Mohon izin ka Inyiak MM utk ditayangkan surat pembacanya di Padangkini.com
Maaf dan makasih Opini > Surat Pembaca KKM-2010 Vs LKAAM/KAN Tarimo kasi sanakmbo armen zulkarnain Nan alah mambarikan kami asa usua alek Sabagai "Si Padang" asli dari Darek Ambo mancibo sato saketek bamain: Catatan Armen jaleh dan indak "si langkaneh". Kini baliak ka anak manusia nan manggaleh Apo alek gadang nan ampiang segeh Ka dijadikan tampaik adu ongeh & pongeh? ABS-SBK adolah banggaan Minangkabau Indak ado kusuik nan indak salasai Indak ado salah nan indak bisa ditinjau Asal pusako lamo taruih dipakai Kito punyo lambago "tungku tigo sajarangan" Kabanggaan Minangkabau alah anam zaman*) Baa kok kini tingga kenangan Hanyo teori di karateh indak ado kanyataan Di bulan puaso nan sakambuik pahalo Adolah tampaik urang baiyo sakato Dima latak coki awak indak samo Tantu paralu dibaok duduak baselo Sarupo nan alah panah ambo tulih di siko Mukasuik KKM-2010 mangaluakan isi kapalo Mamasuakkan demokrasi dalam kultur nagari awak Indak katamakan doh dek Inyiak Datuak Bukan barati Inyiak Datuak karengkang Atau nio manang surang Vox Populi Vox Dei utak urang Eropa Indak ka cocok dalam a-be-es-es-be-ka Untuak sanak nan punyo ide, supayo dicataik : Kabanggaan dan kalabihan dari nagari awak Adolah musyawarah manuju mufakaik Kalau dihapuih Minangkabau indak lai tacelak Ambo alah panah singguang di siko Makalah Pak Mochtar sungguah baguno Tapi niaik KKM ka manyampurnokan lambago Anak kamunakan jo induak-2 punyo hak suaro Paralu dihapuih dari cito-cito Paham kamanjadikan kutiko duduak baselo Antarao Datuak, Niniak Mamak dan Rang Sumando Mambari hak anak kamunakan nan gadang basuaro. Dari zaman saisuak di nagari kito Alah dibuhua mati paham nan sampai hari ko Masih dapek manahan gampo Sakironyo datang paham Cino jo Bulando Musyawarah manuju mufakaik Adolah kabek babungo rampai dalam adaik Ambo raso paham ko jan cibo dicubik Supayo Inyiak Datuak bisa dipaguik Soal tanah ulayaik & antisipasi modernisasi Memang paralu untuak dikaji Dalam KKM-2010 nan mandatangkan ahli Tapi nan tantang adaik jan cibo-cibo diuji..!!!! Ambo adolah "Si Padang" nan 40 tahun larek di rantau Insya Allah sapaham jo Sanakmbo nan seniman Sapaham pulo jo pamikiran Inyiak Surau Bahaso adaik jan lah ditinjau Soal mampabarui pamikiran untuak maju Ambo raso indak musti awak mambuka baju Mampaliekkan dado awak nan bacilutu Atau ikuik ka paham "urang baraik" tu Kito bisa maliek ka nagari Japang Bia rayaiknyo banyak nan tapandang Manguasoi teknologi bagadang-gadang Namun kultur masyarakaiknyo indak bisa ilang Baa awak "Si Padang" nan mangaku cadiak Dapek ilimu dari benua subaliak Paralu bana cuniak gariak Manyusupi ABS-SBK jo paham kuriak? Baa bana Dunsanak aktivis KKM-2010 bakato Bahaso niaik ko untuak manjago Minangkabau indak katinggalan maso Ambo raso ado nan paralu dipareso Silakanlah Umara mauruih nagari supayo aman Silakanlah Si Cadiak Pandai mawujudkan pambangunan Tapi biakan pulolah Niniak Mamak di kampuang halaman Mauruih anak kamunakan jo tambo nan indak ka lapauk dimakan zaman Kalau sajo surek elektrik Nan ambo buek sacaro puisi lirik Ditarimo dek aktivis KKM jo hati indak sampik Tantu Minangkabau indak maraso dicubik. Salam......................., Ir. H. Muchwardi Muchtar, Mar-Eng Lk-2, Koto Dt.Tumangguang, >50 th, tingga di Bekasi 0812.8033925 (sadang di Cilacap) anam zaman*)= zaman bulando; zaman japang; zaman kemerdekaan; zaman prri; zaman orba dan zaman reformasi.. http://padangkini.com/opini/suratpembaca.php?id=170 -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.