Waalaikumsalam w.w. Datuk Endang, Buya, jo Sanak Suryadi, Mungkin dek karano alah lamo masalah Gerakan Paderi ko indak dikaca sacaro mandalam, masih banyak 'lubang-lubang' nan paralu ditimbun, baiak antaro kito sasamo urang Minang, maupun antaro kito jo para dunsanak kito di Utara dan di Timur. Kalau ambo indak salah, lokakarya di gedung Arsip Nasional bulan Januari 2008 nan lalu adolah nan paratamo, dan Alhamdulillah, banyak saketeknyo alah didapek kajaniahan dan kasapakatan, nan kito tuangkan sacaro tatulih dan ditandotangani basamo-samo. Kunjungan kito ka Bukik Tajadi minggu lalu alah mambuka pulo hal-hal baru nan paralu kito kaji, antaro lain masalah baa bantuak benteng tu wakatu parang basosoh, baa bantuak mariam-mariam Paderi, masalah tahun-tahun kajadian, dan masalah mobilitas para pemimpin Paderi jo katurunan baliau-baliau -- salain dari Tuanku Imam Bonjol -- antaro lain ka Padang Mentinggi, Rao, dan ka Tambusai, Riau. Untuak mandalami masalah-masalah saroman tu sacaro labiah malimbago dan supayo dapek dilanjuikkan dek anak cucu kito, ambo usulkan pembentukan Lembaga Kajian Gerakan Paderi.
Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED] --- On Tue, 8/26/08, Datuk Endang <[EMAIL PROTECTED]> wrote: From: Datuk Endang <[EMAIL PROTECTED]> Subject: [EMAIL PROTECTED] Re: kama raibnyo Naskah Tuanku Imam Bonjol? To: RantauNet@googlegroups.com Cc: [EMAIL PROTECTED] Date: Tuesday, August 26, 2008, 1:40 PM Assalamu'alaikum Buya, Pak Saaf, dan sanak Suryadi, Dari acaro kemarin, ambo lai diagiahkan oleh Dt. Kando Marajo duo buku nan alah tacetak baik, yaitu buku 'Tuanku Imam Bonjol' dan ciek lai lupo, tapi ado di rumah. Dek kami salapiak sakatiduran, lai saketek berdiskusi mengenai isi buku itu, namun indak ambo sasak mengenai buku sumber itu. Disabuikkan oleh liau bilo buku sumber itu asalnyo difotokopi (1980an) Rp 75 ribu, indak saketek nilainyo maso itu. Kini buku itu alah dialihaksarakan oleh liau dan manjadi buku itu. Disabuikkan saketek mengenai teknik alih aksara dari Arab Melayu ka Romawi. Ambo cubo baco alah sampai 50 halaman dari kiro-kiro 200an halaman. Kiro-kiro sampai itu tentang tabangunnyo nagari Bonjol hinggo penaklukan negeri2 sekitarnyo. Memang indak disabuikkan tahun, namun kiro-kiro manuruik Dt. Kando tahun 1807; kalau di ambo kiro-kiro 1809-1812. Hinggo 1820 pengaruh Bonjol itu alah sampai ka saluruah Pasaman; berarti lai ado pemahaman Tuanku Imam mengenai wilayah adat nan baluhak-luhak. Nan manaruihkan hinggo ka Utara dan Timur ambo raso alah menjadi peran Tuanku Rao dan Tuanku Tambusai. Namunpun baitu 'first contact' jo Balando ambo perkirakan di Katiagan atau di Natal. Iko alah masuak tahap kaduo dari perjuangan Imam Bonjol, setelah adonyo kesadaran beliau tentang 'hakekat perjuangan Paderi'. Peristiwa itu seharusnyo terjadi di ateh tahun 1821. Penulis buku bukanlah Tuanku Imam sendiri, namun urang nan dakek jo beliau (disabuikkan anak beliau). Namun memang ado babarapo kritik ambo ka buku itu sumantaro wakatu, bilo indak disabuikkan peran penghulu nan ampek selo di Alahan Panjang, umpamo Dt. Bandaharo nan jaleh di banyak literatur disabuikkan sebagai pucuak undang dalam nagari. Hal itu juo nan dipaiyokan Dt. Buruak dan babarapo urang Bonjol wakatu ambo saketek badiskusi. Jadi penulisan buku itu masih merupakan satu sudut pandang. Baitu sumantaro wakatu. Wassalam, -datuk endang --- On Mon, 8/25/08, H Masoed Abidin bin Zainal Abidin Abdul Jabbar <[EMAIL PROTECTED]> wrote: Wa alaikum Salam, Insya Allah Pak Saaf, Kito usaho kareh..... Maaf buya indak dapek basuo wakatu ka bulan puaso ko jo Pak Saaf, Maaf se di pabanyak, Moga ibadah awak batarimo dek Allah SWT. Buya rencana dalam bulan puasa agak saminggu di Mentawai, Mancaliek dunsanak awak nan muallaf di sanan. Doakan buya sehat sajo. Wassalam, BuyaHMA (L, ganok 73 th +, Padang) Alternate e-mail address: [EMAIL PROTECTED] 2008/8/26, Dr.Saafroedin BAHAR <[EMAIL PROTECTED]>: Waalaikumsalam w.w. Buya dan para sanak sapalanta, Baa juo kito paralu marestorasi Benteng Bukik Tajadi [atau Bukik Tak Jadi, nanti kito janiahkan], karano perjuangan Paderi malawan Ulando itu marupokan perjuangan seluruh masyarakat Minangkabau nan bersatu. Kito indak usah manunggu datangnyo anak cucu saradadu Ulando, nanti kito undang bana untuak manghadiri festival Paderi, kalau restorasi benteng tu alah salasai. Gagasan ambo -- nan alah alah mabo sampaikan ka Komandan Kodim -- adolah kito gotong-royongkan basamo jo tentara. Untuak itu kito kirim surek ka Menhan dan Kapalo Staf Angkatan Darat, untuak mamarintahkan personil Batalyon 131 jo 133, dalam rangka Bhakti TNI. Tolong Buya bisiakkan pa pak Sjafnir untuak mancari nan asli, kalau paralu mintak bantuan pak Gub. Buya kan bisa mintak wakatu basuo jo baliau, apolagi bulan puaso bisuak ko. Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED] --- On Tue, 8/26/08, Masoed Abidin <[EMAIL PROTECTED]> wrote: Assalamu'alaikum Wa Rahmatullahi wa Barakatuh, Satuju bana Pak Saaf. Satu kutiko anak cucu soldadu Ulando ka badatangan ka Ranah Bonjol jo Alahan Panjang atau Alahan Mati di Ganggo Mudiek tu. Pintu tabukak laweh untuak urang mancaliek nagari awak, WISATA SEJARAH Tuanku Imam Bonjol. Pak Safnir panah mancaritokan ka Buya dulu di PPIM bahaso naskah asli tu ba simpan di Kantue Gubernur, sudah tu raib antah ka ma. Ado copy naskah di IAIN. Buya minta di copy baliek, itulah nan kito sarahkan di ANRI di Jakarta. Barangkali Diknas Prov. Sumbar harus tahu dima lataknyo kini. Asal indak hilang sangajo di baok ka lua, mudah-mudahan dapek baliek. Buya ikuik mandoa. Pak Safnir kito minta bana manalusurinyo. Sakitu sakenek nan takana. Ciek lai pak Saaf, nama nan batue, BUKIK TAJADI atau BIKIK TAK JADI. Wassalam Buya HMA (L, ganok 73 th +, Padang) Alternate e-mail address: [EMAIL PROTECTED] --- On Mon, 8/25/08, Dr.Saafroedin BAHAR <[EMAIL PROTECTED]> wrote: From: Dr.Saafroedin BAHAR <[EMAIL PROTECTED]> Subject: [EMAIL PROTECTED] Re: kama raibnyo Naskah Tuanku Imam Bonjol? To: RantauNet@googlegroups.com Cc: "Warni DARWIS" <[EMAIL PROTECTED]>, "MH Bachtiar Abna SH" <[EMAIL PROTECTED]>, "H. Mas'oed ABIDIN" <[EMAIL PROTECTED]> Date: Monday, August 25, 2008, 6:28 AM Sanak Suryadi jo para sanak sa palanta, Dalam kasampatan babincang-bincang, pak Sjafnir juo galinggaman manganai hilangnyo naskah asli Tuanku Imam Bonjol tu, dan batekad untuk taruih mancarinyo. Nan jaleh, baliau menyerahkan naskah tu ka Pemerintah Daerah Sumatera Barat. Baliau kini manduga-duga ado duo orang nan paliang mungkin manyimpannyo. Usul Bung Suryadi supayo baliau mancaritokan baa makonyo sampai naskah tu hilang akan ambo taruihkan ka baliau. [Bu Warni, tolong ditilpon baliau tantang soal ko]. Ado pamintaan ambo saketek untuak Bung Suryadi: tolong dihimpun namo-namo serdadu jo namo-namo perwira tentara Balando nan tewas di Benteng Paderi Bukik Tajadi tu. Pasti banyak. Ambo ingin mangusulkan ka Pemda Pasaman untuak dibuekkan daftarnyo, baik di kaku Bukik Tajadi tu mauoun di Museum Imam Bonjol di Bonjol. Untuak manunjuakkan bakeh urang banyak, bahaso urang awak bukan hanyo bisa jadi urang manggaleh jo tukang ota saja, tapi juo bisa parang. Iko paralu untuak nan mudo-mudo. [Kini, bahkan daftar korban tentara Balando salamo Agresdi pertamo dan Kaduo di Sumatera Barat samo sakali indak ado]. Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED] --- On Mon, 8/25/08, Lies Suryadi <[EMAIL PROTECTED]> wrote: From: Lies Suryadi <[EMAIL PROTECTED]> Subject: [EMAIL PROTECTED] kama raibnyo Naskah Tuanku Imam Bonjol? To: RantauNet@googlegroups.com Date: Monday, August 25, 2008, 6:11 PM Pak Saaf yang saya hormati, Dek Pak Saaf lai badakok'an kini jo Pak Safnir Aboe Nain, tolonglah Pak Saaf pujuak bana baliau, mintak mancaritokan dima sabananyo kini NASKAH TUANKU IMAM BONJOL tasimpan? Ambo yakin baliau adolah salah sorang nan mamacik kunci rahasio tentang raibnya naskah Minangkabau nan banilai sejarah sangaik tinggi tu. Mengenai raibnyo NASKAH TUANKU IMAM BONJOL ko, silakan liek artikel buruak ambo dalam weblog Dr. Oman Fathurahman: http://www.naskahkuno.blogspot.com/. Dimalah kini naskah ko tasimpan? Mudah2an lai masih di alam Minangkabau juo.. Tapi ambo kuatir naskah ko lah balipek jadi Sudirman, lah pindah ka nagari lain. Kok iyo itu nan tajadi, kerugian budaya nan gadang dek kito urang Minang. Salam hormat, Suryadi ==== --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---