Cido ko yo bahaso nan lah mulai pudua karano anak2 generasi dibawah ambo yo indak mangarati lai. Sebagai tambahan dari add. Taufiq ko ikolah manuruik ambo dalam hal soal cido mancido ko mungkin iyo samo Pikumbuah jo Agam. Alm. amak ambo acok mambuek ubek cido yang warnanya kebiru2an dek karano diagiah pisang kalek. Kalau dimakan sorenyo paginyo badan harus dimandikan. Ado pulo ubek nan hampia samo jo ubek cido ko yaitu ubek barah. Cuma warnonyo sajo babeda dan samo2 diagiah pamasak. Wakatu ketek kalau awak bababan agak barek mungkin maangkek adiak nan gadang lalu dicecekkan dek rang tuo2: Beko tacido kau. Tando2 urang nan tacido iyolah indak namuah badan tu gadang kasempuk-an. Lain halnyo dicido urang artinyo diperdayakan atau ditipu. Kalau kawan agak buruak aka dikecekkan inyo agak pancido. Dicidonyo den dari balakang. Jadi banyak sekali kata2 bahasa Minang yang tak dimengerti oleh generasi baru. Begitu juga kata-kata baru yang tidak dimengerti oleh orang-orang tuo. Mulo2 mandanga kata godok ambo pikia godok itu yo bulek sabab dikampuang ambo ado urang godok ubi atau godok pisang. Lamo2 baru ambo mangarati digodok tu direbus dan kalau sebuah rencana sadang digodok tu artinyo kan sadang diproses bersama2. Disampiang godok tu ado limpiang dan lopek. Mangana-ngana kaji lamo. Wassalam Hayatun Nismah Rumzy (69++)
"Rasyid, Taufiq (taufiqr)" <[EMAIL PROTECTED]> wrote: Soal cido iko, sabana tabayang dek ambo kondisi maso ketek dikampuang dulu. Mungkin dek awak agak lesek banyak aktifitas terutamo ba kureta angin atau acok juo ta jatuah sampai ta dangek. Pada periode tertentu ambo didiagnosa "urang gaek" lah mulai tacido. Tando-tando umum tacido untuak anak-anak adolah menurunnya kebugaran,lesu/lemas, nafsu makan kurang, maleh sajo manggarik, lah banyak nan dingin hari itu taraso. Hal lain adolah bau kantuik itu agak lain, lumayan busuak nyo. Sahinggo kalau anak-anak bau kantuiknyo lah mirip bau bangkai. Kecek urang : "Ang lah tacido ko" Akibat terforsirnya tanago mangayuah sepeda paruik manjadi kareh bahkan ado yang dikatokan "paruik bangkak" Jadi salain makan ubek cido ambo juo acok diuruik dek tukang uruik yang datang karumah untuk ma uruik. Sasudah mauruik tangan jo kaki, mulailah inyo mauruik sekitar paruik nan taraso agak kareh itu. Kalau kondisinyo lumayan kareh bisa sajo ba uruik iko sampai duo-tigo kali biasonyo sabalun makan malam atau sarapan pagi. Kabatulan Bapak ambo suko juo mandatangkan tukang uruik ka rumah kalaulah maraso panek2 atau kurang fit. Bagi orang dewasa mungkin agak beragam definisi cido iko. Urang yang mungkin hanya asma sering juga disebut tacido. Dek inyo sasak angok dikecekkan : " Lah ba ambuih pulo nasi dingin" Yang agak parah mungkin yang kena hepatitis/lever. Karena hampir seluruh badannyo mulai menguning dikatakan : " Lah marasai bana kini, lah tarang talingonyo, ta-makan mungkin" Jadi orang orang yang kena livernya acok disabuik "ta-makan". Selain badan yang menguning badan mulai sambok, mato ba tuduang ( karano sambok, mata menyipit). Hari lah banyak nan dingin sahinggo acok duduak bamanuang bapaneh dipagi hari. Bagi orang tua yang kurang terurus kadang aroma tubuhnya mulai kurang enak karena pengaruh penyakit, apo lai mungkin baju dinginnyo sarato pakaian lain lah lamo indak bacuci. Disitu tampaknyo iyo agak marasai lelaki Minang. Kok kurang diacuahkan dek anak , ari mulai paneh di jalang rumah kamanakan. Kalau nan didapek kondisinyo ampia samo tapaso turun dari rumah kamanakan jo paruik kosong. Tapaso bajalan basiansua sambia ma-irik tungkek. Duduak bamanuang dipalanta laman lapau,takuik masuak lapau karano kantong kosong pulo. Tapaso manunggu kok ado urang nan ka mambasoi minum kopi sarato makan katan jo goreng pisang ( kini dek pisang lah banyak kanai panyakik di Sumbar , goreng pisang banyak yang diganti bubua samba/lontong atau bubua kacang padi/kacang ijo, yang agak parah lah banyak pulo nan pasan Indomie jo Extra Joss). Iko umumnyo kegiatan gaek tacido nan nampak diambo manunggu tibo ukatu sumbayang Zuhur. Sudah sumbayang Luhua dimusajik basilambek pulang karumah anak, kok ado urang malawan ma ota dilayani juo untuak parintang ukatu manunggu ukatu asa. Iyo sabana ibo ati kalau lah tuo anak jo kamanakan indak paduli ka kito. Tapi jan pulo lupo itu bisa sajo sebagai refleksi karano kito maso mudo dulu asyik sendiri, kurang peduli pada mereka. Untuak bajago-jago ado urang nan mangecekkan : " Anak kanduang den, iko nan dipinggang ko" Mukasuiknyo kalau indak dipedulikan anak kamanakan inyo masih punyo pitih dipinggang, ado juo nan menganut pola hidup : "Nan sarantang agiahkanlah ka anak-kamanakan tapi nan saganggam tahan untuk kito tuo nanti" Jadi inyolah punyo tabungan sendiri indak akan merepaotkan orang lain. Ubek lain untuak kebugaran iko adolah dari ramuan Dama, gulo anau, daun pandan dll yang diabuih. Ambo dibuekkan nenek ubek itu katiko ambo jatuah tadangek sampai susah ma-angok, sasudah malompek yang salah gerakannya dalam pelajaran "gerak badan" disikola. Kini pelajaran itu olahraga namonyo . Rasonyo walau manih dan harum bau pandan tapi sabana "neq" mambuek mual dek pengaruh larutan dama jenuh itu. Ambo indak tau apo sajo khasiat dama itu. Nan jaleh dek urang Minang : Kok damam ba tawa-i, ado juo nan disabuik ba dama-i. Dama disiko adolah kemiri macam bumbu panggulai nan banyak dipakai rang Kapau. Bukan DAMAR yang banyak diambil getahnya dan diekspor Selain pisang kalek, dikampuang ambo ado pisang batu , jo pisang rajo dan pisang nangka,untuak digoreng, ado pisang tanduak kambiang, pisang jarum yang mungil sarato pisang masak sahari yang tidak perlu diperam cukup digantung tandannya akan masak secara berangsur. Untuak adat/pesta umumnyo digunakan pisang buai/batiak yang umum ado sehari-hari. Untuk pertumbuhan anak acok diagiah pisang kinalun/banyak juo disabuik pisang kudo yang kulitnya bersih kayak Cavendish tapi lebih montok tidak langsing, Jaman dulu dek pakaian yang kurang bersih, ado juo nan dinamokan ba tumo. Tapi insyaallah ambo alun ado manamui tumo di keluarga kami. Nan acok maso ketek tu " unggeh" ambo digigik tungau kalau lah main baguliang-guliang dirumpuik. Ubeknyo cukuik aia tambakau diteteskan ka tampek nan bangkak itu. He...he... Sudahlah dulu ota kito sajak dari tacido sampai gaek tabedo. Yang penting jalani iduik ko dengan tenang kalau bisa awak memberi kesan baik ka urang banyak. Kalau indak baitu awak, indak ka diacuahkannyo pulo beko. Sabab lah elok bana awak, alun tantu elok pulo balehnyo, apo lai banyak sarengeh dan indak acuah. Wass TR-53 -----Original Message----- From: RantauNet@googlegroups.com [mailto:[EMAIL PROTECTED] On Behalf Of hambociek Sent: Tuesday, March 25, 2008 8:35 PM To: RantauNet@googlegroups.com Subject: [EMAIL PROTECTED] Bubua Cido Assalamualaikum warahmatullahi wabarakatuh, Tarimo kasih kito ka Angku Taufiq Rasyid, tabayang-bayang diambo kini bubua cido tu. --------------------------------- Never miss a thing. Make Yahoo your homepage. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---