Weh,......weh,........,weh......... Maaf talambek manjawek. Mungkin iko nan dicari, silaturrahmi awak, makin banyak awak ba sillaturrahmi Insya Allah iduik awak tatap bacukupan. Indak paralu bapitih banyak awak. Cukuik sillaturrahmi. Pasti awak dapek sagalonyo. Contoh: Kini awak bana-bana indak bapitih, .... iko contoh. Awak pai kalua rumah, awak ucapkan bismillahirrahmaanirrahiiim. Lalu malangkah saketek. Pai ka kios di ujuang jalan. Tanyato kios Mak Labiah masih tatap di sinan. awak sapo Mak Labiah tu. Mak Labiah maansua rokoknyo (INGAT AKIBAIK ROKOK TU SANAK!!!!!). Kanakan, lah maisok alun? Alun Mak, jawek awak. Kaditulak indak mungkin, sabab lah bajanji indak ka mamutuihkan sillaturrahim jo sia sajo (TAPI, KALAU UNTUAK KASEHATAN HARUS DIJAGO YO). Alhamdulillah sabatang rokok lah tasapik di antaro duo bibia (USAOKAN JAAN TACALIAK BAHASO AWAK MANULAK, TAPI ... KALAU MUNGKIN CALIAKIKAN BAHASO ROKOK TU PANYAKIK, TAPI BAA KIOS TU JADINYO BILO INDAK ADO NAN MAISOK?). Kini, dek ado kaperluan, mintak diri ka Mak Labiah. Baru malangkah satapak, mobil bakilek maampia awak. "Hei sanak", nyo nan punyo oto tu maariak. "Ka pai kama?" sambuangnyo. "Indak"' jawek awak. "Jaan sagan-sagan sanak", sambuang urang tu. Tanyato, inyo tu kawan lamo awak nan lah pai antah kama salamo ko. Curito punyo curito, tanyato inyotu kini lah manjadi urang gadang, nan punyo parusahaan cukuik gadang juo. Kini, awak diantaan kama awak ka pai. Disodornyo pulo saamplop pitih ka awak sabalun awak bapisah jo konco awak tu. Tapi, baru sajo bajalan...tau-tau ado nan manyodorkan tangan maminta saketek paragiah kawan tu tadi. Dek lah ado suatu nieik ka basillaturrahmi, saparo pitihtu awak agiah ka urang tu, jo harapan smoga Allah mambaleh jaso awak ko. Tanyato bana. Alun ilang urang nan maminta-minta tu dari mato awak, tau-tau ado nan manyapo, "Boss, ngalamun ya?". Wah, baa indak taparangah, nan manyapo tu tanyato kawan sasamo mancari karajo wakatu baru tamaik sikola, tapi balain daerah. Inyotu tingga indak jauah dari tampek awak diturunkan dek kawan lamo samaso sikola dulu. Diajaknyo ka rumahnyo. Dek ari lah tangah ari diajaknyo makan siang di rumahnyo. Dipakanakannyo jo bininyo. Alhamdulillah makan siang disinan. Diagiahnyo rokok sabungkuih (WAH, ROKOK LAGI....ROKOK LAGI). Lah kanyang, awak pun pai kalua. Bagageh ka musajik dakek rumah kawan taditu. Dek ingin takabua (bukan takabur tapi terkabul) do'a dari nan punyo musajik (Allah swt), salasai shalat zuhur manyisihkan saketek pitih paragiah kawan tadi ka kotak amal di musajik tu sabagai ucapan terimakasih ka Allah. Malangkah kalua, bapikia sabanta.......eeh iyo hampia lupo, bahaso tadi tu tujuan utamo adolah mangunjungi mamak nan sakik di daerah X, ikopun harus ditapati, sabab niek awak adolah basillaturrahmi nan harus ditapati. Kini, bagageh awak manyetop angkutan nan lewaik. Alhamdulillah ado oto nan lewaik. Tau-tau, satalah malatakkan ujuang ikua ka jok oto tu, si supir manyapo: "Ka pai kama pak?", Ya Allah......nan manyapo tu ruponyo urang nan pernah awak bantu tadi, si peminta-minta tua. Awak kaluakan pitih untuak ongkos, ditulaknyo pitih tu. Sabaliaknyo, diagiahnyo kartu namonyo sakatikotu.....................tanyato inyotu indak sia-sia.....tapi, tanyato......kapalo kantua sakaligus nan punyo parusahaan tampek awak bakarajo hampia duo bulanko, inyo nan alun pernah awak kenal salamoko. Baa...jo....kamanga awak? Itulah resep sillaturrahmi. Jaan sakali-kali awak putuihkan. Allah tau dan dakek jo awak bilo awak salalu dakek jo inyo. Itu pasti, tagantuang paringkek kabara awak di muko atau dicatatan Allah. Picayo indak picayo, silahkan cubo. Padakek taruih jo nan mampunyoi alamko, hubungan vertikal ka Inyo (Allah) tu, jo jaan pulo lupo hubungan horizontal ka "annas", hablu minnallah wa hablu minnannas. Ambo baru labiah kurang duo puluah duo taun di Lembangko, satalah bagaluik di Jambi jo Jakarta pado taun dalapan puluah tigo sampai dalapan puluah anam. Kini mangakeh di Lembang sabagai pagawai ketek di bidang pertanian. Sabalun ka Jambi jo Jakarta sampai ka Lembangko, ambo mangaji di Aia Tawa Padang salamo dalapan taun. Mungkin dek talalu lamak mangaji, indak taraso dalapan taun di sinan, padahal urang lain bisa mangaji hanyo ampek sampai limo taun. Maklum wakatu tu jadi TUKANG KAMPUS, sampai-sampai babara taun sabalun pai dari sinan harus manjago adiek-adiek nan baru masuak pasantren agar senior-seniornyo indak salah maagiah kajian. Baitu pulo dilua pasantren, banyak nan di kuliak. Sadangkan kampuang ambo di suatu daerah nan udaronyo cukuik sajuak, di lereng gunuang sago di daerah tanah data, mungkin kalau sanak tau jo UDA FASLI JALAL atau UNI MUFIDAH YK, disitu juo kampuang ambo, biaso disabuik LINTAU (dulu katonyo itu singkatan ALIM dan TAU, antah kalau kiniko). Tapeknyo nagari kami TANJUANG BONAI. Di jorong Tanjuang Bonai pulo namonyo. Kalau sanak ka main ka Lembang, cubo gutiak hape ka nomor 081321012591 atau ka 022-2788894. Insya Allah ambo siap manunggu, asa indak babanturan jo wakatu mangakeh. Ambo tingga di Desa Kayuambon, tapeknyo di rumah pinjaman kantua di komplek BPTP Jawa Barat No.2, badakek jo lapangan pacuan kudo. Bilo sanak dari pasa Lembang, arahkan oto ka pacuan kudo arah ka Maribaya, di sinan kami tingga. Banyak kawan-kawan ambo nan barasa dari Tilatang Kamang tu. Ado pulo dari Ampek Angkek, Birugo, sampai-sampai ka Padang Lua, Lawang, dlsb. Sanak dimano kini? Di batawi atau di kampuang? Kalau di Batawi di mano sanak tingga jo mangakeh? Ambo raso cukuik itu dulu. Bilo sanak ka Lembang gutiak dulu telp tu, mudah-mudahan ambo ado di tampek. Kini, ambo indak ka mamakai jari kaki lai. Tapi cukuik jo kapalo sajo. Wassalm, Tan Lembang (52) Lembang-Bandung.
--- On Wed, 6/4/08, Hendra Suhendra <[EMAIL PROTECTED]> wrote: From: Hendra Suhendra <[EMAIL PROTECTED]> Subject: Re: [EMAIL PROTECTED] Re: Paisok.... To: [EMAIL PROTECTED] Date: Wednesday, June 4, 2008, 2:47 AM Tarimo kasih ateh undangan Tan Lembang. Di Lembang dima? Ma tau sasek kentan. Kok buliah tau, dimana nagari asa Tan Lembang goh? Kalau ambo di nagari Kototangah, Tilatang Kamang, Bukittinggi coret. On 6/3/08, Boediman Moeslim <[EMAIL PROTECTED]> wrote: Salam kenal, Tarimo kasih ........baagiah pangalaman. Maaf kalau tasingguang dek naiak kaki. Makasuik indak baitu doh. Salam untuak anak jo kamanakan. Main ka Lembang...sanak, awak bisa mairup udara nan barasiah di sinan, sambia makan jaguang jo manginyam strawberri. Mudah-mudahan Lembang masih sabarasiah hati awak-awak. Mudah-mudahan. Tan Lembang (52) Lembang-Bandung --- On Mon, 6/2/08, Hendra Suhendra <[EMAIL PROTECTED]> wrote: From: Hendra Suhendra <[EMAIL PROTECTED]> Subject: Re: [EMAIL PROTECTED] Re: Paisok.... To: [EMAIL PROTECTED] Date: Monday, June 2, 2008, 11:14 AM indak baa doh mak, jan mantun bana lai. ndak usahlah sampai duopuluah satu jo kapalo bana. naiak lo kaki indak lo rancak dicaliak urang rami doh. sabagai nan mudo yo sagan bana lo ambo rasono. kan itu lah di mamak tu, palanta ko dek ndak basuduik, kadang raso katasingguang sen urang dek awak. intino mungkin karano ingin berbagi jo urang rami. wak ambiak sen lah ma nan rancak, mak. wassalam suhendra ss st palimo On 6/2/08, Boediman Moeslim <[EMAIL PROTECTED]> wrote: salam basobok angku sutan, maaf kalau ambo talampau masuak di palantako, karano ambo tamasuak urang baru, bak urang masuak terminal, mungkin indak cukuik maucapkan "assalamu'alaikum", sakali lai, maaf sabaleh jo kapalo, indak cukuik jo jari tangan nan sapuluah, jo jari kaki ambo susun, jadi bajumlah duopuluah satu jari jo kapalo, untuak maminta dan mohon maaf ka dunsanak sadoalahe. dunsanak sapalanta, mungkin kito paralu baparang jo karateh baguluang ko, indak paralu baabih abih pitih untuak acara ko, cukuik maimbau kawan-kawan nan diujuang jari, mano tau ado nan punyo kamauan untuak maninggakan karateh baguluang ko, mudah-mudahan ajakan angku sutan bisa manolong kawan-kawan nan lain, mudah-mudahan, ituang-ituang untuak ibadah. wassalam Tan Lembang (52) Lembang-Bandung. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---