Bung Jepe dan sanak sapalanta yang ambo hormati, Satahun nan lampau ambo basuo jo milis nan mamuek posting yang bagi ambo sangat menarik, yaitu carito seseorang mambali katupek sayuar nan beken di Pekanbaru. Ambo caritokan ka isteri jo anak ambo bahwa ambo lah basuo jo milis Minang nan memuat banyak ilimu dan informasi khas Minang, terutama bagi perantau Minang cando ambo yang cuman sempat tingga di ranah Minang sampai baumua 6 tahun sajo. Banyak istilah Minang, idiom, wisdom, sejarah, carito-carito ringan, topik-topik aktual, dll, dll nan ambo caliak di milis tu nan bisa ambo manfaatkan untuak manambah-nambah imu ambo di maso tuo ko.
Saat itu juo ambo mendaftar jadi member. Penulis posting yang menarik hati ambo tadi adalah 'Jepe'. Dalam waktu sataun ko ambo mulai tau pulo bahwa 'Jepe' ko adolah ahli kehutanan jebolan IPB dan staff dari perusahaan gadang di Riau. Postingan baliau ko dengan berbagai topik, dengan gaya yang khas banyak ambo baco di RN ko. Ambo terkesan bahwa 'Jepe' adolah salah satu 'bintang' di milis Minang ko. Waktu gampo ambopun mengikuti carito baliau menempuh medan berat jo oto dobrel gardan pai maantakan bantuan ka korban gampo. Kapatang ambo baru pulo tau betapa 'Jepe' pun alah melakukan amal terpuji untuak kampuang halamannyo sebagai sebuah 'action langsung' tanpa banyak gembar gembor dan mandiskusikannyo dalam berbagai 'rapek mancik' di palanta ko. Istilah 'rapek mancik' ko adolah istilah Minang terbaru nan memperkaya khasanah bahaso Minang ambo , dan postingan ko adolah pelajaran lain menyangkut teknik mancemeeh Minang yang sangat terkenal itu. Kalau ambo teliti baliak diskusi salamo bulan Desember 2009, ado ratusan posting diskusi menyangkut Minang, dikirimkan oleh sejumlah urang awak (babarapo urang tamasuak 'tokoh') mulai dari yang mudo sampai nan tuo2. Oleh 'Jepe' sacaro sarkatis iko dikategorikan sebagai 'rapek mancik' dengan akhir carito yang 'menakutkan' (diterkam kuciang garong, kemudian dicabiak-cabiak maragang nyawa). Bulan Desember ko kebetulan ambo mengirim 3 postingan semata-mata karena topiknyo menarik hati ambo, dan adolah hak ambo sebagai member (samo jo 'Jepe') untuak bisa pulo memposting nan sasuai jo motto RN tentang 'bapikia dan babuek' yang terkenal itu. Bung 'Jepe', ambo raso kalau ado urang yang masih maraso sebagai urang Minang dan Muslim, ucapan yang pantas adolah 'alhamdulillah'. Kalau ternyata inyo masih pulo punyo perhatian ka Minangkabau : alhamdulillah. Kalau inyo amuah bapikia surang2 apolai basamo-samo manyangkuik Minangkabau : alhamdulillah. Kalau inyo amuah bapikia dan 'action langsung' cando 'Jepe' : alhamdulillah. Dan 'Jepe', tolong diingek, action ikopun manuruik ambo tagantuang jo : bilo 'mamotret' action tu ? Imam Bonjol, Angku Syafei, atau Ahmad Husein, Harun Zein, Azwar Anas, dll umpamonyo alah 'action langsung' sabalun RN atau pendirinyo lahia ka dunia ko. Baitu juo jo sejumlah urang-urang gaek nan masih amuah bercengkerma di milis ko. Ambo haqul yakin bahwa sebagian dari mereka alah 'action langsung' pada zamannyo masing-masing, pado saat mereka saumua jo 'Jepe' kini. Tapi karano manyangkuik amal dan ketawadhukan, mereka memang indak 'mampidato' kannyo di milis ko. Tiok urang melakukan 'action langsung' ko sesuai jo situasi, kondisi, caro, dan kemampuannyo masing-masing. Program cando nan 'Jepe' lakukan ambo yakin alah dilakukan sejumlah urang awak yang lain. Manyangkuik urang lain, awak berkhusnul zhan sajolah. Kehebatan awak indak paralu ditunjuakkan dengan manapuak dado dan merendahkan urang lain. Banyak urang mudo atau nan gaek di milis ko manuruik ambo nan indak terjerumus ka salah satu panyakik milis: narsisme. Silaturahim ? Ambo raso itulah rasonyo salah satu tujuan RN nan alah tercapai salamo ko dan paralu taruih dibina. Demi silaturahim dan masa depan Minangkabau, saran ambo sejauh mungkin indak usahlah awak saling mancameeh, mengecam, mampaolok-olokkan sesama member ; kecuali kalau memang ado nan paralu diingekkan. "Jepe' ingin tau versi lain dari 'Rapek Mancik' tu ? Ado ciek, walau indak berhubungan langsung : "Sesama Mancik Indak Usah Saling Mendahului". Maaf dan wassalam, Epy Buchari L-66, Ciputat Timur http://kadaikopi.carpediem123.com -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe
