Waalaikumsalam w.w. Pak Darul,
Ambo satuju. Indak macet doh, tapi taranti. Faktor panyababnyo ambo satuju
juo, yaitu karano kaduo balah pihak nan bawacano sarik bana dakek mandakeki,
nan manuruik istilah urang kampus, karano indakado kasamoan 'frame of
reference'.
Jadi mungkin baiak untuak samantaro 'kito parambunkan dulu, naknyo kariang'
bak nyanyo niniak muyang kito juo. Basaba malah kito dulu.
Wassalam,
Saafroedin Bahar.
Darul M <[EMAIL PROTECTED]> wrote:
Assalamualaikum WW
Pak Saaf,
1. Langkah gadang patamu iyo alah jaleh, bisa diurai dan disupakati di milist
makitam@yahoogroups.com dan [EMAIL PROTECTED]
2. Langkah gadang kaduo, iyo sabana gadang, dan harus memaralukan tanago dan
tanago pikiran nan indak ketek. Sudah itu harus juo dibicarakan jo dado nan
lapang dan logika nan tinggi. Dek iko iyo mambicarokan duo tompak bapijak nan
babeda.
Sarancakno, iyo indak dibicarokan di milist rantaunet, dek disiko adolah
saroman lapau. Hota patamu bisa hilang lanyok, kalau alah adolo hota barikuik
nan manarik perhatian urang banyak. Jikok iko diseriuskan di milist rantaunet,
mako masalah wisata akan hilang dari peredaran. Iko manuruik pandapek mbo dan
pengamatan mbo nan singkekko.
Pak Saaf menyingguang pembicaraan dibilak [EMAIL PROTECTED] alah macet, nan
sabanano dek ambo indak macet doh, tapi taranti. Manuruik pengamatan ambo
taranti no, dek manuruik sarjana Islam (SI = nan ikuik badiskusi di milist
tu) dalam Islam indak ado doh pusako tinggi, saluruh harato harus dibagi abih
manuruik nan ado di al Quran. Manuruik nan lain harato pusako tinggiko bisa
ditarimo, iko bisa diibaraikan harato negara, harato kerajaan. Sahinggo suku
bisa dianggap saroman kerajaan ketek, nan mampunyoi harato pulo. Siharato iko
hanyo bungono (hasiano) nan buliah diambiak dek anak kamanakan. Kalau nan
induakno iyo harus diturunkan kakamanakan dst.
Kalau iko bisa dirumuskan, rasono nan lain bisa pulo diansua. Tapi kalau alah
batahan dilogika sandiri, tanpa bisa menelaah logika nan lain, kadang iyo susah
untuak disatukan. Atau memang awak alah manayarah indak bisa disatukan?
Eh pak Saaf, milist [EMAIL PROTECTED] indak milist ambo doh, tapi ambo nan
mambuek di yahoo, dek ambo raso dibutuhkan. Walau yahoo manyabuik ambo owner.
Dan milist nan duo lai [EMAIL PROTECTED] dan [EMAIL PROTECTED] kecek yahoo ambo
ownerno, tapi diawak kan indak baitu. Sebagai owner dan moderator itu kan hanyo
karano kesediaan sajo. Malah di rantaunet ambo satolo jadi tukang gili didapua.
Wassalam WW
Darul St.P
---------------------------------
From: [EMAIL PROTECTED] [mailto:[EMAIL PROTECTED] On Behalf Of Saafroedin
BAHAR
Sent: Tuesday, February 06, 2007 9:35 AM
To: palanta minang; Masyarakat Peduli Pariwisata SUMBAR
Subject: [mappas] Duo Jinih Langkah Gadang Kito Warga Minangrantau.
Assalamualaikum w.w. para dunsanak sa palanta,
Ambo yakin bahaso kito para perantau salain maraso basyukur juo sabana
tacangang mancaliak perkembangan minat dan sumangaik kito untuk mandorong
pambangunan Ranah Minang dalam wakatu tigo ampek bulan ko. Dari wacana nan
bakambang sacaro pelahan-nampak nampak ado duo masalah dan langkah gadang nan
sadang kito tangani kini, sabagai barikut. .
