Waalaikumsalam w.w. Sanak Fitr Tanjuang dan para sanak sa palanta,
Tarimo kasih ateh panjalasan Sanak manganai kasus nan tajadi dalam kaum Sanak,
manambah ciek lai kasus sako jo pusako kito ko.
Ambo jo Sanak Ir Mohammad Zulfan Tadjoeddin tahun 2004 nan lalu alah
mancubo mambahas masalah adat Minangkabau ko sacaro mandasar dan sacaro
komprehensif dalam buku kami baduo nan bajudul "Masih Ada Harapan: Posisi
Sebuah Etnik Minoritas dalam Hidup Berbangsa dan Bernegara". Salain mambahas
akar masalahnyo -- saparati nan Sanak sabuikkan dalam posting Sanak -- juo ado
kami sarankan baa jalan kaluanyo.
Saparati dapek diduga, dari kaum penghulu kurang sakali dukungan ka
gagasan kami tu. Salah surang malah manabikkan buku nan bajudul "Duabelas Jurus
Pertahanan Melawan Serangan" (sic!). Tapi banyak kaum mudo jo kalangan kampus
mandukuang pandangan kami tu.
Ambo manaruihkan analisa taradok masyarakat hukum adat Minangkabau
tu dalam tahun 2007 jo maadokan Semiloka Masyarakat Hukum Adat Minangkabau dari
Perspektif Hak Asasi Manusia di Fakultas Hukum Universitas Andalas, Padang, dan
awal tahun 2008 di Arsip Nasional Jakarta, tantang Perang Paderi, nan
malahiakan ABS SBK. Pak Gubernur alah mambuek sabuah panitia perumus untuak
marumuskan ABS SBK tu, nan mancubo mancari rumusan umum tantang norma adat
Minangkabau dan agamo Islam. [Draft rumsuan tu alah diserahkan ka Pemerintah
Daerah untuak sosialisasinyo labiah lanjuik].
Sapanjang untuak ambo surang sebagai pengamat, rasonyo ambo alah
mangaruak sahabih-habih karuak. Alah cukuik rasonyo pamahaman ambo tantang apo
bana akar masalah Minangkabau tu, baa mako indak amuah maju-maju. Alah cukuik
pulo saran ambo tantang kabijakan apo nan bisa dipiliah untuk mamelokinyo
sacaro mendasar.
Apo saran ambo ditarimo atau indak, itu soal lain. Tasarah ka
baliau-baliau nan manjadi pamimpin di Ranah. Nampak dek ambo, sampai kini samo
sakali indak ado garak di Ranah untuk mameloki akar masalah Minangkabau tu.
Sadonyo bajalan saparati nan lamo.Business as usual. Karano tu bisa kito
pakirokan silang sangketo soal harato pusako akan samakin banyak di maso
datang, karano urang kambang sadang tanah kan nan itu-itu juo.. Kasus sangketo
Suku Melayu nan hampia badarah-darah ko hanyo salah satu nan mancuat ka
pamukoaan, samo jo sangketo bateh nagari di Kabupaten Solok nan alah sampai
baka mambaka bagai. Kok memang baitu nan dikehendaki, apo buliah buat.
Kini ko nan manjadi paratian ambo sebagai Ketua Dewan Pakar Sekretariat
Nasional Masyarakat Hukum Adat --Seknas MHA-- jo kawan-kawan ambo adolah ikuik
mamperjuangkan adonyo RUU Tentang Hak Masyarakat Hukum Adat. Mungkin ado
manfaatnyo.
Wassalam,
Saafroedin Bahar
(L, 71 th, Jakarta)
Alternate e-mail address: [EMAIL PROTECTED]
--- On Sat, 8/2/08, Fitr Tanjuang <[EMAIL PROTECTED]> wrote:
From: Fitr Tanjuang <[EMAIL PROTECTED]>
Subject: [EMAIL PROTECTED] Re: SATU KASUS LAGI TENTANG GOYAHNYA TANGGA MENUJU
MUFAKAT
To: RantauNet@googlegroups.com
Date: Saturday, August 2, 2008, 10:21 AM
AslmWrWb
Pak Saaf,
Soal sangketo tanah ko iyo masalah barek di kampuang. Gampang angok malayang
dibueknyo.
Kaum ambo menghadapi bana masalah iko sajak tahun 80-an, sajak ambo masiah
basarawa kotok.
Tanah kami dirampok dek kaum sabalah nan memang masiah saparuik jo kami.
Tapi lain kaum tantu lah tapisah pusako ko.
Awalnyo dituduahnyo kaum kami "mancilok" mamak inyo, dan kami dituduah
pandatang.
Tapi dek surek ranji kami lengkap (dokumen nan masiah pakai huruf Arab Melayu),
lawan ko kalah di KAN. Mintak damai inyo baliak.
Indak lamo sudah tu, nyo ulang parangai tu baliak.
Kini ko batuka argumennyo, kami masih samamak, jadi inyo berhak pulo ateh
pusako tu.
Dek lawan ko banyak nan pareman gadang, sadang generasi di ateh ambo kaum ka
punah, iyo indak bisa malawan kami doh.
Sudah tu KAN baulah pulo, nyo tandatangani pulo surek palsu dari kaum sabalah
tu.
Nan taingek dek ambo wakatu SMA, ambo tantang duel kaum sabalah tu, dek karano
inyo kata2i mandeh ambo.
Untuang indak jadi bacakak doh, tapi lah manangih induak2 kami sadonyo.
Kalau jadi, tantu ambo lah masuak panjaro atau masuak kuburan.
Samaso itu iyo baturuik2 kaum ambo nan mati jo caro nan aneh2.
Pernah pulo sarantak kami di jalan tarabah mandadak baradiak kakak.
Tamat SMA ambo diungsikan ka tampek bako.
Di sinan pun ambo kanai pulo dikarajoan.
Untuang basobok tulang jo rambuik jo paku nan ditanam urang tu di tampek bako
ambo.
Kini lah 4 generasi (dari mamaknyo niniak, turun ka niniak, turun ka mamak,
turun ka generasi kami) masalah ko
Dek kami indak bisa malawan jo pangka langan, KAN indak pulo bisa diandalkan,
iyo kami baok ka pangadilan.
Di Pengadilan Nagari kami kalah dek "salah adminstrasi". Untuang di Pengadilan
Tinggi manang dan dikukuahkan dek MA.
Tapi kini dek indak bapitih lai, iyo alun bisa dieksekusi doh, walaupun kaum2
nan lai mandukuang bana kami segera eksekusi. Soalnyo kami jadi pertahanan pulo
bagi mereka. Seandainyo kami kalah, kaum nan lain lah siap2 pulo dirampoknyo.
Yakin ambo, kalau dieksekusi, kalua pulo beritanyo di koran2.
Iko saketek carito ambo. Mudah2an indak tajadi di sanak2 di Palanta ko.
Dari kisah kaum ambo, banyak sabab sengketa tanah ko.
1. Kemiskinan dan kurang pendidikan.
2. Mamak dan pemimpin adat nan indak amanah, gampang disuok jo disangu.
3. Surek tanah nan indak jaleh.
4. Kaum batambah banyak sadang pusako indak
5. Birokrasi dan aparat, tarutamo aparat hukum (hakim/pengacara/jaksa) nan
korup (bisa dibali).
6. Randahnyo penghayatan agamo sacaro umum.
7. Randahnyo pemahaman adat.
8. Urang lua nan mangaia di aia karuah (jadi beking di balakang rang maliang).
9. ..silahkan ditambah...
Manaruko lahan baru mungkin jadi solusi untuak nan nomor 4. Tapi nan lain2
harus dicari pulo solusinyo sacara total dan komprehensif.
Tapi kalau manaruko lahan baru dalam bentuk transmigrasi di zaman kini ko, lai
ko lah bisa disabuik pusako tinggi?
Ambo raso jadinyo adolah pusako randah lai, harato bapak mande nan turun ka
anak, bukan ka kamanakan....
Wassalam
fitr tanjuang
lk/33/Albany NY
On 8/1/08, Dr.Saafroedin BAHAR <[EMAIL PROTECTED]> wrote:
Assalamualaikum w.w. para sanak sa palanta,
Sebagai seorang pengamat masalah adat Minangkabau, secara pribadi saya
memperhatikan secara cermat perwujudan norma adat dalam kenyataan hidup
sehari-hari termasuk masalah tanah, yang termasuk dalam tema sako dan pusako.
Sangat menarik perhatian saya betapa masalah ini merupakan salah satu sumber
konflik sosial yang tidak putus-putusnya dalam masyarakat Minangkabau,sampai
berlarut-larut ke Mahkamah Agung. Masalah ini telah dibahas secara mendalam
oleh Prof Dr Keebet von Benda-Beckmann dalam disertasi beliau "Goyahnya Tangga
Menuju Mufakat".
Dalam hubungan ini ada dua hal yang menjadi perhatian saya:
Pertama, sistem penyelesaian sengketa menurut adat kelihatannya tidak berjalan
mulus, karena hampir selalu -- atau sering sekali -- sengketa sako dan pusako
ini berujung di pengadilan negeri, bahkan sampai ke Mahkamah Agung, seperti
dalam kasus di bawah ini. Menurut catatan fihak pengadilan, sengketa mengenai
tanah di Sumatera Barat termasuk yang tertinggi di Indonesia.
Kedua, saya sungguh merasa heran bahwa untuk menyelesaikan sengketa tanah
pusako seluas 13.000 meter persegi -- jadi kurang dari dua hektar -- kedua
pihak yang sama-sama satu pesukuan tersebut menyatakan 'siap perang'.
Mengapa tak didorong 'panarukoan' lahan baru melalui program transmigrasi,
dimana setiap, saya ulangi setiap, KK bisa memperoleh dua hektar setengah?
Mengapa tanah pusako yang sudah amat sempit itu juga yang diperebutkan? Apa
tidak ada lagi semangat pionir, semangat perintis, di kalangan pemuka adat?
Mengapa tidak dimanfaatkan demikian banyak peluang yang terbuka dalam rangka
kehidupan berbangsa dan bernegara yang ikut kita dirikan bersama ? Mengapa
demikian senang hidup 'di bawah tampuruang'?
Saya pernah menghubungi salah seorang direktur jenderal Depnakertrans bersama
Bp H Azaly Djohan SH, Sekjen Seknas MHA, dan mendapat keterangan bahwa pada
saat ini masih terbuka peluang untuk menjadi transmigran. Dengan kata lain,
daripada 'berperang' memperebutkan tanah yang kurang dari dua hektar tersebut
untuk sebuah suku, mengapa tak diambil langkah yang lebih konstruktif melalui
semacam 'bedol desa' yang dapat kita namakan sebagai 'manaruko nagari baru' ?
[Jika dikehendaki, dengan segala senang hati, dalam rangka kegiatan saya di
Seknas MHA secara pribadi saya bersedia membantu memfasilitasi terwujudnya
program 'manaruko nagari baru' ini dengan Depnakertrans].
Bagaimana pendapat para sanak sa palanta ?
Wassalam,
Saafroedin Bahar
(L, 71 th, Jakarta
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
