Adidunsanak palanta nan mulia,
Iko adolah carito nan ambo buek di ukatu nan lapeh, hanyo sajo nan ambo tabakan (bold) indak akan mode tu kejadiannyo doh (barangkali) kalo awak mamakai patrilineal. Akan banyak urang gaek padusi kito nan lah tingga surang dek suami mereka alah mandaulu atau mancari ciek laih. Cando di daerah lain di bagian lain di nagari Indonesia ko banyak nan masih bakureh indak tacaliak’an dek awak doh. Cando kejadian mangantri mananti sidakah dari nan balabiah nan kebanyakan manimbulkan korban. Apokoh mode iko nan kaditiru? Tolonglah bari tarang ambo nan indak mangarati ko??? Apo se tujuan mangko ado wacana ko??? Nan jaleh ambo nan marasoan baurang gaek padusi marasoi sanangnyo punyo nenek nan indak paralu paniang di maso gaek dek ado hasia dari sawah ladang pusako tinggi. Kalo nan urang laki-laki kan tanago mereka labiah kuek untuak mancari paruntuangan jo lain usaho. Antahlah………………… taruih tarang ambo sangaik takajuik mambaco poin tentang ka maubah matrilineal manjadi patrilineal ko??? Wassalam Rina, 33, batam From: rinapermadi [mailto:rinaperm...@gmail.com] Sent: Wednesday, May 13, 2009 11:35 AM To: 'RantauNet@googlegroups.com' Subject: RE: [...@ntau-net] Re: PANAWA TANGAH PANEH PART 2 JO GARAH Assalamu’alaikum warahmatullahi wabarakaatuh, SUP IKAN TENGGIRI By : Rina Lah tinggi ari komah, kecek Sitokar kaliang, manyauik pulo supir tembak, Yo lah Kaliang..sigi lah gigi jo roda Cigak Barua awak tun..lai malakek juo ditampek no ndak Patuah marunguik rungik Si Kaliang pai ka oto..sakuih no panuah lapek jo paragede..pipi no agak gambuang lo..mangudok lapek jaguang.. Sadang manyigi gigi oto di baruah Oto ko…pailo lah supir tembak ka muko oto, diciboannyo lo manyigi-yigi kabel-kabel basimpuluran nan adoh di dakek stir oto ko..tabik lo gilo no.. No takan kalason…agak lamo “ TOOOOOOOOOOOOOOOT… Nan Si Sitokar Si Kaliang di baruah Oto CB ko lah tarambuang talantuang kaniang no ka kolong oto..lansuang maluncua Si Kaliang ko maambua kalua..batagak pinggang nyo cando Wayang Gareng berang-berang..,,, ‘; Batoo Preeen…..Ang Tenggen…. (eee kiro no malagu Si Kaliang Sitokar ajaib ko) lansuang lakeh lakeh Supir duo maambiak gitar pakak nan tasalek di bulakang kurisi sopir..jreang.. jreang…jreang….(Jreang = b. minang, kalo jreng = b. Indonesia raya)..alah bajadi malagu sadono… sampai taheran2 Si Gambuang Rina nan mancaliak2 dari baliak Mamanyo…di teras rumah… Nan si Supir tembak galak-galak singai sin no, cando ndak tau.. manjawek ka SI Kaliang..Kan wak aden manyiboan kalason sin noh..Pren…biko kalau ndak diciboan kok nyampang ndak namuah lo no mangalason..kan garik wak mah…kok ado oto urang basisuruik kuduh…baa lo awak ka mangecek manyorak an..sadang buni Oto ko sin..sampai ka Jam Gadang ten nah.. Beko kon ndak cando kajadian di silaiang dulu tu..latiah lo Pren..balari-lari ka Sate Mak Syukur mangaja kami… Iyolah…kalah Den Mah..kecek si Kaliang…Nan Uwwak den iboan tun bukan kaniang den nan mancuang dek talantuang, tapi lapek jaguang nan harus no lah di dalam rangkuangan den.. tasambua lo baliak kalua.. tu ndak mungkin ka den ambiak baliak doh..no lah taserak di tanah mah.. Ondeh mandeh…Pren… kan lah bi gambuang sakuih sakuih du… Rilahan sen lah.. nan taserak tun.. ndak demonstrasi bagai galang2 Pren tu doh… Lah salasai paretongan barangkek sadono pai manambang mancari kepeang.. pambali bareh..untuak nan mananti di rumah.. Dek rami no alek