*Pasan Kapado Amirah Cahya Andiko* Tapek jam 14.30, kutiko matoari mulai manggaliciak ka pintu barat, ka Magribi urang imbauan, Maroko caro kininyo, malangkiang pakiak ka awan, jauh manambuih ka tonggo arras. Pakiak nyariang baserai, serai bateba sampai ka tanah Malayu, tando kalam ka batulih, bak cando sumpah ka paek, di garih sajo badan bajalan, salangkah indak ka mainda, sabab disinan garih di ukia.
Sambilan bulan lamonyo, disinan Allah maukia tando, sarang sarang nan banamo si Rahim, Rahim barangkai jo Rahman, bagian dari sifat Allah. Disinan pintak balaku, disitu pulo kaninan mangko buliah, dek kasiah jo sayang Allah ka mahluk, mahluk banamo Manusia, mahluk pilihan nan kuaso, ka manjadi kulifah di alam Rayo. Anak kanduang sibiran tulang, ubek jariah-pa larai damam. Alah tibo pitaruah dari Allah, pitaruah nan haram ba sio-siokan. Alah marupo tando kuaso, alah marono sagalo cinto. Nan tugeh ayah nak, bak ibaraik padang, padang sungguah naknyo lapang, bia nak leso kudo balari, nyampang kok alah ukatu ka galanggang, lari nan indak tapampeh, ta pampeh indak tatungkai. Ibaraik busur nak, nan ayah tingga maragang, tabang-tabanglah bak cando panah, tabang mancari pajanjian, janji nan alah di tagakkan, jauah di dalam rahim Bundo. Bak itulah nak kanduang, karano namo adolah do’a, jo namo ayah pinto. Usahlah nak manjadi biaso nan lalu indak taraso, hilang nan indak ka mangurangi. Ayah pinto tagak di mungko, langkah nan ka di turuik urang, dek tagak sataguah Alif, indak karabah di hampeh angin, sandi mandalam di pitaruah nabi, parentah Allah sajak alun barabalun. Tagak di mungko bak cando padi, samakin barisi samakin manunduak, nan di tangan nyalo api, cahayo nan ka manarangi anak Nagari. “Telah lahir putri kami yang pertama, “Amirah Cahya Andiko”, tanggal 18 Februari 2010, jam 14.30 di RS. Awal Bross Batam”. RS. Awal Bross Batam 19 Februari 2010 -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
