Ajo
Kebetulan pada satu kesempatan ambo sampai di Pulau Buton (Tampek Ajo
Penelitian), ado beberapa hari ambo melakukan training disinan dan
batamu dengan seorang bapak. Baliau ko memberikan satu buku karangannyo,
kiro-kiro topiknyo inyo agiah "Islam Hakiki" yang ditabikkan dek MUI
Makasar. Ambo batanyo ka baliau, baa caronyo inyo menggali ilimu ko.
Inyo bacarito, baliau ko lamo jadi pagawai kehutanan nan tugehnyo kalau
masuak rimbo di Sultra itu, acok kali baliau harus tingga berbulan-bulan
di rimbo ko. Untuak mangisi waktu senggang, inyo kemudian merenung dan
manulis ditangah rimbo ko tentang ilimu agamo yang akhianyo jadilah 11
buku nan inyo tulih saat ambo batamu jo inyo ko. Ambo tanyo pulo, baa
jalannyo apak sampai tibo ilham untuk mendalami dan manulih buku ko.
Jaweknyo dalam perenungan ambo di tangah rimbo itu, pikiran tabukak dan
rasonyo ado ilham bagi ambo untuak manulih.
Apokah perenungan bapak yang ambo temui di tangah-tangah rimbo ko
termasuk batarak itukah Jo ?
Salam
Andiko Sutan Mancayo
Lies Suryadi wrote:
Sanak di lapau,
Dek ado nan batanyo soal BATARAK, takana dek ambo catatan J.L. van der
Toorn tentang kebiasaan urang Minang saisuak ko. Ko mbo kutipkan,
sekalian info tentang rujukannyo. Aslinyo dalam ejaan Van Ophuijsen,
mbo aliahkan ka EYD.
/Carito urang batarak/[1] <#_ftn1>
Adopun urang nan batarak tu iyolah sia-sia urang nan nak mamintak
ilimu ka jihin atau setan. Mako takalo ka batarak, labiah dulu inyo
baguru ilimu batarak, kamudian dicarinyo [batang] aia nan sati atau
guo nan dalam atau bukik nan tinggi nan tak dituruik-turik urang.
Takalo inyo nak pai batarak tu, dibaonyo bareh nan lah barandang
saketek; sudah tu barulah urang nan kabatarak tu pai ka tampek bakeh
batarak, barangkek nyo kutiko matoari sapanggalahan ka tacampuang.
Jikok lah tibo inyo di tampaik batarak tu, mako duduaklah inyo di ateh
sabuah batu atau dima-dima suko inyo duduaklah. Inyo duduak sambia
manakuakan kapalonyo dan bareh randang cako diserak-serakkannyo
sakuliliang tampaik inyo duduak tu.
Indak lamo sudah tu tibolah jihin atau setan ka tampaik inyo batarak
tu, babagai-bagai romannyo, mamakan bareh randang[2] <#_ftn2> cako;
ado nan saroman urang bajangguik panjang dan batungkek, antah
sabara-bara jihin nan lain, supayo urang batarak tu jadi takuik.
Jikok urang batarak tu takuik atau nak lari maliek jihin tu, mako
indak dapek dek inyo ilimu doh; kok urang tu lai indak takuik atau lai
indak lari, mako jihin jo setan tu indak suko lai manakuik-nakuik’i,
dan urang batarak tu batanyolah ka jihin nan tuo cako apokoh suko
maajakan ilimu ka inyo; mako jihin tu maajakan babagai-bagai ilimu ka
urang batarak tu; ado ilimu nan tak talok dek basi, ado nan jadi kuaik
bana.
Kutiko matoari tabik (pukua limo) mako orang batarak tu babaliaklah
pulang. Kudian, apobilo urang tu nak batamu baliak jo jihin nan cako,
mako inyo manyaru jo ilimu nan lah ditunjuak’an dek jihin tu. Mako
sabanta tu juo jihin tu tibo ka inyo. Mako urang tu mananyokanlah
apo-apo nan ka ditanyokannyo. Baitulah caritonyo.
------------------------------------------------------------------------
[1] <#_ftnref1> Van der Toorn (1879:448-50).
[2] <#_ftnref2> Menarik bahwa unsur beras rendang yang ditaburkan ini
ditemukan dalam aktvitas-aktivitas magis atau upacara-upacara adat
tertentu di banyak tempat di Nusantara. Bahannya bisa berbeda-beda,
namun tetap dalam kategori biji-bijian—jagung, biji kacang, tepung
tawar, dll.. Tapi fungsinya sama, yang sepertinya untuk membujuk
kekuatan supranatural agar datang, sebagai satu tahapan untuk kemudian
kekuatan supranatural itu dapat diperintah dan dikendalikan dengan
bantuan mantera; dengan demikian kekuatan supranatural itu dianggap
seperti manusia juga, yang tertarik kepada “makanan”. Tetapi ini
mungkin juga ada kaitannya dengan fungsi biji-bijian sebagai bahan
makanan yang penting dalam tahap kebudayaan manusia yang lebih awal
(/food gathering/) dimana manusia masih dikuasai oleh kekuatan alam,
dan bagian dari itu adalah kekuatan supranatural. Persembahan unsur
biji-bijian itu kepada kekuatan supranatural dianggap sebagai suatu
perbuatan balas budi kepada alam yang telah menghidupi manusia.
Bagaimanapun, ini interpretasi awal saya, yang mungkin dapat diteliti
lebih lanjut oleh peneliti-peneliti lain.
Rujukan:
Toorn, J.L. van der. 1879. “Babagai-bagai Tjoerito nan Dipitjajoi
Oerang Melaijoe Tanah-Darè’ Alam Minangkabau (Verscheidene Verhalen
omtrent het Bijgeloof van de Malaiers in het Land Minangkabau”.
/Tijdschrift/ /voor/ /Indische/ /Taal/-, /Land/- /en/ /Volkenkunde/
25:441-59.
Wasalam,
Suryadi (44 thn)
------------------------------------------------------------------------
Lebih bergaul dan terhubung dengan lebih baik.
<http://sg.rd.yahoo.com/id/messenger/trueswitch/mailtagline/*http://id.messenger.yahoo.com/invite/>
Tambah lebih banyak teman ke Yahoo! Messenger sekarang!
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
