Angku Suryadi sarato Rang Lapau nan Basamo, Katu ketek-keek di kampuang ambo acok ilia mudiak banda jo batang aia di persawahan di tangah-tangah Ampek Angkek, Agam Tuo. Acok ambo basuo jo puncaringek (baitu sabutan ambo). Sabangso murbai agak baduri ketek-ketek tumbah di tapi aia. Acok ambo ambiak buahnyo sirah-sirah sagadang ujuang ampu jari, dimakan langsuang dakek rumpunnyo sambia tagak manikmati ketenangan alam udaro barasiah kuliliang.
Sajak ketek tu lah ambo maapa pantun, nan agak babeda saketek dari nan Angku Suryadi sitir tu: Puncaringek di tapi aia Babungo mangko babuah Ingek-ingek Tuan balayia Lauik Sati Rantau Batuah Pantun nan iko dipampang kan sabagai salah dari ampek pantun pilihan ambo Jauah di Rantau untuak penghias dan marupokan motto Halaman Muko Rantaunet di maso lalu... Sasuah mancaliaka rentetan pantun nan dikatangahkan dalam postiang-postiang ko, ruponyo banyak juo variasi pantun pancaringek ko. Iko ciek lai tambahan nan tampak di ambo dalam salah satu blog Rang Mudo dari Tilatang Kamang: Pancaringek tumbuah di paga Diambiak urang ka ambalau Ketek banamo gadang bagala Baitu adaik di Minangkabau Sumber: http://images.google.com/imgres?imgurl=http://bp0.blogger.com/_vEQNjOnWuik/SIHgbqzXBEI/AAAAAAAAAGA/zN_AbatMrdo/S240/pemandangan.jpg&imgrefurl=http://bluenose-eml.blogspot.com/2008/07/pemberian-gelar.html&usg=__eJWCIU5JmcSRcZ9mfuoE6Cs3PVc=&h=180&w=240&sz=15&hl=en&start=10&tbnid=XvhDfWihECRkAM:&tbnh=83&tbnw=110&prev=/images%3Fq%3DPancaringek%26gbv%3D2%26hl%3Den%26client%3Dfirefox-a%26rls%3Dorg.mozilla:en-US:official%26sa%3DG Salam, --MakNgah Sjamsir Sjarif --- In rantau...@yahoogroups.com, Rita Desfitri Lukman <rita.desfi...@...> wrote: > > Assalamu'alaikum Wr. Wb. > > Satantang pancaringek ko, takana pulo di ambo pantun nasehat urang tuo-tuo: > > Pancaringek jo batang kapeh > Tumbuah sarumpun jo batang dadok > Ingek-ingek nan di ateh > Kok dari bawah nan ma impok > > Nak duo pantun sairiang, > > Pancaringek di tapi rimbo > Di rambah anak rang guguak randah > Ingek-ingek nan tuan kato > Jan sakadar ba silek lidah > > Wassalam, > > Rita D. > > > On 12/26/09, zul amri <amry1...@...> wrote: > > sanak suryadi , adolo pantun ciek lai - pancaringek tumbuah dibateh , pugago > > tumbuah tapi rimbo , ingek2 rang diateh , rang dibawah nan kamanimpn . > > Dikampuang ambo dipakai untuak marabek padi disawah sabalun disabik ,batang > > pancaringek baduri serta merambat , pucuknyo bisa dipakai campuram gulai > > atau randang baluik , zul a p . > > > > Lies Suryadi wrote: > >> Dunsanak di lapau, > >> Ado nan tahu di tanaman nan banamo PANCARINGEK? Kalau manuruik satu > >> pantun, tumbuah e di tampek nan baraia. > >> > >> Pacaringek di tapi aia > >> Lah mati mako babuah > >> Ingek2 Tuan balayia > >> Luik sati rantau batuah > >> > >> Wassalam, > >> Suryadi -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe