Iyo bana tu, mamanda. Tarimo kasih banyak. Mamanda Saaf jo rang balerong kasadoalahe, Kalau jo caro awak salamoko, duduak surang basampik-sampik, duduak basamo balapang-lapang. Baitulah biasonyo kito marasokan, apolagi bagi kito nan malatakkan kato basamo sebagai kato masyarakat, kato masyarakat kato Tuhan.
Kalau jo diri surang sajo mahadok-i dunia ko, tantu taraso barek, tantu sampik jo caro duduak saromantu, lah gamang pulo diri kalau-kalau langik runtuah, lah randah rasonyo langik kecek rang tuo-tuo awak. Raso-rasonyo, kalau kito basamo iyo bana nak sadanciang bak basi, saciok bak ayam, mamanda, TGM maraso kito sacaro basamo-samo harus barangkek dari titik nan samo, yaitu dari titik di mano dado kito masiang-masiang saraso satu, sahinggo indak ado nan maraso labiah di antaro kito. Sabaliaknyo, kalau awak sajo nak badansanak jo nan lain, sadangkan kito-kito ko indak pernah dianggap dunsanak dek nan lain, kito-kito ko bagi mereka adolah URANG LAIN, tantu proyek gadang kito nan mendesak adolah maubah prinsip mereka-mereka nan indak namuah badunsanak tu supaya pado gilirannyo nantik namuah badunsanak jo awak, namuah sakampuang jo awak, namuah sanagari jo awak. Aratinyo, Minangkabau inyo Minangkabau awak juo, Minangkabau kito basamo-samo. Kalau kito sasamo kito nan mampasabuikkan Minangkabau, ijan ado juo kalua kato manggisia, jalan dialiah URANG LALU. Mamanda dan rang balerong kasadoalahe, perjalanan sejarah ranah bundo nampaknyo mulai mampasampik caro bapikia generasi kito dari waktu ka waktu, lah mulai ado nan bataruih tarang mangecek BAKAMI-KAMI satantangan urusan Minangkabau, padohal alangkah eloknyo, alangkah indahnyo kalau kito mampakecekkan hal nan iko dengan semangat BAKITO-KITO. Kini, sia di antaro kito nan namuah bapaluah-paluah baabih hari ka ilia ka mudiak bantuak nan dikarajokan sanak Armen sahinggo pado gilirannyo nantik seluruh cucu kamanakan di ranah maupun di rantau marasokan baraso kito memang badunsanak, kito sadado, sahinggo suatu saat nantik kito dengan rela bakumpua, duduak baselo basamo-samo, dengan semangat BAKITO-KITO. Sagitu dulu mamanda, mohon maaf lahia jo batin. Wassalam, TGM,Bkl,50 ================++++++++++++++=============== Pada 13 November 2010 08.25, Dr Saafroedin Bahar < saafroedin.ba...@rantaunet.org> menulis: > Sanak Masdar TGM, samo perasaan kito tumah. Masalahnyo kini: baa caro > mamelokinyo baliak ? Apo indak paralu kito duduak sameja mambicarokannyo ? > > Saafroedin Bahar. Taqdir di tangan Allah swt, nasib di tangan kita. > ------------------------------ > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
