Da Riri and Mc Jep,
Palangkin ko samo jo Ter mah ndak? Dulu kalo lah mambuek jalan aspal caia nan dimasak di dorom2 minyak tanah nan dilatakkan rabah, trus diganja jo batu suok kidanya. Bamasak di tiok 10 meter di sapanjang jalan dimuko rumah ambo dulu, jalan ko adolah jalan alternative antaro Jalan Raya By Pass jo jalan veteran via Gulai bancah Bukittinggi. Waktu tu sekitar tahun 1985 ambo kelas 2 SD. Ambo salalu ditagahan mandakek ka jalan dek Ter tu sabana angek, malapuah kulik kok kanai kalatiak an Ter tu. Serunyo, Ter tu alah manggalagak di dorom disauak jo sanduak batangkai panjang dibuek dari kaleng biscuit nan dilubang-lubangi jo paku ikuanyo sahinggo katiko diauak, manitiak-nitiaklah Ter cako. Dek tukang pambuek labuah tu dititiak2kan Ter ko ka batu2 karekel kasa2 nan alah ditakan dek Oto nan baroda basi gadang tu, a namo no duh, lupo eh.. alah garan namono duh. Katiko jalan alah salasai dibuek, kami mulai buliah bajalan-jalan di jalan baru tu sasudah hujan labek turun mandinginan labuah. Tapi katiko matoari sadang diubun2 ado nan manggalagak Ter ko baliak. Sero bana mancukia Ter nan lunak tu dibuek galanglah, ula-ulaan lah. hehehe. Ups lah banostalgia lo ambo. Wassalam Rina -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
