Sanak Andiko, Dek bakasempatan ka Kalimantan Timur, pai pulolah ka Tenggarong bagai. Kok lai rancak palangkahan, basobok pesta ERAU. Tapi jan berang sanak kalau tibo2 disimbuakan urang jo aia di jalan. Tenggarong talatak agak ka muaro sungai Mahakam. Kok nak batualang bana Dinda, pailah mamudiak batang Mahakam tu sampai ka Tanjuang Isuy. Tapi lamo e sahari samalam kapa pompong. Dulu di tahun 1995 ambo tingga tigo bulan di jantuang Kalimantan tu, lalok di sabuah rumah panjang milik kaum Dayak Benuaq. Ikan sambuah di danau2 di situ. Kok lai rancak paruntungan Andiko, basobok pesta Kwangkay: puncak persembahan suku Dayak Benuaq kapadi arwah nenek moyangnyo. Oh...ruponyo lai disimpan juo dek urang Balando tulisan ambo dulu mengenai pesta Kwangkay tu. Tapi di akhir pesta tu ambo ndak tahan maliek: kabau gadang dipauik'an di tangah lapang, sudah tu mandau tajam bacucuak2an basamo2 ka badannyo, sahinggo mamanjuik mancudik2 darah. Kabau tu maronta2 manahan sakik, sampai rabah dan mati. Itu sababnyo pesta Kwangkay ko pernah dilarang dek misionaris.
Title: Tradisi lisan dalam uparcara Kwangkay : puncak upacara kematian suku Dayak Benuaq / Suryadi Author: Suryadi In: Kalimantan review : media informasi kebudayaan dan pembangunan, ISSN 0854-4646 vol. 5 (1996), issue 15, page 3-6 Illustration: illus Abstract: The data for this article were collected in a small Benuaq Dayak village in the kabupaten Kutai. Most of the villagers are agriculturalists but the area is increasingly being exploited for its mineral resources and logging. The kwangkay mortuary ritual consists of three parts: upacara param api; upacara kenyau; and upacara kwangkay. The first of these is obligatory but the latter two are only expected to be performed by those families who are in a financial position to do so. Often the kwangkay is carried out by several families working together. It is connected with the secondary burial of the bones, two years after a death. Kwangkay takes place over 3 times 7 days. It consists of dances, music, and the penyebtahgih and penuing which are sung texts. It consists of a dialogue between the family and the soul of the deceased. Subject heading: Kutai; Kalimantan Timur; Benuaq; funeral rituals; oral literature; Indonesia Request number: TA 5611 [K162C] Note: This is an article. Please request journal. Wassalam, Suryadi --- Pada Jum, 9/4/10, andi ko <andi.ko...@gmail.com> menulis: Dari: andi ko <andi.ko...@gmail.com> Judul: [...@ntau-net] Baliakpapan Jo Samarinda Kepada: RantauNet@googlegroups.com Tanggal: Jumat, 9 April, 2010, 9:23 PM Sanak Palanta Mangalah nagari banamo Baliakpapan, ba Penajam Pasia Utara di mungkonyo, bialah takuik bukan buatan, dek tajamnyo kasiah basonsong juo Balaikpapan sanak, koto tanamo, ibaraik buruang balam si pulau borneo, baliakpapan ado di dadonyo. Kutiko maso antah barantah, bakuaso rajo di tanah Pasie, namun malang indak dapek ditulak, mujua indak dapek diraiah, tibolah musuah bak cando topan, datang malendo si karajaan. Dek kasiah ka puti surang, anak nan baru manateh ka ateh dunie. Antah apo nan ka tajadi, kutiko puti jatuah ka tangan musuah. Sahinggo jo tangih anak dilapeh, dihanyuikkan di papan salai. Disinan takadia Allah nan balaku, salamaik badan dari galombang, dianta riak ka tanah tapi, tanah itu kini banamo Balikpapan. 18 Febuari 1897, disinan partamo sumua digali, manuruik pituah nan tuo-tuo, yo dek rasaki nan ka tibo, sumua di gali minyak nan timbua. Sahinggo ramilah urang di Samboja, Sanga-Sanga jo Muaro Badak, ramilah pulo datang urang panggaleh, galeh kumango jo lapau nasi, tapancang pulo, antah tapancang pulo sandiang rumah gadang, dek si buyuang urang pajalan. Kasinan sanak langkah ka diayun, kasinan selo ka diurak. Tapi sungguahpun mode itu, nan Balikpapan tampek lalu sajo, Sepinggan palabuhan kapanyo. Tigo jam dari sinan ba bendi bugih, tagaklah koto gadang banamo Samarinda, ba Mahakam diantaronyo, kasinan tapatan pasinggahan, maminteh jalan bukik Suharto. Kok Mahakam nan ka dibaco sanak, batang ayia gadang panjago zaman. Disinan tumbuah nagari Kutai, nagari tamasua sajak dahulunyo. Mulai sajak Kutai Martadipura (sekitar tahun 350-400) dan sampai ka maso Kutai Kartanegara (sekitar tahun 1300). Jikok sanak lai barasaki, lapehlah sanjo di tapi Sungai Mahakam, lapeh sanjo jo jaguang panggang, atau kok musim lai sadang elok, basuo sanak jo durian, kamek nan alang mangupalang, raso nan tingga di rangkungan. Kasinan sanak dagang nak lalu, manggeso rabab di koto tuo, untuak kok lagu lai katuju, ta campak juo si kepeang benggo. Salam Andiko Sutan Mancayo -- . -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
