Mak Abraham yth dan dunsanak di palanta
Salamo ko di Tambo dicuritokan bhw niniak muyang urang Minang masih katurunan Iskandar Zulkarnain. Ruponyo sasudah dibaco-baco, nan Iskandar ko sabananyo indak samo urangnyo jo Zulkarnain nan ado tatulih di Al Quran tu do. Iskandar iko memang penamaan lain utk tokoh Al-Exander atau lengkapnyo Iskandar Agung/Alexander The Great. Konon kabanyo, Alexander The Great (abad 3 SM), nan anak dari Philipus, rajo Makedonia (kudian jadi Yunani dan masuak ka Romawi) ruponyo maningga dalam usia mudo, sekitar 30-an atau 40-an tahun. Antahlah lai sempat liau ko berkeluarga antah indak. Liau maningga dek disarang Malaria di daerah India. Jadi kalau dikaik-kan jo curito Tambo bhw Iskandar ko baranak batigo : Maharajo Dipang (ka Tiongkok/Cino), Maharajo Alif (ka Ruhun/Romawi) dan Maharajo Dirajo (ka Andaleh/Sumatera). Iyo dak basobok nampaknyo titiak suonyo do. Samakin mampakareh mitos Tambo sajo. Kamudian satantang Zulkarnain (Dzul Qarnain) nan disabuik dek Al Quran, secaro harfiah aratinyo adolah "Nan Batanduak Duo". Nan bisa diaratikan malambangkan mahkota (mangkuto)nyo manyarupoi "duo tanduak" sebagai symbol pemersatuan Barat jo Timur. Mgkn disiko latak persamaannyo jo Alexander the Great yaitu samo2 barambisi manaklukkan dunia barat jo timur. Perbedaan kaduonyo adolah si Alexander ko panyambah barahalo (pagan), samantaro Zulqarnain ko urang bariman dan saliah. Zulqarnain disabuik-an bahaso liau ko ado mambangun Tembok Basi satinggi Gunuang utk ma-isolasi duo bangso : Ya'Juj dan Ma'juj (Gog and Magog) sahinggo hari kiamaik nanti. Si Alexander dicuritokan pulo bahasonyo liau ko indak ado mambangun Tembok Basi tu do. Jadi samakin tarang kironyo siapo tokoh nan dimitoskan dalam Tambo kito tu. Sakian sekedar sharing sajo. Salangkoknyo bisa dibaco di : - http://yulian.firdaus.or.id/2004/11/19/alexander-the-great-vs-iskandar-z ulkarnain/ - http://kafilahsyuhada.wordpress.com/2009/04/21/alexander-the-great-vs-is kandar-zulkarnain/ Wassalam smm ________________________________ From: rantaunet@googlegroups.com [mailto:rantau...@googlegroups.com] On Behalf Of Abraham Ilyas Sent: Tuesday, April 20, 2010 9:45 PM To: rantaunet@googlegroups.com Subject: Re: [...@ntau-net] SAJAK PALSU Malin Marajo dan dunsanak di palanta yth. Katonyo, curito sejarah itu lamak dibaco oleh urang urang nan menang, sedang mitos itu lamak didanga oleh urang urang nan kalah di dalam pergumulan/persaingan peradaban di dunia. Sedangkan keduo "bentuk" tulisan tersebut, ditulih oleh para penulis nan pintar pintar yang patut kito hargoi hasil karya mereka. Kalah dan menang adolah adat juaro. Jadi kok awak hanyo mengalami satu kondisi sajo, mako tantu indak bisa dimasuakkan ka dalam kelompok juaro (peradaban !). Jadi manuruik ambo, kito indak paralu menafikan adonyo mitos tersebut sepanjang tidak merugikan diri dan orang lain. Salam dan maaf bilo indak sapandapek jo pandapek ambo. AI -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