1. Langkah Gadang Paratamo: Wisata Pulang Kampuang 2008.
Bamulo dari gagasan pak Chaidir untuak sakadar manyalamaikkan kareta api jan
sampai mati di Sumbar, dikambangkan manjadi gagasan mangorganisasikan kareta
api wisata atau wisata kereta api dek para pancinto fotografi dan kereta api
sarupo pak Yulnofrins Napilus, Kurnia Chalik, sarato Nova Prima dan para
dunsanak nan lain, kudian dilambuangkan dek Adinda Ajoduta jo rencana PMB2008,
dan disambuik spontan dek Pak Gubernur kito, Gamawan Fauzi. Hasianyo sacaro
konkrit bukan main. Iko nan ka kito cubo mangkonsolidasikan dalam rapek hari
Jumaik sore nantik.
Raso-rasonyo kini sacaro rasional sabagian gadang masalah nan takaik ko
Langkah Gadang Paratamo iko alah dapek kito identifikasi, dasar-dasar karangko
acuan jo program aksi alah kito buek, panguruih bayangan di dalam nagari jo di
lua nagari alah nampak-nampak pulo di mato. Kito alah mambantuak MPKAS -- dan
insya Allah MAPPAS nan alah mulai bakarajo langsuang, tamasuak mambuek milis
makitam@yahoogroups.com jo [EMAIL PROTECTED] Satu banang merah nan nampak
jaleh dari :Langkah Gadang Paratamo iko adolah sagalo atau sabagian gadang
kito nan talibat adolah apo nan dapek kito sabuik sabagai warga Minangrantau
nan tingga di kota-kota, dan sabagian gadang pulo tamasuak orang profesional.
Bara juo bareknyo masalah bisa kito tangani sacaro capek, efektif, efisien.
2. Langkah Gadang Kaduo : Sato Sakaki dalam Perumusan Jati
Diri Minangkabau: Adat Basandi Syarak, Syarak Basandi Kitabullah (ABS SBK).
Langkah Gadang Kaduo iko takaik sacaro indak langsuang jo Langkah Gadang
Paratamo di ateh, karano baa juo akan manyangkuik hubungan antaro para Dunsanak
warga Minangrantau nan ingin pulang basamo jo dunsanak kito Minangranah nan
kamananti. Dalam hubuangan iko ado babarapo masalah sosial budaya nan dirasokan
bisa mangganja, nan timbua dari akibat parubahan sosial nan tajadi di kalangan
warga Minangranah, tautamo nan mudo-mudo.
Manuruik pakambangannyo, wacana manganai masalah sosial budaya iko tumbuah
labiah dahulu dari wacana tantang pariwisata. Tumbuahnyo di milis RantauNet,
dalam tuka pikiran nan sabana babobot dari tokoh-tokoh sarupo Ananda Dt Endang
Pahlawan, Rahima Rahim, Idris Talu, Taufiq Rasyid, Zulharbi Salim, dan kudian
ko dari Dunsanak Mohyiddin nan bamukim di Malaysia. Ananda Mohyiddin bahkan
mangusulkan supayo diadokan Konferensi Minang Antarbangsa.
Walau ambo yakin bahaso masalah pakambangan sosial budaya iko dapek
dibenahi, namun jaleh bahaso masalah iko adolah talalu gadang dan talalu
kompleks untuak disalasaikan dek kito warga Minangrantau malalui MPKAS/MAPPAS,
karano manyangkuik sistem nilai dan limbago sarato struktur sosial dunsanak
kito di Ranah. Masalah manjaniahkan ABS SBK ko sabana kompleks dan indak
saluruahnyo dapek dibahas sacaro rasional dan profesional sarupo manangani
masalah pariwisata nan di ateh, tautamo jiko dasar-dasarnyo akan disigi,
dirumuskan baliak, sarato diduduakkan. Untuak manampuang masalah iko, sabalun
iko Pak Darul alah maambiak prakarsa mambuek milis [EMAIL PROTECTED], tapi
dalam wakatu nan indak lamo wacana iko bukannyo bakambang, tapi malah ilang
lanyok sajo.
Tantu ado masalah nan mandasar nan manyababkannyo manciuiknyo wacana dalam
milis iko, nan manuruik panglihatan ambo takaik jo masalah aqidah saparati
nan diajukan dek Ananda Rahimah Rahim maupun masalah tradisi sarapati nan
diajukan dek Ananda Dt Endang Pahlawan. Ringkasnyo, dalam tahap kini wacana ko
alah macet total.Dalam hal nan baketek-ketek, saroman baa caro mambuek gambar
ranji dan silsilah jo perangkat lunak komputer, nampaknyo alah didapek samacam
konsensus bahaso kito bisa mambuek gambar hubungan darah itu baiak dari garis
bapak menuruik Islam mauoun manuruik garih induak manuruik adat. Tapi manganai
hal nan labiah mandasar saparati hukum kekerabatan dan hukum warih, yo alun
banyak kasapakatan nan di dapek.
