Bung Jepe dan para sanak sa palanta, Pituah pak Rainal Rais ka bung Jepe tu sabana boneh, apolagi dalam kenyataannnyo pak Rainal Rais dan urang Sulik Aia sabana kompak dan berhasil dima-dima. Jadi kok maambiak tuah ka nan manang, layak sakali kito manuruikkan pituah pak Rainal Rais.
Ambo picayo bahaso pak Rainal Rais indak malarang kito mamikiakan nan 'salingka Minang', apolagi baitu banyak masalah nan kito hadapi basamo sabagai urang Minangkabau. Dalam hubuangan ko, gadang juo manfaatnyo bilo kito indak mambatasi diri di kampuang kito surang-surang sajo. [Karano di kampuang kito surang-surang tu juo banyak masalah, kalau indak disisiahkan wakatu khusus untuak Minangkabau sacaro umum, bisa-bisa indak ado wakatu untuak mamparatikan nan di lua kampuang kito surang-surang tu.] Kana juolah masalah nan dihadoki di tingkek kecamatan, kabupaten/kota, dan provinsi Sumatera Barat. Jan lupo bahaso banyak juo masalah nan dihadoki dek bangso dan negara kito, Indonesia. Tipak di ambo surang, dek bawaan pendidikan, karajo, jo minat pribadi, ambo sabana tertarik mempelajari masalah kito sebagai salah satu etnik di antaro 1.072 etnik di Indonesia [iko data Sensus tahun 2000]. Limo tahun nan lalu, tahun 2004, ambo luncuakan buku ambo di Padang, bajudul 'Masih Ada Harapan'. Intinyo, walau banyak bana masalah nan malilik etnik Minangkabau, tapi ambo yakin masih ado harapan untuak mamelokinyo, dalam konteks Negara Kesatuan Republik Indonesia.[Tantang soal NKRI ko iyo jarang bana urang awak bawacana kudian-kudian ko, baiak sacaro umum maupun dalam RN, anehnyo sambia mambangga-banggakan gadangnyo peranan tokoh-tokoh urang Minang ..... zaman saisuak. Iyo agak heran juo ambo saketek.] Wassalam, Saafroedin Bahar(Laki-laki, masuk 73 th, Jakarta) --- On Fri, 12/18/09, jupardi...@yahoo.com <jupardi...@yahoo.com> wrote: From: jupardi...@yahoo.com <jupardi...@yahoo.com> Subject: Re: [...@ntau-net] "RAPEK MANCIK". By : Jepe To: rantaunet@googlegroups.com Date: Friday, December 18, 2009, 1:56 PM Pak Sa'af urang tuo ambo dan dunsanak palanta RN Kok didunia maya sarupo milist ko rato2 (bulkan urang minang sajo tamasuak suku lain) yo banyak pandapek, analisis dan stratyegi sarupo rapek mancik tu, tampek maadu pandapek, ilmu istilahnyo karajo " bantiang muluik jo bantiang utak di lapau maya" Ndak baa tu do bagi ambo fenomena awak urang minang santiang badebat jo badsikusi walau action alun ado. Iko manandokan awak yo masih urang minang bana he he he Tapi kok dunia nyata banyak juo urang awak nan sudah bantiang muluik jo bantiang utak di rapek2 dan diskusi lansuang bantiang tulang tajun kalapangan babuek untuak kamajuan ranah Bagi ambo nan dirantau ko babuek nyato diranah yo realistis sajo sesuai jo kesanggupan tenago, pikiran dan materi nan ambo punyo, ndak talok dek ambo mamikiakan skop ranah minang nan lueh dengan segala permasalahan nan ado lalu dilapau maya didiskusikan raso2 teratasi dek awak nan dirantau ko Nan ambo pahami dan dapek pencerahan ambo yo dari Uda Rainal Rais katiko ambo baco buku "Abdi Organisasi' dan diajaknyo ka kampuangnyo dan ambo sempat manginap samalam basamo Pak Emi dan rombongan Da Rainal philosopi membangun ranah tacinto sebagai urang nan gadang dirantau kiro2 bantuak iko inyo mangecek ka ambo katiko pagi kami sarapan di ruang tamu rumah kediamannyo di SA "Jepe jaan muluk2 mancintoi ranah minang secaro luas (sumbar) sabalun mandarah dagiang mancintoi kampuang halaman awak surang " Jadi disiko ambo menyikapi dan melakukan sesuai kemampuan ambo sebagai anak jati diri minang nan marantau Iyo bagi ambo harus mulai membangun ranah nan dibawah daguak dulu, kampuang ambo dipasampik di klan ibu ambo mulai mancubo "mancintoi kampuang" sasuai pasan Da Rainal ka ambo Sabagai contoh ambo manggalang dana baradiak kakak kontan dan seibu atau saparuik di rantau ko lah takumpua kami kirim sebagai dana bagulir (pinjaman bukan paragian atau hibah) untuak modal bausaho anak kamanakn di kampuang nan manganggur. Mulai untuak modal bataranak ayam jo itiak, modal manggaleh tiok hari pakan sampai modal bataranak jawi saikua duo ikuo nan dilapeh/dijua katiko lebaran haji, Kepeang nan kami kumpua2 untuak modal ko harus dikembalikan dek anak kamanakan nan maminjam untuak bausaho dikampuang nantinyo di guliakan ka nan lain, ibaraiknyo kito agiah panciang lah anak kamanakan kami nan dibawah daguak ko untuak mancari ikan sahinggo mereka indak manjadi patantang petenteng buek susah sajo dikampuang nan sakiro manimbulkan masalah bagi nagari Sarupo uraian ambo nan lamo2 dipalanta ko, jiko kito nan dirantai bantuak iko, ibaraikn -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe