Mamak TR Raso tabayang mamak sadang mangalai-ngalai di Baliakpapan, pastilah sero. Kalau tipak diambo kok ado kesempatan mode itu, alah ambo hunting coto jo konro. Itu bana nan katuju. Kalau lai talakik, pailah mamanciang ka taluak Baliakpapan, diseo parau ketek dari urang bugih, ma tahu paruntungan lai elok, di ganjua joran itu dek ikan gadang. Tapi nan pasan niniak kito, kalau mamanciang nak, janlah sampai tukang panciang dilarikan ikan. Baitu bana pantangan mamanciang mak.
Batua yang mamak curahkan di bawah, disituasi abu-abu, banyak tampek saliang mamakan, hanyo hukum rimbo nan balaku disinan, baik di tipak perusahaan ataupun antu-antu di kampuang-kampuang. Itulah dunie nan ka diadoi. Kekhawatiran ambo adolah mengenai paruntuangan generasi salanjuiknyo nan iduik di kuliliang investasi itu. Dek datang "demam pitih banyak" gara-gara ganti rugi dan sebagainyo, baganti sakali gaya iduik, ba honda kuliliang kampuang ndak tantu ojok, abuak di cat merah satangah, sarawa baganti jo "Lepis-Tambilahan", duduak nongkrong sajo karajonyo. Nan plasma di bagi, baru daftar namo nan kalua, nan punyo indak awak lai, baganti sakali kabun nan alun jaleh ko jo sagalo macam nan gaya-gaya. Tapi ado pulo nan malang nasipnyo, di jua tagak dek urang, malam-malam kabun kanai gusur, kabun gatah nan ka pasikolahan anak. Ambo sadang manunggu pesawat conecting dari Palangkaraya ka Ranah Bundo di EL Garudo di terminal duo. Sambia ma esok-esok tangguang timbakau nomor 9, agak dek ratuang iduang urang deknyo. Oh yo, apokah ado informasi, bisakah kito lewat dari Padang lalu ka Silaiang-Lembah Anai kini ko, kalau lalu malam laikah aman ?. Tibo di ranah, rencananyo ka manjinguak tapian mandi sabanta ka "Sungai Tarab Salapan Batua, Nan Ba Kapak, Ba Radai, Ba Katitiran di Ujuang Tunjuak". Taragak mairuik Kopi Daun angek palawan dingin nan dihidangkan di tampuaruang di Balai Raba'a. Baa gaati mamak, da Jepe, sanak palantan jo reni nan nak gadih rang Gurun, tetangga nagari ambo, lai taragak mairuik kopi daun angek di tampuruang, sambia menikmati dingin segarnyo pinggang gunuang marapi. Kok lai, uraklah selo, puta stiur, kok dari parak jua mambelok ka kida, kok dari baso, turun sajo manuruik jalan. Salam Andiko Sutan Mancayo Pada 25 April 2010 08:25, <taufiqras...@gmail.com> menulis: > Soal mambuek lapau didalam toko iko... > Ambo lumayan kanyang ma adok-i nyo > > Apo lai networking mereka nan di grey area iko lumayan tangguh > Baiak jo aparat nan diservice melebihi kaidah dari perusahaan atau informal > leader nyeleneh nan selalu ditumbuhkan mereka > > Sebab indak kasadonyo informal leader nan sabana mangamukokan aspirasi > rakyat badarai. Cukuik banyak nan punyo agenda tersembunyi > > Sayangnyo semua itu kadang direkayasa ditempat remang-remang. Sahinggo > banyak pitih setan nan dapek itu habih dilutok hantu > > Kehidupan duniawi mereka lumayan ..bak selebrity > > Cukuik banyak data confidential mengenai daerah yang akan dibebaskan dapek > dek mereka. Sahinggo didaerah nan mulonyo cuma semak belukar dalam waktu > singkat lah tumbuah pisang,jariang, durian, dan batang sawit nan langkok jo > rumah. > Iko tingga maetong sajo lai nilai ganti ruginyo berdasarkan koefisien nan > alah ado di Kabupaten > > Saking canggihnyo mereka ambo pernah diingekkan GM supayo jan berlaku > sebagai nan menghalangi proyek perusahaan > > Tapi kemudian terbukti juo ado berbagai rekayasa itu > > Baitu juo berbagai rekayasa claim masalah polusi misalnyo > Walaupun lah dikatangahi pihak katigo semacam Bapedal dan Universitas. > Banyak juo nan ber akhir dengan "POKOK NYA" > > Awak dilapangan kadang cuma sebagai pemadam kebakaran sajo. Karano banyak > rekomendasi untuak usaha preventif diabaikan > > Baa kesibukan sanak kini Ambo ..duo hari ko mangalai-ngalai sajo di > Balikpapan. Sesudah tigo hari mancigok ka lapangan > > Sabalunnyo saminggu di Jogja -Solo. Sempat juo week end ka Batawi. Sayang > diacara Cimbuak lah talambek ambo datang. Tapi cukup berkesan juo > > Salam > TR > Sent from my BlackBerry® > powered by Sinyal Kuat INDOSAT > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