motor koroih..iyo bacirabuik urang dari simpang luak anyia naiak ka Cigak Baruak nan lah mangkilek di gunda dek Si Kaliang tadi malam tun..Lah cando kilek gigi ameh si Boneng..nan bagigi mancuang tuu.. Sambuah anak bujang jo gadih naiak ka Cigak Baruak antik ko…Geser geser Diak..kecek si Kaliang. Lah panuah oto ko ado lo surang anak gadih nak ka naiak juo..dek si kaliang disuruah..juo urang di dalam oto bageser..Dek Oto Cigak Baruak jaman Ulando ko badagok gadang.. lai tamuek sado no nan masuk.. lah marauang oto ko ka arah simpang tembok, dari simpang tembok lah sarek lo babelok mandaki ka arah rumah potong…Lah di simpang Pasa Banto lah bi turun paja2 jolong gadang tadi..parkirlah Si Kaliang eh..Cigak Baruak ko di pasa banto ko…Datang Parewa Pasa nan badan no panuah tattoo tulang ikan.. tagarik si Kaliang mancaliak..tapi kincia2 no lakeh baputa…lansuang di turuik dek si Kaliang.. ondeeee Pren…lah lamo ndak basuo..sakali basuo di Pasa banto….Eeeeeee.. jan banyak gaya laih Angku…maa Pese Angku.. ko kawasan Uwak den mah… Saba Pren..siko lah den bisiak an ciek…ado cito lamak ciek..lah di baok dek Si Kaliang Pareman batatto tulang ikan ko manyuduik…antah aa lah nan dicaritoan dek si Kaliang..lah tasambua galak pareman ko…mamacik2 paruik galak tabatuak-batuak…tiko tu dikode dek si KAliang Supir untuak maiduik an oto, lah jalan oto..larilah si Kaliang ka jalan..sampai maambua ka dalam oto..lari dari si pareman nan masih sakik paruik tadi..Batanyo Supir duo ka si Kaliang..Aa nan Pren caritoan ka inyo tu?.. Ndak ado doh.. Uwakden gadelean sen no noh….biaan sin lah.. Kiniko wak taruih ka laman Musajik Aguang dakek aua tajungkang..disinan banyak Amai-Amai nan manggaleh Ubi jala, limau manih jo pisang rajo. Amai-Amai tu subana no ndak panggaleh bagai doh..dek tagia-tagia nak barami-rami ka pakan sin no duh..apolai dek isi parak nan laweh-laweh di sakuliliang rumah gadang..sambuah lo buah no..dari pado busuak di batang..sato lo lah Amai-Amai tun pai manggaleh..tampek no di sapanjang jalan kureta api di bulakang Pasa bawah ko sampai ka dakek Musajik Aguang di Aua Tajungkang. Ambo salut jo pandaulu datuak2 nagari minangkabau saisuak nan bisa mamikian nasib urang padusi walaupun tingga surang nantinyo, apo mandaulu lakinyo sahinggo ndak telantar Amai-Amai ko cando di daerah lain nan antri bapaneh-paneh basasak-sasak untuak manadahan tangan ka BLT..kan iyo BLT kecek urang du.. Amai-Amai ko lah bisa manyakolahan cucu jo anak2nyo sikola tenggi..kadang Sampai kalua nagari bagai.. Dek pandaulu kito sisuak kala lai bapikia sampai keen tun…makonyo salamaik anak cucu Amai2 kito di Ranah Minang nan den cintoi ko.. Ndeeeh Pren.. lah cando bakatubah pulo Angku mah..kondak masuaklah ka musajik tan nah..naiak ka mimbar.. kecek Supir tembak..Oi Pren Uwakden serius bana mah… Kok cando nagari lain lo adaik kito ko dibuek, ndak ibo wak du… mancaliak Amai2 nan alah Gaek-gaek ko bagadincik..sampai 25 urang maningga mati tapijak dek baharok sidakah urang kayo…ndak ibo hati wak du…? Iyo yoh Pren…makin cinto kito ka nagari Minangkabau ko..Samo tamanuang kasado alah crew Cigak Baruak..Pas lo garin abang di Musajik Aguang tun.. lah bagageh sadono ka musajik tun.. Lah salasai sumbayang bajamaah, tibo2 babuni hempong si Kaliang…kirono sms si rina masuak mangabaan kalau Sup Ikan Tenggiri alah masak…kok nak ka makan makan sin di rumah..mantun bun isms tun.. Dicaliak dek si Kaliang oto sarek dek muatan katidiang Amai2..kiro no lah bagadincik AMai2 nan nak baliak pulang arah ka Gaduik dakek Lapangan pacu kudo bukik ambacang..Baa laih..paruik nan mulai taraso mamintak diisi ditahanan dulu dek mereka para crew Cigak Baruak ko… Batanyo Si Kaliang ka Amai2 tun…OOO Maiiii..Baa dek lah baisi sorang sin Oto ambo ko?