Sarambi makah tu dima tu mak Sutan ?. Masih di daerah Padang juo ?. UP
Quoting "Nofend St. Mudo" <[EMAIL PROTECTED]>: > > "Oh, Serambi Mekah. > Malang benar nasibmu. > Tak kusangka dan tak kuduga. > Nama Mekah yang ada di pundakmu seakan telah luntur. > Engkau dilangkahi negeri antah-berantah. > Mana suraumu? > Mana masjidmu? > Mana orang-orang hebatmu. > Atau engkau rela mencopot semboyan itu dari dadamu?" > > Indak hujan dan indak pulo ado angin, Tan Baro bapuisi surang sadang > duduak di lapau Uwo Pulin. Sadangkan kawan-kawannyo cuma nampak > malongo bantuak kabau kapanasan di tapi kubangan. Ka masuak kubangan, > tali singkek. > > "Wo, tolong aia dingin agak sagaleh!" Kato Kari Garejoh. > > "Untuak apo aia dingin?" Tanyo Uwo nan sato pulo tapana. > > "Munkin Tan Baro tasapo gai. Bia nak dibacokan capak-capak baruak > saketek dek Mak Pono," jawek Kari. > > "Batoh, Kari. Tasapo baa pulo ambo? Sia nan manyapo?" Kato Tan Baro > baliak batanyo. > > "Eh, indak! Salamo ko indak pernah tadanga dek ambo Tan Baro bapuisi > saroman itu. Ijankan bapuisi, mandanga Uncu barabab se Tan Baro > manutuik talingo," baleh Kari. > > "Ha....ha. Sakali ko, puisi ambo tu manggambarkan keprihatinan kecek > urang kini. Ambo maraso ibo panuah tando tanyo, baa kok nagari Sarambi > Makah tu kucun di arena em-te-qiu. Katonyo, nagari tu gudang ulama, > gudang sikola agamo, tapi bisa kalah dek Mantawai," kecek Tan Baro > mampajaleh mukasuiknyo. > > "Apo, Tan? Sarambi Makah kalah dek Mantawai? Lai indak salah juri tu? > Atau Tan Baro nan salah baco?" Giliran Tacin mangaluakan suaro. > > "Itulah kanyataan nan indak bisa awak tutuik. Namo Sarambi Makah, > nampaknyo hanyo pamanih se lai. Awak kan samo-samo tau, Mantawai indak > nagari mayoritas Islam sarupo di siko. Tapi, bia saketek, nampaknyo > sabana boneh. Di awak lai banyak, tapi ampo barek," kato Tan Baro nan > indak bisa manyuruak-an raso kacewanyo. > > Baitulah gambaran suasana lapau Uwo Pulin pagi kapatang. Walau nan > manjadi barita gadang di surek kaba 'Singgalang' adolah banyaknyo > palamar masuak pagawai nan indak luluih, tapi dek komunitas lapau Uwo, > labiah manarik barita hasil em-te-qiu dari Luak nan Bunsu. Manariknyo, > dari daftar juara, tanyato nagari Sarambi Makah ado di bawah Mantawai. > Baitu juo kampuang Mak Pono, kampuang Ajo Tondeh sarato kampuang Uncu > Labai samo-samo di bawah Mantawai dan tantu samo barisi ampo barek. > Untuang sajo kampuang Uncu, kampuang Mak Pono sarato kampuang Ajo lai > indak pakai istilah Sarambi Makah atau Sarambi Madinah bagai. Saumpamo > kampuang Ajo pakai Sarambi Madinah, barangkali ka jadi bulan-bulanan > pulo Ajo dek kawan-kawannyo pagi tu. > > "Jadi, nampaknyo nan bantuak iko paralu jadi palajaran dek awak. > Saumpamo maagiah namo anak, ijan barek-barek bana. Lai bana diagiah > namo Saleh, Muslim, Amirullah atau lainnya, tapi indak tajujuang dek > nyo kan parcuma. Namo sabarek bumi jo langik, tapi parangainyo > cingkahak, kan ka jadi pagunjiangan se di tangah kampuang. > > "Jadi baa lai Tan?" Tanyo Udin Kuriak. > > "Kalau nantik kampuang ambo paralu diagiah gala pulo, mako cukuik > sarabi makah se," kato Tan Baro nan disambuik jo galak dek > kawan-kawannyo. > > Espe St.Soeleman > http://www.hariansinggalang.co.id/palanta.html > > > > --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount =============================================================== -~----------~----~----~----~------~----~------~--~---
