Tau-tau indak bara lamo katiko Tan Lembang malinteh dakek kaduonyo,....aaa nan
tajadi...
Kaduonyo babisiek-bisiek (maklum talingo Tan Lembang dapek manangkok suaro tu.
Jaan kan manusia, suaro urang aluihpun dapek didanga, baitu santiangnyo
talingoko),
Upiak Leba:
Tu caliak, nan baru lewaiktu kan urang awak dari Banduang.
Si Buyuang Koboy:
Apo? Urang itu tu dari Banduang? Ah, indak taka tu urang Banduang doh. Tapi,
nan Uaden makasuik kan indak urang itu doh. Tapi nan bapangkek, bapitih banyak
piek.
Nan bisa manyorong-nyorong.
Upiek Leba:
Tuan kan alun tau sia inyo tu.
Si Buyuang Koboy:
Ah, nan takatu kan lah bisa dibaco piek (sambia mamajukan muncuangnyo).
Eh piek, tau ndak bahaso urang gadang lah banyak pulo nan bamain dinagari awak.
Caliak tu, mulai dibongka kantua-kantua bupati dek kejaksaan dek ulah
bamain-main jo kepeang rakyat. Wah, takuik juo awak.
Upiek Leba:
Apo iyo tuan?
Si Buyuang Koboy:
Apo upiek indak mancaliak di TV? Atau mambaco di koran-koran? Ngari juo awak
jadinyo. Baa kalau indak jadi ...., tapi.... apo nagari awak ka dipadiakan?
Upiek Leba:
Baa tuan? Jadi juo....
Si Buyuang Koboy:
Antahlah piek..............
Sayuik-sayuik tadanga gumaman si buyuang koboy, tapi antah baa jadinyo sasudah
itu Tan Lembangpun indak tau, sabab bendi nan Tan Lembang imbau lah datang
untuak malanjuikkan perjalanan Tan Lembang manuju kampuang nan lah lamo
batinggakan.
Tan Lembang (52)
Lembang-Banduang
--- On Tue, 7/22/08, Dedy Yusmen <[EMAIL PROTECTED]> wrote:
From: Dedy Yusmen <[EMAIL PROTECTED]>
Subject: [EMAIL PROTECTED] Lai ka mamiliah Tuan...
To: RantauNet@googlegroups.com
Date: Tuesday, July 22, 2008, 8:22 AM
Si Buyuang Koboy jo Upiak Leba maota ditangah pasa dakek janjang gudang
Buyuang Koboy
Kadang takana pulo di Ambo…nan urang rantau tu iduik, barangok, mancari isi
pariuak, paasok dapua di nagari urang ado nan di jawa, ado nan di banduang, di
nagari rantau jauah sampai ka lua bagai, di nagari paman sam, inggirih, nagari
kangguru dsbnya. Tapi kadang tangan gata juo ndak kabajuang untuak kampuang.
KTP alamaik di Tanah Abang tapi tibo-tibo jadi calon wakia rakyat dari Area
Pemilihan Bukik-Agam, kan jadi bakurang kesempatan Uaden Piak..
Upiak Leba
Apulo nan salah..Tuan..
Buyuang Koboy
Indak ado nan salah doh Piak, nan batua yo nan punyo Partai tu, dibuek nan
kasilamak anyo meang. Uaden alah panek marangkak dari bawah, dari Ketua Urang
Bagak di Pasa, masuak Partai abih pitih, ikuik panataran alah supo urang elok
loh Uaden, kini alah rancak pulo bunyi kato Den, banyak urang mandanga, alah
sumangaik Den urang ka mamiliah untuak jadi wakianyo di Jakarta tu, sakola
putuih ge alah Uaden sambuang alah tamaik sarjana lo den kini, tapi tibo-tibo
urang pusek mangirim urang dari lua jadi wakia kamari. Untuak a men awak
dikampuang ko go.
Upiak Leba
Saba lah Tuan… Baa ko tarabo bana.. Nan urang dikirim dari Lua itu kan urang
awak juonyo, nan pasti tantu urang ebaik anyo itu di Rantau
Buyuang Koboy
Jadi Uaden ko, urang a..urang pandia…, adu santiang ge jadih…anyo pandai
mangicek Uaden pandai basilek..ba gak ati.
Upiak Leba
Oi Saba lah Tuan…tadanga di Ketua Tuan ko, kanai recall lo Tuan…ado aka…kalau
Tuan namuah..
Buyunag Koboy
A..du…Piak
Upiak Leba..
Dakek-i lah Ketua Tuan tu…tanyokan…Anyo ka jadi calon lo ndak
Buyuang Koboy
Kalau iyo Baa….
Upiak Leba..
Kalau Iyo, makin jauah lah Tuan ka manjadi calon…..,banyak lawan namonyo tu
mah..
Buyuang Koboy
Oia…alai…
Dedi Yusmen
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
