Etek jo mamak-mamak di lapau kasadonyo, Sato ambo sangenek,
Nan partamo, ambo sasuai bana jo pandapek mak Masrur Bandung, Kajadian ko simalakama memang, karano JL ko mambuek perjanjian taun 2003 untuak bakarajo sbg CS. Kalau baliau ko dapek ijin belajar, mako indak ado haknyo untuak penyesuaian golongan, salanjuiknyo tingga jo kebijaksanaan pimpinan nyo, kok lah disasuaikan golongannyo ateh usulan pimpinannyo, ambo kiro lah sangaik bijaksana pimpinannyo tuh, dan kalau tugasnyo indak disasuaikan jo golongan itu hal nan kaduo, nan indak salalu sairiang, apolai lah ado klausul perjanjian taun 2003. Hal iko indak tajadi di nagara awak sajo doh, ambo mancaliak bana kutiko ambo sikola di prancis, asisten pembimbng ambo, walaupun nyo lah berprediket doktor (lulus dengan penghargaan), tapi dek wakatu masuak bakarajo nyo mambuek surek perjanjian sbg teknisi, makonyo indak mandapek hak sbg peneliti doh, sakalipun karajonyo sahari-hari dapek difungsikan dek direktur lab sbg peneliti dan sbg asisten direktur. Nan kaduo, kanyataan di nagari awak ko, di sawah ambo di rantau sby ado juo kajadian sarupo, saurang pagawai ditarimo tamaik smp untuak CS, sambia karajo, nyo sikolah sore sampai sarjana dengan status ijin belajar, karano bagaimanapun pimpinan punyo tanggungjawab untuak meningkatkan kemampuan SDM nyo. Kutiko nyo sarjana (kabatulan dari univ swasta), nyo manuntuik ditingkatkan statusnyo nak manjadi dosen (sangkek tu lun ado aturan kalau dosen harus s2), tapi dek pimpinan yo ndak nyo kabulkan doh, sekalipun indak ado perjanjian. Dari kaduo kajadian ko, manuruik ambo : - kalau awak lah mambuek janji untuak indak manuntuik jabatan, tibo2 kutiko jadi sarjana (lulus dg CL) manuntuik jabatan ditingkekkan, rasonyo gak cacat sacaro hukum. Jalan kaluanyo : kalau JL ko maraso indak sasuai karajo nyo jo ijazahnyo, mangundurkan diri sajo, sahinggo hapuih perjanjian 2003 tu, cari karajo lain dengan modal ijazah berprediket Cum Laude tuh, ambo raso kalau kemampuannyo selaras jo ijazahnyo, mungkinnyo dibutuhkan dima-dima. - awak nan di lua, tamasuak kawan2 media, indak paralu lo ma angek an saluang doh, bahaso iko sebagai ketidakadilan, kalau keadilan tantu harus dicaliak dari kaduo sisinyo, jan asa manyalahkan sajo pimpinannyo, caliak lo posisi kasalahan anak buahnyo sakitu sajo, mungkin indak manayangkan untuak kasado pihak, tapi itu opini ambo, maaf kalau ado nan tasinggunag salam, perry burhan imam sati 51 tahun - rantau surabaya -- R. Y. Perry Burhan Laboratorium Geokimia Organik Institut Teknologi Sepuluh Nopember Surabaya Kampus ITS Keputih Surabaya 60111 Tel. +62 31 594 33 53 Faks. + 62 31 592 83 14 Tel. portatif +62 816 54 12 100 -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe