Assalamualaikum Adidunsanak Sapalanta.
Sanak Bujang Pono, Sanak Ridha, Sanak Ibnu Mas'ud, Sanak Yansen nan dikasihi... Berdakwah tu ijan melulu sajo, kok iyo kito ka mancaliak kisah si Yahudi Buto ranuangkan bana dulu apo nan dibuek Rasulullah Saw tu. Lah jaleh si Yahudi Buto tu mancaci maki dan mangecekan Muhammad (Rasul Saw) sasek dan gilo bagai, namun Rasul Saw masih manyuokannyo dengan kasiah sayang makanan ka inyo tu. Sadangkan awak alun manga2 lah manuduah bid'ah dan sasek ka sasamo muslim nan masih bersyahadah dan bahkan sabagiannyo Ulama2 besar nan baraja indak tangguang2. Jadi kok iyo bid'ah dan sasek Marayokan Maulud Nabi tu mako saluruah pengikut Perti, NU, sabagian Muhammadiah, Al Wasliah, dll, tamasuak "Alim Ulamanyo sasek tu yo? Jadi marilah kito badakwah bil hikmah dan hasanah kok iyo ka maikuik Nabi juo. Ambo dulu mangaji pun macam sanak juo, maklumlah urang mudo dulu di Ikhwan Kampus Aia Tawa, asa baliak ka kampuang atau rumah mandeh di Pakanbaru tu sibuk mancari bid'ah se lai karajo. Tapi lamo2 ambo bapikia apo nan dapek dari mangaji sarupo iko?? Satiok basuo jo urang awak asik babantah-bantahan sajo nyo lai, dek mancari nan sahih, jadi pabilo masonyo awak ka babaiak dan bakasiah sayang sasamo Mukmin, sedangkan awak baagamo tu untuak mampaeloki akhlak, bahkan kadang jo urang gaek sendiri bisa babalah. Sampai ado kawan ambo nan indak baelok jo Urang Gaeknyo. Sadangkan Ridho Allah maniti diateh Ridho kaduo Ibu Bapak, baa tu? Bahkan jo Guru tampek mangaji nan maajakan bid'ah sasek tu pun bisa bacakak juo jadinyo (iko pengalaman nan ambo caliak walaupun Guru tu labiah tuo ) Sadangkan Rasul Saw jo Yahudi nan sarupo itu pun masiah bakasiah sayang dan maagiah makan, (kok ambo mungkin lah ambo ladiang inyo tu atau diracun sajo). Hebatnya Engkau Wahai Rasulullah Saw. Dan dalam baagamoko kito musti ado contoh tauladan nan sarupo/mirip jo Rasul Saw, bukan hanyo dari segi mambaco dan memahami Kitab (AlQuran dan Sunnah). Jadi timbua pangana ambo jadinyo. Ado nan mangganja di pikiran ambo ukatu itu, "Kalaulah agamoko bisa diamalkan hanyo dengan mambaco AlQuran jo Kitab Hadist(nan Sahih sajo tantunyo), mako niscaya Allah hanyo akan manurunkan penulis Kitab sajo, jadi untuak apo diturunkan Rasul Saw" Jadi dek kito indak ka bisa baagamo jo hanyo mambaco Kitab, mako diutuslah Rasul Saw sebagai Uswatun Hasanah dalam baagamo tu. Dan Kitab tu/Wahyu hanyo diagiah ka Rasul Saw, para sahabat lah mandapek huraiannyo sajo dalam bentuk akhlak Nabi, nan mudah dicontoh. Jadi sia urang nan ka manjadi Uswatun Hasanah kito saat kiniko? Nan ka bisa dicaliak dan dicontoh, _Tauhidnyo _Akhlaknyo, _Ibadahnyo _Muamalahnyo _Rumah Tanggonyo _Kepemimpinannyo _Kesabarannyo _Kasiah Sayangnyo _Perjuangannyo _Dll sabagainyo Sedangkan kito baraja / kuliah ilmu akademik sasudah teori ado praktikum dan katu praktikum ko adolo nan mambimbiang/asisten, sudahtu adolo KKN nyo dsbnyo. Apolagi iko agamo nan sangat samparono dan banyak musuahnyo bayiak nan indak nampak (nafsu jo syeitan) jo nan nampak Yahudi,Nasrani,Majusi,Kafirun, Muslim Hasad dengki, Muslim Munafiq, Kafir Zindiq dsbnyo. Jadi kito paralu Ulama Pewaris Nabiko (kalau namonyo dalam KItab) nan ka mancontohi dalam malaksanakan agamoko. Jadi jan hanyo sakadar mambaco, kito harus mancontoh, sbb kini banyak urang/Ulama nan hanyo bisa mangecek tapi jauah panggang dari api. Sakitu dulu untuak di ranuangkan Wassalam alhaqirwalfaqir anwarjambak42,KL Get your new Email address! Grab the Email name you've always wanted before someone else does! http://mail.promotions.yahoo.com/newdomains/aa/ -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe