BIOSKOP SOFIA 1974
Wakatu itu aden alah kelas 6 SD Alah maraso gadang Alah mulai baraja pai ka pasa jo kawan-kawan sen Indak pai jo amak lai
17 Agustus 1974 Aden, si i, si idang Pai ka pasa nak manonton karnaval Tibo di pasa Basalingkik salingkik jo urang banyak Sanangno ati mancaliak Arak-arakan anak sikola babaju adaik Mancaliak baronsai nan maliuk liuk kian kamari Mayoret nan manari-nari jo tungkek Gadang no ati Pai jo kawan-kawan sen
Usi manonton karnaval Pai kami ka bioskop Sofia Si i jo si idang gon Badunsanak jo istri direktur bioskop Sofia gon Nan manjago karicih Babako ka si i dan si idang Jadi kami bisa masuak bioskop perai
Sabalunno aden alah pernah juo manonton dibioskop Tapi pai basamo jo amakden jo murik-murik SD Pilem nan di tonton Pilem untuak anak
sikola Saroman Khalid bin Walid Pilem parang gaya Arab Ado kudo Ado padang Garik den
Aden lupo antah duduak di bulakang Antah duduak di muko Antah di tribun Pilem nan diputa Pilem India Tarna judulno Nan takana Kama sen si Tarna lari Basuo taruh di lawanno Garik juo den Bacakak sen urang di pilem dun
Kalua dari bioskop Dicaliak ari alah patang Untuang masih ado oto Pulanglah kami jo angek ati Alah pandai manonton di bioskop
Tibo dikampuang Disimpang jalan karumah Nampak di den papa den di halaman Langsuang den basorak ” Paaaaa, aden manontooon pilem indiaaaaa ” Tacanuang papa den Di caliak no sen den Ndak tantu nan kadisabukno
Bangkulu, 27 November 2008
Hanifah Damanhuri
--- On Thu, 11/27/08, jupardi andi <[EMAIL PROTECTED]> wrote:
From: jupardi andi <[EMAIL PROTECTED]> Subject: [EMAIL PROTECTED] Carito nonton bioskop wakatu ketek (buek sanak Suryadi To: "rantaunet rantaunet" <rantaunet@googlegroups.com> Date: Thursday, November 27, 2008, 12:38 AM
|
| | Sanak Suryadi dan sanak palanta nan suko nostalgia jadul di Kota Padang
Iko dek ajo mamposting artikel nonton jaman saisuak, jadi takana ambo jaman ketek wakatu basirawa pendek juo lai, babeda jo anak kini ketek lah pakai sarawa panjang, nan ambo yo candu sangaik manonton pilem kung fu atau cino mangamuak istilah urang padang, bioskop langganan ambo adolah Bioskop Satria nan acok mamuta pilem Kung Fu, siang hari istiahhnyo Ekstra siang pilem ko diputa di hari Minggu, Nan otu mabo tarutamo ibu ambo lai mantoleran ambo..lai dipokok i nyo pitih bali karici..kok pilem kung fu..inyo tahu bana tabiat
ambo kareh hati kok lah pilem kung fu...indak bana ambo diagiah kepeang, ambo pai juo..lah pasti ado kawan nan sacandu..baa bisa masuak ambo..walau kepeang bali karici ndak ado
Dek masih anak2 karicih kami 2 untuak tigo urang, iko agak
ditoleran stek dek tukang cabiak karicih sambia maibo2 "Pak kami anak ketek ko..buliah lah masuak batigo..syukur2 dek sasak urang ado kawan nan lapeh masuak tanpa karicih..iko tapaso kami cari kawan surang lai...bia duo karici untuak tigo urang..kok ndak ado..baa juo lai malenggang se kami masuak mah indak paralu bagai baibo2 ka tukang cabiak karici
Suasana Nonton didalam biskop
-
Katiko putuih pilem sadang diputa apolai sadang balego pagai lakon kung fu
ko...cino mangamuak... panonton ko basorak INCEEEKKKKKKK.
.Kapiaaaaaaaa. ..ampun.. ampun..samakin lamo diputa.baliak, .urang lah basangai
dek angek dalam bioskop..samakin Kapia Incek ko..ha..ha.. .INCEKKKK.
.Kapiaaaaaaaaaa Waaannnnnnnngggggg !!!!
_Nan
ambo labiah suko duduak di gang antaro kursi, masalahnyo kursi Bioskop
Jadul dari jalinan rotan, kadang-kadang bakapindiang, sakik digigik
kapindiang ko...mabuak manggawik awak deknyo..hasilnyo kalua bioskop
paho ambo merah2...maklum masih basirawa pendek
Masih sepeutar
teriakan Incek..pilem ko kan duo Rol, nah kadang2 manunggu rol
kaduo..tapaso dijapuik di bioskop lain dulu, tatulih ado mohon maaf
dilayar, biaso penonton maklum kok sabanta..tapi kok lamo..kembali
bergema Incekkkkkkk. .Kapiaaaaa Waaaangggggggg! !!!!
- Kok lakon sadang diateh angin mambantai
lawan..tu manangnyo bacakak...apo nan tajadi...batapuak. .bagai
penonton ko...ampun.. ampun
-Lah salasai manonton, ado bagai
urang pai mancaliak klise (gambar2 pilem untuak promosi pilem nan
diputa tadi di kotak spesial bakaco), tu manunjuak2 poto tu..."ko tadi
yo sadang lakon tabedo..di pasamoan dek anak buah bandit"..urang nan
mancaliak klise ko abih kalua manonton..tu. .salah satunyo...ambo
banaaaaa...ha. .ha..ha (apokah urang lain disampiang ambo nan mancaliak
klise ko tamasuak sanak nan saumua jo ambo dipalanta ko)
- Kalua dari bioskop sekitar jam 3 siang...yo lelong bakunang-kunang dek kalam di bioskop hari masih tarang... Kok awak nonton pilem India..basadiah. .sadiah taruih mah..mako ado istilah urang Padang mananangkan hati kawannyo putuih cinto
"Saba Kadir...sasadiah sadiah waang putuih cinto..labiah sadiah lai Dirrrrr..pilem India :)"
Itulah kisah manonton Bioskop jaman ambo ketek basirawa
pendek
Wass-Jepe
| |
| |
| |
Yahoo! sekarang memiliki alamat Email baru Dapatkan nama yang selalu Anda inginkan di domain baru @ymail dan @rocketmail. br>
Cepat sebelum diambil orang lain! |