Pak Dasriel jo Mak TR jo adidunsanak palanta di Lapau, Tarimo kasih ateh raso simpatik Apak satantangan Etek ambo tu, iyo lintuah hati kito Pak. Syukurlah Apak jo keluarga lai salamaik di maso tu. Mungkin di rakyaik Minang kutiko masih banyak labiah parah dari nan di alami Etek ambo ko. Samo2 kito minta kapado Allah SWT supayo kalo iyo lah baliak ka sisi-Nyo dikaruniai ampunanNyo dan ditampekkan disisi-Nyo. Tapi kok nyampang masih hiduik liau kini ko, agiah jalan tarang supayo bisa basobok jo anak dan suami liau. Ambo yakin Abang ambo tu sangaik taragak basobok jo Mamanyo nan mungkin alah ilang dari ingatannyo baa roman Mamanyo ko.
Untuak Mak TR, Bahasan di wakatu nan sudah2 kan alah manyabuikkan satantangan "low trust society" nan mahawo di suku awak ko. Iko mungkin salah satu bukti nan dari maso ka maso memang alah marasuak ka suku awak ko. Mudah2an iko bisa awak pakai untuak introspeksi diri, jan sampai awak, keluarga atau kawan awak mode tu. Saliang ingek mangingekkan malah kito basamo. Karano ameh sabungkah ilang dunsanak tampek bagantuang, kan mode tu jadinyo Pak. Indak di masa lalu ukatu PRRI tu sajo Pak. Rina lumayan banyak dapek carito dari Papa juo dari Mak Ngah Syamsir Syarif satantangan pengkhianat perjuangan ko. Dalam keseharian di Rantau ko pun pernah mangalami juo bbrp kali kejadian. Sangaik tapek bana perumpamoan nan digunokan Ayah Mak TR maonyokkan sayak tampuruang manyuruah muntahan apo nan tamakan. Ambopun di hiduik ambo nan alah sakiko kiniko, lai basobok lo. Tapi itulah dek Mamak tuha, antah indak bisa mandandam antah dek lamah, lai kok basobok baliak mahinda sajo kami nyoh. Barilahkan sajo nan lai, mudah2an mereka sadar jo nan mereka buek. Ambo yakin kutiko mereka sadar jo apo nan dibuek, itu cukuik untuak maukun iduik mereka sandiri. Pak Saaf nan ambo hormati, Tarimo kasih banyak Pak ateh ditarangan baa caronyo manggunokan hak untuak pelanggaran HAM berat ko. Mungkin kalo ado kesempatan akan ambo diskusikan jo Abang ambo ko. Barangkali anak akan labiah kainginan untuak mangatahui ibunyo dari Mamak ambo nan suami Etek ko, akan labiah marilahkan dan manyimpan rapek kenangan mereka iduik basamo di ukatu nan sabanta sajo maso saisuak tu. Kondisi liaupun kini ko indak lo mamungkinkan doh, alah acok sakik-sakik. Wassalam Rina -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
