Waalaikum Salam ww.
Bilo nyiak sabuik satantang mandi balimauko haiyo takana maso ketek2
dikampuang dulu, dimano gaek alah manyadiokan paragaek langkok untuak mandi
balimauko,
Ambo adiak baradiak dimandikan sacaro urutan bamulo dari nan gadang sampai
nan terakhir.
Onde mak oi arunnyo,rasonyo indak sakadar limau puruik sajodoh,banyak lai
campuran2 lain,indakdoh takana lai kini.
Nan pasti,badab taraso segar sakali,sumangaek timbua hati gembira.
Kalaulah dikampuang,puasoko dirasokan seperti pesta bulanan dek karano
aktiviti arian barubah dari bulan2 biaso.
Kok surau dihari biaso makmumnyo 2,3urang sajo dipuaso panuah sampai ka dapua
Kok diawak nan paja2 masotu biasonyo kalau malam jarang dapek kalua nak
basobok kawan2 tapi disuraulah kasampatan basobok sadonyo,indak sakadar itu
jemaah mambao pelbagai juadah nan jarang2 basobok diari biaso,sainggo ado kawan
nan sadang mambaco (tadrus) tasalah baco bilo tapandang juadah,ayaik nan
dibaconyo WAL KOLAKNA WAL SARABINA (ruponyo baliau tapandang kolak jo sarabi).
Ciek lai peristiwa nan indak talupokan adolah: dikampuang mancik basarang di
loteang adolah biaso,tarawiah sadang bajalan kuciang sadang baburu pulo,mako
tersasarlah mancik nan sadang katakutan mancari tampek balinduang,umumnyo
jemaah pakai kain saruang,pas2 sadang sujuik pintu kain saruang tabukak,apolai
mancik curi kesempatan malacuih masuak kakarampang, kuciang sampai,sujuik
bangkik mako tatutuik pintu kain saruang,mancik terselamat,tapi sayang apabilo
mancik nan sadang ketakutan taimpik,mako inyo tiado pilihan untuak malapehkan
diri,digatuihnyo benda nan sadang maimpiknyotu,apolai tararaulah jemaah tu,
takajuiklah jemaah2 nan lain,nan latah lah babagai2 ayaik nan disabuiknyo,nan
paja2 apolai bainsau galak,nan tuo2 lah kareh paruik manahan galak mancaliak
pareman lah bainsau,nan induak2 jan disabuik lai,pokoknyo nan jadihal bukan
jemaah nan kasakitan dicotok mancik,tapi dek mancik macam tau pulo mancari
sasaran. Nan jaleh rakaat tu lah ndak salamaek sainggo imam minta
rakaat tu diganti,mungkin agaknyo imampun lah sato tagalak,tapi dek baliau
dimuko sakali indaklah ado urang nan nampak.
Onde nyiak,lah kamalo caritoko, dari balimau lah kamanciklo painyo.
Dimalaysia indak mangarati urang doh prihal balimauko,hanyo rang Awak juo nan
tadanga manyabuiknyo.
Apo barita terkini nyiak?
Wassalam,
Gani48
[EMAIL PROTECTED] wrote:
Assalamu'alaikum,wr,wb.
Mandi belimau (mukasuiknyo balimau) di Bangka Belitung alah disiarkan di
Trans TV sanjo tadi.
Info nan ambo baco dari postingan Nofrins, acara mandi balimau di kampuang
awak baru akan di lakukan shoting.
Jadi katinggalan kareta awak kini ko dek Propinsi terbaru di Sumatera
Bagian Selatan ko dalam menginformasikan apo nan ado di kito. Jan sarupo
kasus "randang" nan alah dibuek hak patennyo dek urang di Malaysia, apo
nan tatingga di kito kini ko ??????
Wassalam,
HM Dt.MB (50+)
---------------------------------
Tonight's top picks. What will you watch tonight? Preview the hottest shows on
Yahoo! TV.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti (unsubscribe), kirim email kosong ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount
===============================================================
-~----------~----~----~----~------~----~------~--~---