Mancaliak gadang sarato kompleksnyo masalah iko dan karano katarbatasan
kito warga Minangrantau dalam manangani masalah-masalah sosial budaya di Ranah,
ambo ingin mandapek masukan dari para Dunsanak sapalanta, tautamo di Rantau,
apo nan dapek kito pabuek ? Lai mungkin kito sato maagiah sumbangan pikiran
tantang masalah gadang ko, nan indak saluruahnyo dapek kito tangani sacaro
rasional dan profesional sarupo manangani pariwisata di ateh ? Kalau sakironyo
mungkin, kapado siapo kito sampaikan sumbangan pikiran kito itu ? Lagi pulo,
apo alah sapaham kito warga Minangrantau sandiri manganai substansi sarato
format ABS SBK ko? Nampak di ambo alun lai. Atau untuak samantaro indak usah
kito singguang dahulu karajo gadang nan kaduo ko, dan kito serahkan sajo
sapanuahnyo kapado tokoh-tokoh Ranah untuak marapikannyo diiringi jo doa supayo
didapek rumusan nan labiah janiah dan labiah dapek dilaksanakan di antaro kito
urang Minang ?
Ringkasnyo, sambia manaruihkan maranuang-ranuang manganai masalah gadang
urang awak iko, baa kok kito salurkan baliak wacana gadang kaduo ka dalam milis
pak Darul [EMAIL PROTECTED] ?
Cuma ado halangan nan kamaambek langkah iko, yaitu sabana saketek warga
Minangranah nan aktif bamilis-milis ko, mungkin karano alun biaso, mungkin juo
karano biayanyo relatif maha. Ambo maarokkan bisa dicari caro mangatasinyo,
misalnyo mamintak bantuan ka Pemda jo DPRD Kabupaten Kabupaten dan Kota untuak
manyadiokan ciek sajo fasilitas internet gratis di kantua pamerantah dan DPRD
masiang-masiang untuak komunikasi malimbago dalam mambahas masalah sosial
budaya antaro dunsanak kito dari Ranah jo kito urang Rantau. Kalau fasilitas
iko alah ado, ambo raso sabagian masalah ko akan dapek diatasi. Insya Allah.
Kalau untuak mambayia surang-surang rasonyo iyo agak barek, apolagi karano
situasi ekonomi di Ranah alun cerah bana lai.
Wassalam,
Saafroedin Bahar.
---------------------------------
Have a burning question? Go to Yahoo! Answers and get answers from real
people who know.
__._,_.___ Messages in this topic (2) Reply (via web post) | Start a new
topic
Messages | Files | Photos | Links | Database | Polls | Members | Calendar
Change settings via the Web (Yahoo! ID required)
Change settings via email: Switch delivery to Daily Digest | Switch format to
Traditional
Visit Your Group | Yahoo! Groups Terms of Use | Unsubscribe
Recent Activity
4
New Members
Visit Your Group
Yahoo! Mail
Get it all!
With the all-new
Yahoo! Mail Beta
Business News
Hot Headlines
Get localized news
for your area.
Y! GeoCities
Create a Blog
And tell the world
what you think.
.
__,_._,___
---------------------------------
No need to miss a message. Get email on-the-go
with Yahoo! Mail for Mobile. Get started.
Sukseskan Pulang Basamo se Dunia, Juni 2008.
-----------------------------------------------------------------
Website: http://www.rantaunet.org
============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Email dengan attachment, tidak dianjurkan.
- Posting email, DITOLAK atau DIMODERASI oleh system, jika:
1. Email ukuran besar dari >500KB.
2. Email dikirim untuk banyak penerima.
--------------------------------------------------------------
* Berhenti (unsubscribe), berhenti sementara (nomail) dan konfigurasi
keanggotaan, silahkan ke: http://rantaunet.org/palanta-setting
* Membaca dan Posting email lewat web, bisa melalui mirror mailing list di:
http://groups.yahoo.com/group/RantauNet/messages
http://groups.google.com/group/RantauNet?gvc=2
dengan mendaftarkan juga email anda disini dan kedua mirror diatas.
============================================================