selalu menjadi sasaran tembakan canon secara periodik. Kami mengungsi ke dangau di bukit sekitar kampuang. Kalau baitu mungkin sajo ambo alah pernah mancaliak Kanda Sjamsir 50 tahun nan lalu singgah di rumah ambo, nan kutiko itu ambo baru sajo pulang mangambalokan itiak di sawah...he..he..! > > > hambociek <[EMAIL PROTECTED]> wrote: > > Maa Angku Abraham Ilyas sararo Lapau nan Basamo, > Assalamualaikum warahmatullahi wabarakatuh, > > Sanang ambo mambaco Angku Abraham Ilyas sabagai panulih website tu > ado duduak di Lapau ko. Tarimo kasih banyak dengan presentasi tu. > Mungkin iyo duo kajadian nan babeda nan kitocaritokan. Nan ambo > alami tu memang Andaleh Baruah Bukik, jadi labiah dahulu dari nan > Angku alami di Tanjuang. > > Sabalun itu dalam pajalanan ambo dari Agam ka Lintau ambo lai > singgah di Tanjuang ka rumah saurang kawan urang Tanjuang Sungayang, > dipanggikan kawan-kawan Ida Black. Namonyo sabananyo Ida Hitam, anak > dari bekas Opsinar (Pengawas Sekolah maso Bulando) nan banamo Angku > Hitam, atau masih panggilan kesayangan Opsinar Hitam. Ayah ambo > sebagai Guru kenal jo baliau. Kami singgah di rumah Ida di sabalah > kida jalan di Tanjuang tu kalau maarah ka Andaleh Baruah Bukik. Ambo > dikenalkan ka Ida waktu itu oleh kawan sapajuangan nan juo samo- samo > sasikola jo Ida Fakultas Pertanian Payokumbuah. Sajak itu kami indak > panah basuo lai. Mudah-mudahan masih sehat. Ambo raso Angku tahu jo > keluarga Opsinar Hitam. > > Bajalan dari Tanjuang ka Andaleh Baruah Bukik, mandaki lereng- leeng > bukik sampai ka Puncak Pato tu sabana-bana segar manyanangkan hati. > Baa ka indak, awak bajalan kaki, salangkah-salangkah pamandangan > dinikamati. Kalau auih kadang-kadang awak basuo jo urang mambawo > niro, awak dibarinyo sacangkia atau rasonyo minum jo sayak sambia > maota kaadaan setempat wakatu itu. Aduh, niro segar dari batangnyo > bukan main sajuaknyo. Urang nan maagiah niro ka awak suko pulo > bacarito bukan main sanang hati jo tarimo kasih kami. > > Sakitulah dulu sabagai kenangan salincah. Banyak carito pajalanan > ambo maso itu nan lah lapeh ka Lapau ko sakatiko-sakatiko sajak > Lapau ko kito dirikan. > > Salam, > --MakNgah > Sjamsi Sjarif > > > --- In [EMAIL PROTECTED], Abraham Ilyas > wrote: > > > > Assalamualaikum.w.w. > > Kanda Sjamsir Sjarif yth. > > > > Cerita di website > http://www.members.tripod.com/raso_pareso/prri.html nan ambo tulih > tersebut bukan terbakarnya nagari Andaleh Baruah Bukik, tapi > pemboman oleh dua pesawat mustang di nagari Tanjuang dengan sasaran > kantor Komando Teritorial Ketjamatan (Koterketj. Sungayang) yang > kebetulan menempati rumah pusako ambo. > > Sedangkan terbakarnya nagari Andaleh kemungkinan oleh bom napalm > (api) yang ditembakkan oleh dua pesawat mustang AURI yang berbeda > waktu kejadiannya dengan pemitraliuran serta pengeboman nagari > Tanjuang. Ketika itu ambo baumua 13 tahun belum kuat betul > mengangkat garrand walaupun berkeinginan sekali saat itu. Kalau > kanda Sjamsir mengetahui kejadian-kejadian disekitar waktu itu > sebaiknya didokumentasikan untuk menjadi pelajaran bagi generasi > sesudah kita selanjutnya. Misalnya perjalanan kanda menyusuri daerah- > daerah yang belum dikenal sebagai lawan maupun kawan. Nan masih > berkesan dalam ingatan ambo setiap hari ratusan anak muda yang > tergabung dalam kesatuan tentara pelajar dan diberi nasi bungkuaih > oleh urang kampuang secara sukarela yang dikoordinir oleh ibu ambo. > Hampir setiap minggu mereka melakukan tugas menyerang kota > Batusangkar yang dipagari dengan kawat tembaga dialiri arus listrik. > > > > Wassalam > > > > Abraham Ilyas (L 63) > > > > > > hambociek wrote: > > > > Maa Rang Lapau nan Basamo, > > > > Ambo alah rancah Puncak Pato tu babarapo kali dalam iduik dan tahu > > bana baa rancaknyo pamandangan dari sinan. Lah babarapo kali > > postiang ambo manganai itu di Lapau ko. > > > > Untuak mancaliak posisi kiro-kironyo, nikmati Google Google Earth. > > Gunuang Sago jaleh di sinan karano awak dalam lingkuangan selatan > > Gunuang Sago. Calaiak teks Balaia Tangah. Sebelah Barat teks Balai > > Tangah caliak ado duo titiak manandokan gambar. Pencet kaduo > titiak > > tu tampak gambar masiang-masiang. Nan di Utara adolah Puncak Pato, > > titiak selatan adolah Bukik Maapalam dicaliak dari Puncak Pato. > > sudah tu malayang-layang lah di langik sakitar tu. Sanang > paratian. > > Cubo lah kok indak. > > > > Kalau Pato alah masuak (di Timur) mako di barat di bawah Puncak > Pato > > tu di ado Nagari Baruah Bukik (di Barat) masuak Kacamatan > Sugayang. > > > > Kalau di website dibawah ko inyo manarangkan pemboman Andaleh > > Baruaah Bukik 1958, ambo ado disekitar tu. Saminggu sabalunnyo > ambo > > lalok di Baruah Bukik, panuah Rumah-rumah Gadang, ambo taruih ka > > Lintau. Wakatu ambo baliak sasudah pamboman tu, masih baasok > > kampuang-kampuang, rumah tampek ambo lalok tadinyuo tu indak ado > > lai. Sabana ibo ati maagaki. Panjang lo carito beko. Silakan > caliak: > > > > 1. Google earth dengan posisi di duo titiak nan ambo gambarkan > diateh > > 2. Caliak Website di bawah ko: > > http://www.members.tripod.com/raso_pareso/prri.html > > Salam, > > --MakNgah > > Sjamsir Sjarif > > > > --- In [EMAIL PROTECTED], "Nafris" wrote: > > > > > > Assalamu'alaikum wr.wb > > > > > > Puncak Marapalam (Puncak Pato) yang ambo tau memang bana di > Lintau > > yaitu babateh jo Bawak Bukit kec. Sungayang, dan sungai kecil > Tampo > > (Batang Tampo) adolah dibawah Puncak marapalam di ka nagarian Batu > > Bulek Lintau. > > > > > > Wassalam, > > > > > > Nafris Chaniago > > > > > > Urang Lintau di SUMSEL > > >> _____ > > > > > > From: RantauNet@googlegroups.com > > [mailto:[EMAIL PROTECTED] On Behalf Of Abraham Ilyas > > > Sent: 03 Maret 2008 14:23 > > > To: RantauNet@googlegroups.com > > > Subject: [EMAIL PROTECTED] Letak benteng Marapalam > > > > > > > > > Ass. w.w. > > > > > > Dinda Suryadi Yth > > > > > > Apakah benteng Marapalam (yang disebutkan berada di luhak 50 > Kota) > > berbeda dengan Puncak Marapalam. > > > > > > Ambo asal nagari Tanjuang Sungayang, yang berjarak lk 7 km dari > > puncak Marapalam. Penduduk sekitar puncak Marapalam menyebut > lokasi > > tersebut sebagai puncak Pato (batas antara kecamatan Sungayang > > dengan kecamatam Lintau Buo). > > > > > > Di puncak bukit Marapalam tersebut ada sebuat kuburan lama yang > > yang disemen dan masyarakat disekitar menyebutnya sebagai kuburan > > Kapitan Belanda (?) > > > > > > Mungkin ambo masih menyimpan foto 20 tahun yl. dari kuburan tsb. > > > > > > Sebagai catatan, ketika peristiwa PRRI th. 1958 - 1961 jalan > > antara nagari Tanjuang sampai ke puncak Marapalam merupakan > benteng > > pertahanan batalyon Harimau Minang yang dipimpin oleh Kapten > > Badarudin untuk melindungi Lintau dari serangan tentara Pusat ke > > Lintau dari kota Batusangkar dan pertahanan ini tidak pernah > tembus > > sekalipun juga. > > > > > > Tentara Pusat memasuki Lintau dari lain yaitu dari arah Tigo > > Jangko. Sedangkan jalan lain untuk menuju Lintau ialah dari > Situjuah > > (50 Kota) > > > > > > Abraham Ilyas (L 63) --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
