Itulah hebatnyo, ditangah rimbo bisa juo ba email, kalau dulu sambia
batarak urang mangirim pasan jo telepati, kini ko yo jo blackberry....
Tagalak sengeang ambo mambaco posting uda ko, baa bana tabuso sumangaik
mancugamkan kayu bacupang ko, raso tabayang dek ambo paluah nan
mancucua, mode kawan kito nan di taluak bayua, balari turun janjang
kapa, mambaokan barang pasisia nan turun.
Kalau katapel ko, yo ado pulo kenangan romantis ambo ko da, ambo
agiahlah pantun sa juak dulu
Ajo Buyuang manuruik Batang Gasan
Panjang kironyo si Jambatan
Cewang di langik manyilaukan
Jo katapel kasiah basampaikan
Basimpang malahnyo jalan
Sayang dek adiak balengahkan
Apolah ka tenggang urang dagang.....wa yoiiiiiiiiik. Baitu kenangan jo
katapel ko, batang Gasan jadi sasi..he..he...Oh yo, apo pulo arati
istilah uda tu "tampek karek sarawa kotok nabi", apo pulo aratinyo tu da.
Kalau ide uda managakkan kayu bacupang itu, mungkin kalau tigo cupang
sabangun, mungkin lai ka tagak, mangkonyo di adaik kito dikenal "Tungku
tigo sajarangan, tali tigo sapilin". Kalau duo se nan bakaokan tagak da,
ndak hanyo duo resiko nan ambo tulih dibawah sajo nan mungkin tajadi,
tapi kalau badan kurang sehaik, bakalan "Cido" kajadinyo. Lai takana juo
dek uda arati kato Cido ko ? (Galak takakah-kakah ambo kini ko da).
Kalau uda mambuek lubang duluan, itu namonyo bukan mancucuakkan kayu
bacupang, tapi mananam kayu bacupang, kiro-kiro kalau itu ditanam,
manuruik ilimu kehutanan, lai ka tumbuah kayu tu, karano mananamnyo
tabaliak, pucuaknyo kabawah. Tapi kok lai ka tumbuah juo, baa bantuak
daunnyo, yo sabana aneh ambo kiro, maraok ka bumi, mambulakangi matoari,
malawan ka adat nan subana adat, hukum alam nan balawan...ha...ha...ha...
Cubo uda suruah anak buah uda sakali-sakali mananam akasia, tapi pucuak
nan bacupang tu nan batanam, ambo yakin rapek direksi mandadak jadinyo,
mandiskusikan posisi uda di perusahaan....ha...ha...ha...
Jan masuak ati yo da, ambo becanda ajo, raso ka rangkah kapalo dek rapek
tadi, indak baransua ansua panyakik kehutanan kito.
Salam
Andiko Sutan Mancayo
jupardi...@yahoo.com wrote:
Andiko nan sabendi jo ambo..
Masalah organ tunggal sudah dibahas banyak oleh dunsanak palanta RN
Tapi postingan Andiko yang menarik bagi saya adalah sebuah ungkapan (saya copas)
"mode mancucuakkan kayu bacupang katanah,
sungguah sarik,
kalau indak tanago
nan abih, yo kayu itu nan rangkah"
Entah kenapa saya kok saya sangat merasakan atau seolah saya berimajinasi
begitu dalam
Dengan ungkapan Andiko ko, disikolah tingginyo gaya batutur niniak kito, dan
didapek atau mancaliak apo nan tajadi dialam atau kehidupan (alam takambang
jadi guru)
Imajinasi ambo tadi mambaco postingan ko di tangah hutan (dilapangan) kebetulan
cuaca angek, tanah kareh dicaliak kiri kanan ndak lo basuo kayu bacupang duo
diujuangno (bantuak katapelkan andiko tampek karek sarawa kotok nabi dikabekan
di cupang duo ko)
Imajinasi ambo mamacik kayu ko, nan bacupang duo tu ambo antakan ka tanah kareh
ado duo kemungkinan sarupo nan dikecekan Andiko
Nan partamo
Kok sadang ndak batanago ambo, yo amuah sasak angok ambo manakan kayu bacupang
katanah ko bia tagak tali dan kuek
Nan kaduo
Jampang batanogo kuek ambo dibantu lo jo kawan ambo agak duo urang..yo bananyo,
jaankan cupang tu masuak kadalam tanah rangkah bin tabalah duo cupang ko,
paliang indak patah dek tekanan super kuek, cupang ko mangangkang..ndak do
lai..balipek rato tanah sajo
Mantap..mantap..ungkapan ko "taraso bana ambo bakarajo sia-sia tadi sore jo
imajinasi atau seolah-olah ambo lakukan dengan sepenuh hati :)
Tapi Andiko, ndak ingin juo awak kayu bacupang ko dibanamkan ka tanah kuek dan
tagak tali, bia ndak sio2 karajo awak solusinyo manuruik ambo
Digali lubang agak dalam saukura/saleba kayu cubang duo , lalu tagakan impik jo
batu agak padek antak stek lalu timbun jo tanah galian tadi,mmm dibae lo olah
raga onjak2 ditanan nan batimbun tadi, ambo yakin tagak kayu bacupang ko labiah
kuek dari pado kayu nan luruh sajo..baa gak ati Sutan
Terakhir
Iyolah andiko, ambo indak ka bakayal atau bisuak mancubo maantakan kayu
bacupang ka tanah kareh, lah sasak kudian sajo angok ambo sabalun malakukan :)
Ungkapan ko ka ambo buek distatus fb ambo, kok ado pren ambo nan indak urang
minang ba komen kiro2 bahaso minangnyo komen pren ko
"Aaa arati eee tu yuaaanggg"
Ambo jawek se singkek
"Sesak napas Bro (Minang ; Sasal angok sanak)
Wass-Jepe
Sent from my BlackBerry® smartphone from Sinyal Bagus XL, Nyambung Teruuusss...!
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
