Assalamualaikum wr wb
Mak Masdar TGM nan ambo hormati, tarimo kasih atas raso picayo nan alah dibarikan pado ambo nan mudo ko. Namun, kok masalah pitih - pitih, iyo indak talok diambo mamaciknyo doh. Labiah rancak disarahkan pado nan labiah tuo di palanta ko, dek manuruik ambo banyak nan labiah layak untuak urusan nan seperti itu. Kok dimintak bakarajo, iyo itu bana nan katuju di ambo, apo lai untuk kemaslahatan nagari - nagari di ranah minang, insya Allah ambo siap kapan sajo. Satantang kebutuhan dana ambo raso iyo paralu bana dibantu jo urang rantau. Salamo nan ko satiok hari memang banyak wali nagari jo KAN nan manelpon mananyoan KKM nan insya Allah ka diadokan 30-31 Oktober 2010 mandatang. Sasuai jo informasi nan ambo tarimo dari pak Saaf jo sekretariat KKM di Jakarta, selalu ambo sampaikan ka wali nagari jo KAN nan manelpon bahwasanyo salamo acara KKM seluruh akomodasi peserta ditangguang jo panitia. Untuak transportasi pulang pai dari nagari masing-masing ka Bukiktinggi sampai kini kaputusannyo memang ditangguang masing-masing peserta. Untuak kab. Pesisir Selatan, Solok Selatan jo Dharmasraya memang agak tabarek dek karano lataknyo jauah dari Bukiktinggi. Mudah-mudahan persatuan wali nagari jo LKAAM kabupaten bisa mambantu masalah iko, namun ambo kiro alun ado kordinasi. Sebagai tambahan informasi, kapatang ketua Persatuan Wali Nagari Kab Agam (Wali Nagari Sungai Pua - pak Feri Andrianto) alah manelpon bahwasanyo seluruh utusan nagari di kab Agam akan hadir KKM, kecuali utusan Nagari Pasia - IV Angkek nan memang mendukuang untuak menolak KKM. Baitu pulo nan disampaikan ketua Persatuan Wali Nagari kab Pasaman (Wali Nagri Pauah - Raymon Andesta) jo ketua Persatuan Wali Nagari kab 50 (Wali Nagari Sarilamak - Budi Febriandi), dari hasil pertemuan rapat koordinasi antar wali nagari di masing - masing kabupaten. wasalam AZ - 32 th Padang NB : untuak angku, mamak, bundo sarato dunsanak sapalanta rantaunet nan membutuhkan no Hp ketua persatuan wali nagari se Sumbar (kecuali Pesisir Selatan - sabab alun dibentuk kepengurusan nan baru) silahkan menghubungi via japri. Berikut ambo sertakan akun facebook beberapa ketua persatuan wali nagari di Sumbar. Feri Adrianto (Nagari Sungai Pua - Agam) http://www.facebook.com/profile.php?id=1432779426 Budi Febriandi (Nagari Sarilamak - 50 Koto) http://www.facebook.com/profile.php?id=1579602462 Raymon Andesta (Nagari Pauah - Pasaman) http://www.facebook.com/profile.php?id=100000972946252 Ali Sabri Abbas (Nagari Bidar Alam - Solok Selatan) http://www.facebook.com/profile.php?id=100000008290107 ________________________________ Dari: Masdar TGM <masdar....@gmail.com> Kepada: rantaunet@googlegroups.com Cc: masdar....@gmail.com Terkirim: Kam, 23 September, 2010 20:23:21 Judul: [...@ntau-net] Galang Dana Untuk Peserta KKM, Mungkinkah? Assalamualaikum WW Rang balerong nan ambo hormati, baik nan setuju KKM maupun nan indak satuju KKM. Terlepas dari apopun nan akan dihasilkan lewat KKM, apakah itu nantinya bernilai besar ataukah kecil, apakah itu nantinya aplikatif ataukah tidak aplikatif, nan pasti bagi kito masyarakat egalitarian, yaitu dengan terlaksananya KKM itu sendiri merupakan bukti sahih bahwa ranah bundo sangat welcome terhadap indahnya berbeda-beda di antara cucu kamanakan, baik yang di ranah maupun yang di rantau. Sajak dahulu, semangat kebersamaan menjadi tumbuh semarak harum semerbak justru berawal dari "basilang kayu dalam tungku". Filosofiko seharusnyo kito paliharo basamo-samo. Namun kini, barangkali ironis, lah basuluah matohari bagalanggang mato nan banyak, kito saksikan bhwa salah satu pimpinan pemerintahan provinsi dengan sangajo dan penuh kesadaran mamintak masyarakat agar indak menghadiri acara KKM. Baliau terkesan sangat sampik dado terhadap beragamnya aspirasi di masyarakat. Ringkasnyo, barangkali kito-kito nan terkenal di lua provinsi sebagai masyarakat egalitarian, banyak saketeknyo maraso kecewa dengan sikap "sang bapak". Kito tidak tahu persis apokah ado tando-tando "he is not him any more". Supayo labiah ringan langkah panitia dalam rangka manyemarakkan acara KKM, apakah tidak sebaiknyo kito cubo menggalang dana untuak mengantisipasi financial problem ratusan bahkan mungkin ribuan peserta dari nagari-nagari dan jorong-jorong nan kabatulan agak "senteng" soal transpor pp Bukittinggi ditambah biaya makan serta nginap di Bukittinggi. Maklumlah, para sanak kito dan mamak-mamak adat di seantero ranah bundo, indak kasadonyo nan bapitih banyak, masih ado nan iduik pasa-pasan. Untuak urusanko, tampaknyo sanak kito Armen dapek bana kito andalkan. Mohon tanggapan dari kito basamo, tarimo kasih banyak Wassalam, TGM,Bkl,50 -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.