/ Ndeee Yuang..Yuang nan Gagah jo Ganteng…Kami2 ko lah lamo ndak naiak oto Ulando ko..takana dek kami sisuak kala pai raun jo Inyiak Ang nan lah mandaulu..naiak Oto ko..maingek an kami ko ka zaman sisuak kala katu baintaian jo INyiak Ang sisuak..kan lai ndak baa doh kami manumpang pulang ka gaduik yoo? Si Kaliang dek kanai kecek Ganteng jo gagah ko lah lenyai ati no..muko no layua lubang iduang no agak2 batambah diameter no..kambang kampih..di guyu Amai2……Jadih menah Mai…bialah dek piantaan Amai2 ka gaduik tan..kami yo nak ka pai ka arah sinan tu kini ko goh… Lah malaju oto maantaan Amai-Amai ka arah Mandiangin…Isi minyak di tampek Toke nan pastiii passs…taruih luruih arah by pass..lah sampai lo disimpang gaduik..Kiro no di simpang gaduik ko lah mananti Cucu2 Amai2 ko, ado nan ba Hartop, ado nan nan ba panter, ado nan ba kijang, ado nan ba pajero.. ado lo nan ba Storm… Lah tapurangah sin crew Cigak BAruak…sabalun batanyo.,.. lah daulu Amai Munah mangecek ka Supir…Ondeh Pir.. lapeh taragak kami Pir..singggah lah awak muah di pondok kami…Tarimo kasih Maii..sarantak manjawek para crew CB…Sambia basalam tacangang sado no dek kiro no Amai2 ko ado karatu namo no masiang2 langkok jo website mereka…jo ongkoih nan diagiah dek Amai-amai ko..malongo sin Si Kaliang nan manarimo…..OO My God.. kecek si Kaliang.. Subahanaallah..Tambah cinto den ka ranah Minang den kooo…. Dek paruik urang ko lah manggarutok..lakehlah babelok Cigak Baruak ko ka arah simpang ka manuju ka tampek makan sup Ikan Tenggiri nan aduhai..manggarogoh manggarogoh buni oto dek bapasoan dek paruik lah bagandang… Lah sampai di rumah si rina..ado Mas nyo nan batanyo ka Supir tembak, Mas.. Mas.. sampeyan betiga aja? Katanya ada Toke sama Ibuk dan Uni Ipah jo Udanya..Mana mereka?? Ndee Mando..kecek Supir tembak..kan dek itul;ah du haa.. sambuah nan ndak bisa kami caritoan dek paruik lah sabana bana mambana koha.. kok wak mulai sin makan baa noh? Jadi menah Uda..silahkan masuk…udah ditunggu Papa, Mama sama rina and anak2….. ndak ado laih..bakatintamlah.. para crew Cigak Baruak..dek kalitak an….lah sudah makan babuni lo hempong si Kaliang.. kiro no Uni Ipah..nan lah panek manuggu di sungai tanang…Oi.. Kaliang…..baa dek lamo bana ??? Tapi rencana no nak ka kamari maambuai tobek gadang ..lah panek manantian.. lah kami abihan juadah ko ha?? Kok nak kakamari juo.. baok an sakali sup ikan sirina njek den.. Iko toke lah nak kamanuju kamari lo goah…ondeh mandeh.. bakatutuih.. buni hempong si Kaliang.. sampai2 taranga dek sadono urang nan maunjua di lapiak dek kakanyangan…sambia makan kalikih cimangko…sasudah makan.. ndak disuruah-suruah lah disiap an dek sirina sup ikan sacambuang gadang untuak dipiantaan njek Uni Ipah jo Toke nanti nan sadang manuju sungai tanang… Baa Pak Emi??? Kirono sampai di sungai tanang Sup Ikan ko ndak ado sup no laih doh..tingga ikan no sin laih.. dek di nonong dek si Kaliang di dalam oto jo pipet nan dari slang inpus..wkwkwkwkwkwkwkw….. (Tainspirasi ambo untuak batutai2 lo hahaha) Wassalam Rina, 32, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe