Sanak, penafsiran ka awak dek urang-urang orientalist tantu ambo sarahkan ka
sanak untuk maluruihkannyo. Ambo ado saketek tulisan dulu. Yo kalau dapek
digali bahan dan sumber nan ado sebagai khazanah budayo kito.
Saketek ambo luruihkan nan tadaulu: tuah sakato, cilako basilang.
Salamaik babuko puaso.
Wassalam,
-datuk endang
--- On Sun, 8/31/08, Lies Suryadi <[EMAIL PROTECTED]> wrote:
Buku ko lah agak lamo, tapi masih rancak dibaco (barangkali banyak nan alun
sempat mambaco). Edisi partamo versi Indonesianyo tabik tahun 1992 (INIS).
Edisi nan baru ko baa kolah? Apokoh reproduksi dari versi 1992 tu atau
diterjemah ulang? Rancak diperbadingkan kaduo edisi tu (1992 dan 2008).
Untuak palangkok, rancak dibaco buku Jane Drakard: A Kingdom of Words: Language
and Power in Sumatra (Shah Alam: Oxford University Press, 1999). Menarik
pandapek Drakard dalam bukunyo tu: Urang Minang ko punyo kerajaan dalam kato2
sajo, keceknyo. Tantara indak ado, Pagaruyuang cuma disegani, tapi indak punyo
kuaso ka daerah2. Rajo2 kecildi pantai barat bakuaso sasuko hatinyo(mirip bana
jo oknum2 bupati kini...). Urang bisa mintak rokok api ka rajonyo. Bateh
kerajaan Minangkabau tu dipatok dalam kato2 (fisiknyo antah dima kolah):
"dari Sirangkak nan Badangkang sampai durian ditakuak rajo, dari Sikilang Aia
Bangih (iko lai agak jaleh mah) sampai ka ombak nan badabua.....dari sipisak
pisau anyuik sampai ka gunuang mahalintang...." dst..ez..enz..etc...
Sampai kini, maminjam istilah Sanak JePe, urang Minang ko tatap "penjual kecap
no satu"... ANCIK KA KALAH PODO JE INDAK NAMAUAH NYO DOH...
Barangkali sanak di lapau pernah mandanga garah urang Minang sarupo ko:
Labai: "Katik, alah sikola anak Katik?"
Katik: "Alah tingga lo lah!".
Udin: "Lah babini anak ang, Suman?"
Suman: "Lah bacarai lo lah!".
(he he he.....)
Ado ciek lai buku baru (versi Indonesianyo) nampak dek ambo baru ditabikan
dek Yayasan Obor Indonesia:
Elizabeth E. Graves. Asal-usul Elite Minangkabau Modern: Respons terhadap
Kolonial Belanda abad XIX/XX (terj. Novi Andri dkk.). Jakarta: YOI, 2007.
Buku ko berasal dari disertasi Graves di Universitas Wisconsin thn 1977
dg tajuk nan menarik: The ever-victorious buffalo: how the Minangkabau of
Indonesia solved their 'colonial question'
Kudian versi Inggrisnyo tabik dalam bentuk buku thn 1981 dg judul nan agak
barubah: The Minangkabau response to Dutch colonial rule in the nineteenth
century (Ithaca, N.Y. : Cornell Modern Indonesia Project).
Babeda jo buku Dobbin, buku Graves ko baru partamo kali ko diterjemahkan ka
Bhs Indonesia. Tantu rancak dibaco (maingek versi Inggrisnyo mungkin agak susah
dicari di Indonesia).
Mambaco halaman2 partamo buku ko, menarik apo nan dikatokan Graves. Keceknyo,
pertentangan antaro Kaum Adat jo Kaum Agamo tu sabananyo digadang2kan dek
Ulando. Mukasuiknyo tantu nak manangguak di aia karuah. Sabananyo sajak lamo
urang Minang ko kan lah kusuik2 bulu ayam juo (pauah nan manyalasaikan). Kan
alah papatahnyo: "Basilang kau dalam tungku, baitu api mako iduik". "Perang
batoe" antar nagari lah lamo tu jadi bagian budayo rang Minang. Nagari ko
batandiang satu samo lain. Nah, dek Ulando nyo gadangkan. Taktik tu
berhasil: memasuki paroh kaduo abad ke-19 sistem politik tradisional urang
Minang berhasil dipenetrasi dek Ulando. Nyo adokan jabatan TUANKU LAREH, TUANKU
DAMANG, dll.
Bacolah buku tu dek sanak nan ado di lapau. Rancak!!!
Wassalam,
Suryadi
----- Pesan Asli ----
Dari: Dr.Saafroedin BAHAR <[EMAIL PROTECTED]>
Kepada: RantauNet@googlegroups.com
Terkirim: Sabtu, 30 Agustus, 2008 23:59:45
Topik: [EMAIL PROTECTED] Re: kama raibnyo Naskah Tuanku Imam Bonjol?
Datuk Endang, hari Jumaat tanggal 29 nan lalu ambo mambali ampek buah buku
Dobbin tu di Gramedia Salemba, dan alah ambo serahkan ka Bu Warni untuak
ditaruihkan ka Pasaman sasuai joi janji ambo, masing-masing untuak Camat
Bonjol, Danramil Bonjol, Komandan Kodim Pasaman, dan Perpustakaan Tuanku Imam
Bonjol di Bonjol. Kalau bagageh Datuk ka Gramedia Salemba tu mungkin masih ado.
Nampaknyo buku tu alun tersebar lai di toko buku lain. di Gunung Agung Kwitang
-- nan biaso ambo datangi -- juo alun ado.
Sasuai jo penjelasan Datuk, rasonyo iyo paralu bana dipadalam
pemahaman kito tantang Parang Paderi ko, karano samakin jaleh bahaso parang ko
adolah sabagai salah satu dari baitu banyak goncangan sejarah nan mambantuak
budaya kito urang Minang, dan alun sempat kito konsolidasikan sacaro mantap.
Mungkin itu nan manyababkan wacana kito tantang ABS SBK jadi indak maju-maju
sampai kini.
Dalam hubungan iko takana dek ambo: baa kok kito adokan bedah buku
Dobbin tu jo buku pak Sjafnir Aboe Nain Dr Kando Marajo tu ?
Wassalam,
Saafroedin Bahar
(L, masuk 72 th, Jakarta)
Alternate e-mail address: [EMAIL PROTECTED]
--- On Sun, 8/31/08, Datuk Endang <[EMAIL PROTECTED]> wrote:
From: Datuk Endang <[EMAIL PROTECTED]>
Subject: [EMAIL PROTECTED] Re: kama raibnyo Naskah Tuanku Imam Bonjol?
To: RantauNet@googlegroups.com
Cc: [EMAIL PROTECTED]
Date: Sunday, August 31, 2008, 1:51 AM
Sanak sapalanta, iyo agak lambek ambo mambaco buku nan diberikan Pak Syafnir
Dt. Kando Marajo itu, baru sampai halaman 80, kiro-kiro sasudah kejadian Bukik
Tajadi jatuah ka Balando. Kini ado informasi nan langkok : judul : "Tuanku Imam
Bonjol", penerbit : Esa Padang, tahun penerbitan : 2008, tebal : 304 halaman.
Ambo raso iko baru, alun banyak tasebar lai. Samo jo buku Dobbins itu, walau
kato Pak Saaf alah tersebar di Gramedia, kapotang alah ambo cubo di Gramedia
Blok M, indak basuo doh.
Dari keterangan pengalihaksara, disabuikkan buku itu ditulis tangan oleh Imam
Bonjol sendiri, walau raso di ambo indak. Kamungkinan besar memang ditulih oleh
urang nan dakek jo baliau maso itu.
Dari pengantar kato, disabuikkan oleh pengalih aksara bilo dari keterangan
Sutan Temenggung menyatakan naskah itu ado di Jakarta pado T.Z. Anwar. Saroto
permintaan beliau pado ahli waris agar naskah itu dapek dibaliakkan ka Bonjol.
Catatan penting dari ambo, kironyo buku Dt. Kando iko dapek menjadi rujukan
resmi awak untuak manyigi sejarah Paderi nan datang dari catatan awak sendiri.
Ambo cukup takjub mambaco saketek sajo, lai ado babarapo kasasuaian antaro
catatan awak jo catatan Balando itu nan salamo ko selalu menjadi rujukan
sejarawan kito. Tamasuak babarapo hal nan salamo ko awak permasalahkan dan
wacanakan, dek ambo kini kian jaleh. Cubo kito kambangkan lambek-lambek tapi
pasti.
Lai taraso juo jo ambo, semakin banyak nan awak ketahui, rasonyo semakin bodoh
awak dek itu. Karono itu ado babarapo penafsiran ambo di maso silam mengenai
Paderi ko, nan mungkin kurang tepat, cubo ambo luruskan. Termasuk ado babarapo
nan manjadi hipotesis, alah dapek kejelasan sebagai tesis. Ambo maharokkan
kapado penulis-penulis sejarah agar sadio manyasuaikan catatan-catatan nan ado,
agar tabukak kulik tampak isi, dan kito makan habih-habih. Ambo sendiri bukan
ahli sejarah, hanyo peminat sajo, kacuali iyo kok ka dibukak program Sejarah di
Dapil Duo itu, lai nak nio ambo sato balaja.
Angku Suryadi kalau lai badokek an jo Dt. Kando, ambo raso alah mambaco naskah
itu. Atau mandapek an dari sumber-sumber lain di Padang. Kok bana baitu, di
tulisan-tulisan angku nan daulu, rasonyo indak banyak diungkapkan keterangan
nan ado di naskah itu. Padahal banyak keterangan nan langsuang mamatahkan
hujatan salamo ko, termasuk buku 'Tuanku Rao'. Dan itu dapek langsuang
mandakwakan Parlindungan sampai ka buku Basyral Harahap itu sebagai kebohongan
publik. Lai baitu sanak, atau sanak alun mambaco naskah itu saluruahnyo?
Memang cukuik lamo naskah itu disimpan (1970an) dan dikaji, dan kok baru kini
disampaikan ka umum. Terlepas dari sagalo kepentingan dan argumentasi, nan ambo
danga dari Dt. Kando minggu lalu adolah penyataan kalau ilu alah gaek, indak
banyak nan ka diharokkan di dunia iko lai. Jadi nampak di ambo jujur ilu nak
menyampaikan kebenaran pado maso nan tapek, dan satalah malalui usaha-usaha
yang cukup.
Wassalam,
-datuk endang
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
