Mak Darul yth. Kok buliah ambo manjalehkan saketek sucaro teoritik dari referensi nan ambo olah saketek. Satantang adat, ado nan manyabuikkan budaya, walau sabananyo indak tapek juo; dek karono itu ilmuwan Balando maso saisuak saroman van Vollenhoven dll manyabuiknyo khusus untuak Minangkabau sabagai 'adat recht'. Dan kasudahannyo banyak ahli sasudah itu maambiak rujukan dari kasus Minangkabau. Karono itu memang tapek nan disabuik Inyiak Lako, keunikan Minangkabau itu menarik perhatian dunia; karono vernakularitas nan bertahan lamo, walaupun ado perubahan agamo, sistem politik, peperangan, dlsb. Sabagai anak Minang tantu kito bersyukur alah manjadi bagian dari sejarah hiduik sampai kini nan manjadi perhatian dunia. Adopun pengenalan urang lua terhadap 'adat' sendiri sabananyo melalui babarapo pendekatan. Nan partamo melalui maxim 'people's culture as they understand it', yaitu nan adat itu adolah apo nan dipahami oleh surang-surang Jadi pengalaman individu ko tantu babeda jo individu yang lain. Kok pas tibo ditanyokan ka nan paham, mungkin jaleh penangkapan terhadap adat itu. Tapi kalau ditanyokan ka nan kurang paham walaupun urangnyo banyak, tantu saketek penangkapan nan didapek. Kato urang banyak kato bagalau. Nan kaduo disabuik 'cultural makeup', nan dinilai dari pemahaman terhadap keseringan menyaksikan atau terlibat dalam event adat. Bilo event atau ritual adat dilakukan ocok, mako mambarikan kesempatan pado urang banyak untuak mandapek pengalaman dan pemahaman dari adat itu. Dari perspektif teori dijalehkan satantang: 1) keseringan interaksi budaya, 2) keseringan partisipasi individu, dan 3) motivasi individu untuak menularkan pemahaman basamo di dalam kaum/anggota masyarakat lain. Tantu masalah kito nan di rantau adolah dalam hal iko, sabaraa ocok kito terlibat dalam event adat dan sabaraa banyak event adat itu dilakukan. Ado babarapo pendekatan lain, seperti 'culture as shared knowledge' dan 'culture as socially learned information', nan dapek dijalehkan kudian hari. Nan babeda adat Minangkabau jo adat lain adolah aturan adat itu memiliki sistem 'record and storage', tasimpan dalam pituah dan ditatah dalam pitatah-patiti, mengenal sistem ketatanegaraan, dan sajak maso Paderi alah mulai ditulihkan sabagai tambo. Mengenal etika alua-patuik, moral raso-pareso, susunan barih-balabeh, sarato penilaian ukua-jangko; sahinggo karono itu dapek disusun hukum dan undang-undang. Kalau alun jaleh dan paham masalah itu, baa caro mambuek suri baru? Satantang pangalaman mamak dalam beradat, tantu dapek kito maklumi. Ukuran urang lamo tingga di ranah alun manunjuakkan nan bersangkutan memiliki pemahaman yang tepat. Apolai kito nan lamo bagulimang di rantau. Indak pulo ukurannyo kesarjanaan, bapangkek, kayo, ataupun jauah bajalan. Nan adat sendiri kalau kito kaji lambek-lambek dirumuskan secara (kalau buliah digunakan sangenek istilah agamo:) ma'rifat. Cubolah kaji satu pantun adat nan ocok dikambang sanak Suryadi itu. Labiah sabananyo manuntun keteraturan dalam masyarakat sucaro ergonomik, iyo sasuai dengan sistem nilai nan dimiliki masyarakat itu. Kalaulah pulo ditanamkan model demokrasi Amerika nan suaro terbanyak itu, iyo indak tampan bantuaknyo, indak sasuai antaro badan jo pakaian. Kalaupun masyarakat itu akan dikonstruksi atau direkayasa, pakaikanlah adat nan alah ergonomis itu, kok nak dilampih juo, tambahkanlah pakaian nan sasuai. Namun bakaji bana. Batu kiro-kiro mak. Alah panjang juo, nan talabiah itu mohon dimaafkan. Wassalam, -datuk endang
--- On Fri, 2/26/10, dar...@gmail.com <dar...@gmail.com> wrote: Tanggapan mbo dibawah: --- On Fri, 2/26/10, Datuk Endang <datuk_end...@yahoo.com> wrote: Untuak Mak St. Parapatiah, nan masalah itu bana paralu pemecahan sacaro 'operasional' , jadi indak paralu maasak-asak sampai ka lumbuang do. Salain itu memang alah samo kito pahami kalau adat itu masih tapakai di nagari-nagari non perkotaan di SB, namun kok tibo kito di rantau labiah manjadi 'simbol'. [Nan iko ambo sarahkan ka pak Darul untuak mananggapinyo.] Baitu talabiah-takurang mohon dimaafkan. Wassalam, -datuk endang Tanggapan Darul: Alah ka batapekan lo dulu ambo bakomentar saat diateh kendaraan dari Suta. Kini perjalanan nan samo dari suta ka rumah. Tapi kini BB mboko indak tahubuang ka RN lai, jadi tlg di forwarkan. Ambo iyo kamanjawab praktis kehidupan dinagari, tarutamo di Canduang. Menurut pancaliakan ambo nan iduik di Canduang sajak lahia sampai th 72 (20th). Nan adat iyo banyak utk sermoni. Sahinggo kalau ado tanyo: "Alah baradat no?" Aratino alah baralekan perkawinan no. Datuak Endang mangecekan adat tapakai dikampuang, jadi pertanyaan adat nama dan adat untuak sia? Maaf jikok iko manyiangguang sandi gai kok ukan buamng sajo jauah. Ciek silah nan sangat menyiksa taraso diambo, sampai kini sebagai contoh nan adat itu alah kurang cocok. A tu nan kurang cocok tu? "Kabanakan barajo kamamak, mamak barajo ka panghulua, panghulu barajo ka nan bana" Nan tapek manuruik ambo nan dangka ilmu adat ko: "baradat kakato muifakat, mufakat barajo ka nan bana" Iko pangalaman nan masih balaku sampai kini (di Canduang): Nan dari kamanakan dan juo nan dari urang padusi, walau si kamanakan tu alah pansiun dan alah punyo babarapo S2 gai, baitu juo padusia, alah tuo dimuko klas dan mungkin politisi gai, nan dalam maambiak keputusan iyo nan mamak2 samiang nan paliang didanga. Ciek lai nan anak mudo dima lo duduakno ko. Nan anak mudoko banyak nan santaiang2 aktif dan kreatif. Iko sangat prinsip digili manuruik ambo mah Datuak. Kalau Datuak memang beda levelno, dek dari anak mudo maloncek-i mamak. Anak Mudo jadi pangulu. Jadi level diaehno tingga nan bana sajo lai. Baa pandapek Datuak. salam Darul -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe