Assalamuaikum w.w. Tarimokasih banyak kapado Engku Datuk Endang ateh kiriman amar putusan KAN Nagari Sulik Ayie th 2006 ko... Iko contoh penyelesaian nan sagat rancak.. ambo mintak izin ka Mak Datuk mamprint nyo ciek, taragak ambo macaliakkannyo ka ketua KAN di kampuang ambo..
Kok dapek iyo baitulah andaknyo di tiok-tiok nagari, kasus kasus sengketa adat tu jan lapeh ka pengadilan negri tapi disalasaikan di balairung dek niniak mamak kito sendiri, sasuai jo pepatah, "elok nagari dek pangulu" Mancampak sampai ka hulu Kanailah udang di subarang Apo nan cupak di pangulu Mampamainkan undang-undang Tentang salah satu keistimewaan putusan ko, ambo caliak dibandiangkan jo nan biaso tadanga dikampuang ambo, adolah putusan no.4 nan ma-instruksikan kapado "Niniak Mamak" atau Panghulu Andiko Rumah Duo Puluah (Datuk Tan Maruhun)+untuak malaksanakan acaro adat "maisih Pangka Tuo", bagi anak kamanakan-nyo yaitu Siti dan Tuti, sasuai jo pituah adat "ganggam bauntuak, hiduik bapangadok". Dalam esekusi putusan di awak zaman kini lah agak sulik, mungkin karano awak indak pakai 'Satpol PP', mako dengan maisi adat ko kan jadi nyato pelaksanaan putusan tu, jadi de facto.. ndak tau pulo ambo istilahnyo do.. Kalau dikampuang ambo 'ganggam bauntuak' itu mungkin ado tapi disampaikan lisan sajo dek Pangulu tanpa acara apo2. Sakitu sajo dulu dari ambo Mak Datuk, mohon maaf kalo ado kato nan salah, wassalamualaikum w.w. St. Rumah Panjang --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---