Andiko, Kalau di Maninjau, nan ni Rita tahu adolah acara 'batagak kudo-kudo'. Mungkin bisa samo, mungkin pulo ba beda. Ambo ndak tahu pasti... Sabab kalau naiak kudo-kudo, berarti 'kudo-kudo' nyo tu lah tapasang?
Tapi kalau 'batagak kudo-kudo' di Maninjau, dulu upacaranyo yo pas managakkan kayu 'kudo-kudo' tu bana. Ado mando'a saketek, minta berkat ka Tuhan Allah, agar kalau rumah ko lah salasai dan siap di huni, penghuninyo mendapat lindungan dari Allah SWT. Tapi kini nampaknyo urang mambangun rumah, katiko managakkan kudo-kudo tu, indak babuek acara sarupo dulu bana lai doh. Katiko dindiang lah sudah, tingga ka mamasang karangko atok, urang kini banyaknyo 'biaso-biaso' se nyoh... :) Artinyo kalau dulu, jiko ado urang nan ka 'batagak kudo-kudo' tu, urang sakampuang pasti tahu, dan datang ka 'calon' rumah baru tu, karano itu dianggap acara nan cukuik penting... Nan takana di ambo dulu, kalau ka batagak kudo-kudo tu, urang akan mancari ayam nan paling gadang dan sehat. Kalau batanyo urang: Untuak apo? jawabnyo: untuak batagak kudo-kudo :) :) Barang-barang nan lain nan disiapkan untuak acara 'batagak kudo-kudo' ko, iyo lupo ambo. Insya Allah, kalau ambo pulang ka Maninjau minggu bisuak, ambo cubo tanyo baliak ka urang tuo-tuo di kampuang, baa pelaksanaannyo, apo syarat-syaratnyo, dan apo pulo 'makna' nan tasirek didalamnyo... :) Salam, Rita Lukman ------------------------ Pada 9 April 2010 18:58, andi ko <andi.ko...@gmail.com> menulis: > Sanak Palanta > > Takana dek ambo acara adat naiak kudo-kudo rumah baru di kampuang. Seluruh > mamak-mamak bakumpua langkok jo pangulu kaum jo mamak jurai. Nan tuan rumah > siap jo sagalo masakan. Salain itu, alat-alat nan diperlukan adolah : > > pinang satandan, > ayam sapasang, > nasi lamak, > telur, > beras segantang, > kain putih, > pisang batu > karambia duo > > Pinang satandan jo anak pisang batu sarato jo anak karambia, di gantuang di > kudo-kudo. Kain putiah setelah di rajah dek urang surau, di pasang di > pertemuan kudo-kudo. Samantaro ayam di potong di darahi. nasi lamak jo talua > malangkoi. Acara sungguah meriah, karena rami dunsanak tibo. Tapi nan > manjadi buah tanyo sampai kini, perlambang apo nan di wakili dek pinang, > anak pisang batu jo karambia nantun. Manga pulo harus di gantuang di > kudo-kudo. Adokah dunsanak nan bisa menerangkan ? > > Salam > > andiko sutan mancayo > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
