Antahlah, iyo gak rumik ko. Tapi kadang-kadang iko mungkin takaik juo dg senjang budaya menyangkut perlakuan ka binatang, tamasuak binatang nan dipotong untuak dikonsumsi. Soal perlakuan terhadap binatang jaleh beda jauah antaro nagari awak ko jo nagari2 maju bantuak Australia. Di TV Ulando lah gak lamo ado iklan untuak mangumpuakan pitih guno mambantu marawat anjiang2 di Bali, tarutamo nan kanai rabies. Iko terkait jo kejadian baru2 ko di Bali dimano anjiang nan kanai rabies ditembaki jo zaman petrus sajo, bangkainyo bagalimpangan di jalan2 desa maupun di kota. Dalam bahaso awak sendiri kato MATI ANJIANG lah dijadikan samacam ucapan untuak menyatakan kekesalan. Lumayan banyak kepeng dapek, sumbangan masarakaik Belanda, dan disumbangkan ka Bali. Dalam program tv ado doktor binatang volunteer nan pai ka mano2 negara untuak membantu perawatan binatang. Kapatang tadaruah ati ambo wakatu mambao anak main2 di taman. Di situ basobok ambo jo sorang Ibu nan punyo duo ikua anjiang kenek. Anjiang ko kaduo2 e lepei kaki balakangan e. Tapaso di pinggang kaduo anjiang ko dipasang semacam roda untuak menggantikan kaki balakang anjiang nan lepai tu. Dek ado roda tu, kaduo anjiang ko dapek bajalan di taman, basenda gurai jo bola nan diloncek2'an dek tuannyo. Tabayang dek ambo, kok kaduo anjiang lepei ko iduik di Sunua, alah lamo mah wee jadi bangkai. Jadi...antahlah...apokoh soal sapi Australia ko soal politik dagang atau campua lo soal budaya memperlakukan binatang. Tapi kalau diingek2 kasus bantuak sapi sabalun dipotong lalu dipaso minun aia sabanyak2 e, supayo dagiang e gambuang dek aia (pernah marak babarapo waktu lalu, ambo lupo apo istilahnyo ko: dagia?????), memang ngari awak. Baralah kataseso jawi tu sabalun didabiah. Tabayang dek awak, wak dipaso minun aia sahinggo gambuang paruik...malempah aia dalam tubuah sampai mangganang ka paru2 bagai. Ambo paliang binguang kini jo anak kalau pulang. Inyo trauma kalau maliek urang mambantai ayam, mambantai kambiang, atau mambantai kabau di hari rayo. Bisa ndak makan wee, murung. Inyo bacito2 jadi dierenverzorgen (perawat binatang). "Ele wakau ko? Kok cito2 jadi perawat binatang? Urang bacito2 jadi insiyur, dotor, dll.", kecek ambo. "Toh...kalau itu pilihan dan awak enjoy, ka dek a pulo nyeh", kecek e (bahaso awak e). Anak umua 10 tahun. Jadi, soal mandabiah binatang ko, iyo mandamam nyo maliek. Soalnyo.. inyo hampia indak pernah maliek ladiang atau sakin manggodoh lihia binatang lalu mancorek darah. Di Ulando inyo hanyo maliek dagiang barasiah di toko dagiang (lah indak badarah lai). Proses mambantai jawi atau kambiang tu indak pernah nyo liek doh dan memang ndak buliah dilakukan di lapangan terbuka, tamasuak di hari rayo di kalangan umaik Islam bantuan urang Indonesia, Maroko, Turki dll. Mandabiah binatang di lapangan terbuka potensial mambao panyakik, tarutamo karano darah bateba2. Tapi iko mungkin masalah pribadi sajo. Wassalam, Suryadi
--- Pada Sel, 14/6/11, Eri Bagindo Rajo <siano...@yahoo.com> menulis: Dari: Eri Bagindo Rajo <siano...@yahoo.com> Judul: Bls: [R@ntau-Net] Pembantai Sapi di Indoneia kejam? Kepada: rantaunet@googlegroups.com Tanggal: Selasa, 14 Juni, 2011, 9:11 AM Ado nan ba pandapek iko adolah masalah Politik dagang/BUSINESS jo Australia. Kito antaro lain maimport buah2an, daging beku dan productnya sarato sapi/taranak hiduik (sapi untuk di gemuk an lalu di potong). Permintaan/kebutuhan sapi dalam negeri Indonesia tetap malah cendrung naik. Dengan demikian jika suplai sapi bakalan di kurangi, otomatis permintaan import daging beku akan meningkat, itu adolah estimasi pihak Australia. Baa lah politik dagang Indonesia terhadap strategi Australia ko tantu Mentri Perdagangan RI nan paling berwenang. Analisa posisi perdagangan RI - Australia manjadi penentu kebijakan Indonesia terhadap keputusan stop ekspor sapi hidup ke Indonesia. Mungkin Import sapi dari negara lain, mungkin menggiatkan peternakan lokal, mungkin memperbaiki hal hal yang di protes Australia. Atau kito balas dengan menyetop seluruh import buah-buah an dan Susu dari Australia. Kalau istilah urang, di pakai lah teori Sun-Tzu dalam International Trade policy EBR 53,jkt Dari: Reni -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
